ವಿವರಣೆ: ಜಮಖಾನವನ್ನು ನೆಲದ ಮೇಲೆ ಹಾಸಿ. ನಂತರ ಒಂದು ಕುರ್ಚಿ ಬಿಡಿಸಿ ಜಮಖಾನದ ಮೇಲೆ ಇಡಿ. ಈಗ ಬಲಗಾಲನ್ನು ಮುಂದೆ ತೆಗೆದುಕೊಂಡು ಕುರ್ಚಿಯಲ್ಲಿ ಕುಳಿತುಕೊಳ್ಳಲು ಇರುವ ತಟ್ಟೆಯ ಮೇಲಿಡಿ. ಬಲಗಾಲು ಮಡಿಸಿ ಮತ್ತು ಎಡಗಾಲನ್ನು ಹಿಂದೆ ಚಾಚಿ. ಎಡ ಮಂಡಿಯನ್ನು ಬಿಗಿಗೊಳಿಸಿ. ಎಡಗಾಲಿನ ಬೆರಳುಗಳು ಕುರ್ಚಿಯ ದಿಕ್ಕಿನಲ್ಲಿರಲಿ. ನಂತರ ಎಡಗೈಯನ್ನು ಬಲ ಮಂಡಿಯ ಹೊರಭಾಗದಲ್ಲಿ ತೆಗೆದುಕೊಂಡು ಕುರ್ಚಿಯ ಮುಂಭಾಗದಲ್ಲಿರುವ ತಟ್ಟೆಯ ಮೂಲೆಯನ್ನು ಹಿಡಿಯಿರಿ. ಬಲಗೈಯನ್ನು ಕಿವಿಯ ನೇರದಲ್ಲಿ ಮುಂದೆ ಚಾಚಿ. ಈ ಸ್ಥಿತಿಯಲ್ಲಿ ಎಡ ಭುಜವನ್ನು ಮುಂದೆ ತಳ್ಳುತ್ತಾ ಬಲ ಭುಜವನ್ನು ಹಿಂದೆ ತಳ್ಳಿ. ನಿಮ್ಮ ದೃಷ್ಟಿ ಮೇಲ್ಮುಖವಾಗಿರಲಿ. ಈ ಸ್ಥಿತಿಯಲ್ಲಿ ಸಹಜ ಉಸಿರಾಟ ಕ್ರಿಯೆ ಇರಲಿ. ಈ ರೀತಿ ಸ್ವಲ್ಪ ಸಮಯ ಇದ್ದು ನಂತರ ಮತ್ತೊಂದು ಕಡೆ ಆಸನ ಮಾಡಿ.
ಉಪಯೋಗ
-ಪರಿವೃತ ಪಾಶ್ರ್ವಕೋನಾಸನ ಮಾಡುವಾಗ ಮುಂದೆ ಇರುವ ಕಾಲುಗಳನ್ನು ಅನೇಕರಿಗೆ ಮಡಿಸಲು ಸಾಧ್ಯವಾಗುವುದಿಲ್ಲ. ಅಂಥÜವರು ಈ ರೀತಿ ಕುರ್ಚಿ ಸಹಾಯದಿಂದ ಕುಳಿತು ಮಾಡಬಹುದು.
-ಈ ರೀತಿ ಆಸನ ಮಾಡುವುದರಿಂದ ನಾಭಿಯ ಭಾಗ ಸರಾಗವಾಗಿ ತಿರುಗಲ್ಪಟ್ಟು ಆಸನ ಮತ್ತಷ್ಟು ಉತ್ಕೃಷ್ಠವಾಗಿ ಬರುವುದು.
-ಬೆನ್ನು ಮೂಳೆಗಳ ದುರ್ಬಲತೆ ದೂರವಾಗಿ ಸದೃಢÜವಾಗುವವು
-ನಾಭಿ ಮತ್ತು ಪಕ್ಕೆಲುಬುಗಳ ಕೊಬ್ಬು ಕರಗುವುದು.
-ಕಾಲುಗಳು ಸದೃಢವಾಗುವವು.