ಧ್ಯಾನ ಮಾಡುವವರ ಮನಸ್ಥಿತಿ ಹೀಗಿರುತ್ತೆ ನೋಡಿ

ಬೆಳಗ್ಗೆ ಎದ್ದ ಕ್ಷಣದಿಂದ ಮಲಗುವವರೆಗೆ ಒತ್ತಡದಲ್ಲೇ ಆ ದಿನವನ್ನು ಕಳೆಯುತ್ತೇವೆ. ಮನೆ-ಮಕ್ಕಳ ಜವಾಬ್ದಾರಿ, ಟ್ರಾವೆಲ್‌ ಮಾಡುವಾಗ ಟ್ರಾಫಿಕ್‌ ಸಮಸ್ಯೆ, ಆಫೀಸ್‌ಗೆ ಬಂದರೆ ಗೋಲ್‌, ಟಾರ್ಗೆಟ್‌ ಹೀಗೆ ಇಡೀ ದಿನ ಒಂದೆಲ್ಲಾ ಒಂದು ರೀತಿಯ ಮಾನಸಿಕ ಒತ್ತಡಕ್ಕೆ ಒಳಗಾಗುತ್ತೇವೆ.

ಮಾನಸಿಕ ಒತ್ತಡ ಹೆಚ್ಚಾಗುತ್ತಿದ್ದಂತೆ ಒಂದೊಂದೇ ಕಾಯಿಲೆಗಳು ನಮ್ಮ ದೇಹದಲ್ಲಿ ಬಂದು ಮನೆ ಮಾಡುತ್ತವೆ. ಒತ್ತಡವನ್ನು ಹೊರಹಾಕಿ ದೇಹ ಹಾಗೂ ಮನಸ್ಸನ್ನು ಆರೋಗ್ಯವಾಗಿಡಲು ಇರುವ ಮಾರ್ಗವೆಂದರೆ ಧ್ಯಾನ.

ಧ್ಯಾನ ಮಾಡಲು ಪದ್ಮಾಸನ/ವಜ್ರಾಸನ/ಸುಖಸಾನ ಇವುಗಳಲ್ಲಿ ನಿಮಗೆ ಕಂಫರ್ಟ್ ಅನಿಸುವ ರೀತಿಯಲ್ಲಿ ಕುಳಿತುಕೊಂಡು, ಕೈಗಳನ್ನು ಜ್ಞಾನ ಮುದ್ರೆಯಲ್ಲಿ ಅಥವಾ ಒಂದು ಕೈ ಮೇಲೆ ಕೈ ಹಿಡಿದು, ಕಣ್ಣನ್ನು ಮುಚ್ಚಿ ನಿಧಾನಕ್ಕೆ ಉಸಿರು ಎಳೆದು, ನಿಧಾನಕ್ಕೆ ಬಿಡಬೇಕು. ಈ ರೀತಿ 5 ನಿಮಿಷ ಮಾಡಿ ನಂತರ ಎರಡು ಕೈಗಳನ್ನು ಉಜ್ಜಿ ಕಣ್ಣಿಗೆ ಒತ್ತಿ ನಿಧಾನಕ್ಕೆ ಕಣ್ಣು ತೆಗೆಯಿರಿ.


ಧ್ಯಾನದ ಪ್ರಯೋಜನಗಳು
* ಈ ರೀತಿ ಮಾಡುವುದರಿಂದ ಮನಸ್ಸಿಗೆ ಆಹ್ಲಾದಕರ ಅನುಭವ ಉಂಟಾಗುವುದು.
* ಮಾನಸಿಕ ಒತ್ತಡ ದೂರವಾಗುವುದು.
* ಏಕಾಗ್ರತೆ ಹೆಚ್ಚಿಸುವುದು, ನಮ್ಮ ನಡವಳಿಕೆ ಮೇಲೂ ಪ್ರಭಾವ ಬೀರುವುದು.
* ಮನಸ್ಸಿನಲ್ಲಿರುವ ನಕಾರಾತ್ಮಕ ಭಾವನೆಗಳನ್ನು ಹೊರ ಹಾಕುತ್ತದೆ.
* ಕೋಪ, ಖಿನ್ನತೆ ದೂರವಾಗುವುದು.
* ಜ್ಞಾಪಕ ಶಕ್ತಿ ಹೆಚ್ಚಿಸುತ್ತದೆ ಹಾಗೂ ಯಾವುದೇ ವಿಷಯದಲ್ಲಿ ಸ್ಪಷ್ಟ ನಿರ್ಧಾರ ತೆಗೆದುಕೊಳ್ಳಲು ಸಹಾಯ ಮಾಡುತ್ತದೆ.
* ಧನಾತ್ಮಕ ಚಿಂತನೆ ಹಾಗೂ ಕ್ರಿಯಾಶೀಲತೆಯನ್ನು ಹೆಚ್ಚಿಸುತ್ತದೆ.
* ಧ್ಯಾನದಿಂದ ಜೀವನದ ಗುಣಮಟ್ಟ ಹೆಚ್ಚುವುದು.
ಪ್ರತಿದಿನ ಧ್ಯಾನ ಮಾಡಿ ನಿಮ್ಮ ಬದುಕಿನಲ್ಲಾದ ವ್ಯತ್ಯಾಸ ಗಮನಿಸಿ.

ಧ್ಯಾನ ಯಾರು ಬೇಕಾದರೂ ಮಾಡಬಹುದಾಗಿದ್ದು, ಕ್ರಮಬದ್ಧವಾಗಿ ಅಭ್ಯಾಸ ಮಾಡುವುದು ಹೇಗೆ ಎಂದು ಯೋಗ ಟೀಚರ್‌ ಬಳಿ ಕೇಳಿ ತಿಳಿದುಕೊಳ್ಳಿ.