ಡೈಲಿ ಯೋಗ: ಬೆಲ್ಟಿನ ಸಹಾಯದಿಂದ ಸಮಸ್ಥಿತಿ

ವಿವರಣೆ:- ಮೊದಲು ಒಂದು ಬೆಲ್ಟನ್ನು ತೆಗೆದುಕೊಂಡು ಬೆಲ್ಟಿನ ಒಂದು ತುದಿಯನ್ನು ಮತ್ತೊಂದು ತುದಿಯಲ್ಲಿರುವ ಕೊಂಡಿಯಲ್ಲಿ ಸೇರಿಸಿ ನಂತರ ಅದನ್ನು ಎಳೆಯುತ್ತ ಎದೆಯ ಅಗಲದಷ್ಟು ತೆಗೆದುಕೊಳ್ಳಬೇಕು. ಈಗ ಸಮಸ್ಥಿತಿಯಲ್ಲಿ ನಿಂತುಕೊಂಡು ಎರಡು ಕೈಗಳನ್ನು ಬೆಲ್ಟಿನ ಒಳಗೆ ತೆಗೆದುಕೊಂಡು ಬೆಲ್ಟನ್ನು ಮೇಲೆ ತೆಗೆದುಕೊಳ್ಳುತ್ತಾ ಬರಬೇಕು. ಬೆಲ್ಟನ್ನು ಮೊಣಕೈಗಿಂತ ಸ್ವಲ್ಪ ಮೇಲೆ ತೆಗೆದುಕೊಳ್ಳಬೇಕು. ಈಗ ಎಷ್ಟು ಅವಷ್ಯಕತೆ ಇದೆಯೋ ಅಷ್ಟು ಬೆಲ್ಟನ್ನು ಬಿಗಿಗೊಳಿಸಬೇಕು. ಈ ಸ್ಥಿತಿಯಲ್ಲಿ ಕೈಗಳು ಹಿಂದಕ್ಕೆ ಎಳೆಯುತ್ತಿರಬೇಕು ಹಾಗೂ ನೇರವಾಗಿರಬೇಕು. ಇಡೀ ಶರೀರ ನೇರವಾಗಿರಲಿ. ದೃಷ್ಟಿ ಮುಂದೆ ಇರಲಿ. ಈ ಭಂಗಿಯಲ್ಲಿ ಸಹಜ ಉಸಿರಾಟ ಕ್ರಿಯೆ ಇರಲಿ. ಈ ರೀತಿ ಸ್ವಲ್ಪ ಸಮಯವಿದ್ದು ನಂತರ ವಾಪಸ್‌ ಬರಬೇಕು.

ಉಪಯೋಗ:- ಸಮಸ್ಥಿತಿಯಲ್ಲಿ ನಿಂತು ಈ ರೀತಿ ಬೆಲ್ಟನ್ನು ಉಪಯೋಗಿಸಿ ಕೈಗಳನ್ನು ಬಿಗಿಗೊಳಿಸುವುದರಿಂದ ಮೊಣಕೈ ನೋವು (ಟೆನ್ನಿಸ್‌ ಎಲ್ಬೋ) ದೂರವಾಗುವುದು ಹಾಗೂ ಕೈಗಳಲ್ಲಿನ ದುರ್ಬಲತೆ (ಪಾರ್ಕಿನ್‌ಸನ್ಸ್‌) ಮತ್ತು ಭುಜಗಳಲ್ಲಿನ ಬಿಗಿತವೂ ದೂರವಾಗುವುದು. ಎದೆಯ ಭಾಗ ವಿಶಾಲವಾಗುವುದು. ಉಸಿರಾಟ ಸರಾಗವಾಗುವುದು.