ಡೈಲಿ ಯೋಗ: ಇಟ್ಟಿಗೆಗಳ ಸಹಾಯದಿಂದ ಶಶಾಂಕಾಸನ

ವಿವರಣೆ :-ಜಮಖಾನವನ್ನು ನೆಲದ ಮೇಲೆ ಹಾಸಬೇಕು. ನಂತರ ಜಮಖಾನದ ಒಂದು ತುದಿಯಲ್ಲಿ ಎರಡು ಇಟ್ಟಿಗೆಗಳನ್ನು ಅಡ್ಡವಾಗಿ ಇಡಬೇಕು ಹಾಗೂ ಜಮಖಾನದ ಮಧ್ಯದ ಭಾಗದಲ್ಲಿ ವಜ್ರಾಸನದಲ್ಲಿ ಇಟ್ಟಿಗೆಗಳಿಗೆ ಅಭಿಮುಖವಾಗಿ ಕುಳಿತುಕೊಳ್ಳಬೇಕು. ಈಗ ಪೃಷ್ಠವನ್ನು ಮೇಲೆ ಎತ್ತಿ ಮುಂದೆ ಬಾಗಿ ಎರಡೂ ಮೊಣಕೈಗಳನ್ನು ಇಟ್ಟಿಗೆಯ ಮೇಲೆ ಊರಬೇಕು. ಮೊಣಕೈಗಳನ್ನು ಮೇಲೆ ನೇರಮಾಡಿ ಎರಡೂ ಹಸ್ತಗಳನ್ನು ಒಂದಕ್ಕೊಂದು ಸೇರಿಸಬೇಕು. ಎದೆಯ ಭಾಗ ಮತ್ತು ರಟ್ಟೆಗಳನ್ನು ನೆಲದ ಕಡೆಗೆ ಎಳೆಯುತ್ತಿರಬೇಕು. ಸೊಂಟದಿಂದ ಕುತ್ತಿಗೆಯವರೆಗೆ ಬೆನ್ನನ್ನು ಹಿಗ್ಗಿಸಿರಬೇಕು. ಮೊಣಕಾಲುಗಳು ಹಿಂದೆ ಚಾಚಿ ನೆಲದ ಮೇಲಿರಲಿ. ದೃಷ್ಟಿ ಮುಂದೆ ಇರಲಿ. ಈ ಆಸನದಲ್ಲಿ ಸಹಜ ಉಸಿರಾಟ ಕ್ರಿಯೆ ಇರಲಿ. ಈ ರೀತಿ ಸ್ವಲ್ಪ ಸಮಯವಿದ್ದು ನಂತರ ವಾಪಸ್‌ ಬರಬೇಕು.

ಉಪಯೋಗ:- ಈ ರೀತಿ ಇಟ್ಟಿಗೆಗಳ ಸಹಾಯದಿಂದ ಆಸನ ಮಾಡಿದಾಗ ಭುಜಗಳಲ್ಲಿನ ಬಿಗಿತ ದೂರವಾಗುವುದು. ವಿಶೇಷವಾಗಿ ಪ್ರೋಷರ್‌ ಶೋಲ್ಡರ್‌ ಸಮಸ್ಯೆ ದೂರವಾಗುವುದು. ಕುತ್ತಿಗೆ ನೋವು, ಸವೈರ್‍ಕಲ್‌ ಸ್ಪೌಂಡೀಲೈಸಿಸ್‌ ನಿವಾರಣೆಯಾಗುವುದು. ಎದೆಯಭಾಗ ವಿಶಾಲವಾಗುವುದು. ಬೆನ್ನಿನ ಭಾಗಕ್ಕೆ ಚೈತನ್ಯ ದೊರೆಯುವುದು.