ಮಾನಸಿಕ ಅನಾರೋಗ್ಯವು 30 ರಿಂದ 49 ವಯಸ್ಸಿನವರಲ್ಲಿ ಹೆಚ್ಚಾಗಿ ಕಂಡು ಬರುತ್ತದೆ. 60ಕ್ಕಿಂತ ಹೆಚ್ಚಿನ ವಯಸ್ಸಿನವರಲ್ಲಿಯೂ ಅಧಿಕವಾಗಿ ಕಾಣಿಸಿಕೊಳ್ಳುತ್ತದೆ. ಈ ಸಮಸ್ಯೆಯನ್ನು ನಿವಾರಿಸಲು ಮನಸ್ಸಿನ ಶಾಂತಿ-ನೆಮ್ಮದಿಗೆ ಹೆಚ್ಚಿನ ಮಹತ್ವವನ್ನು ನೀಡಲಾಗುತ್ತದೆ. ಇದಕ್ಕೆ ಮುಖ್ಯವಾಗಿ ಸಹಕರಿಸುವ ಯೋಗಾಭ್ಯಾಸಗಳೆಂದರೆ ಧಾರಣ ಮತ್ತು ಧ್ಯಾನ. ಧಾರಣವು ಮಾನಸಿಕ ಏಕಾಗ್ರತೆಗೆ ಬಹಳಷ್ಟು ಉಪಯುಕ್ತ. ಧ್ಯಾನವು ಮನಸ್ಸಿನ ಎಲ್ಲ ಆಲೋಚನೆಗಳನ್ನು ದೂರ ಮಾಡುತ್ತದೆ.
ಧಾರಣ, ಧ್ಯಾನದ ಅಭ್ಯಾಸವು ಮನಸ್ಸಿನ ಎಲ್ಲ ಚಿಂತೆಗಳನ್ನು ದೂರ ಮಾಡುತ್ತದೆ.
* ಮಾನಸಿಕ ನೆಮ್ಮದಿಯನ್ನು ನೀಡುತ್ತದೆ.
* ಮನಸ್ಸಿನ ಚಂಚಲತೆಯನ್ನು ದೂರ ಮಾಡುತ್ತದೆ.
* ಮನಸ್ಸಿನ ಅರಿವು, ಸೂಕ್ಷ ಸಂವೇದನೆಯನ್ನು ಸೃಷ್ಠಿಸುತ್ತದೆ.
* ಏಕಾಗ್ರತೆ ಮತ್ತು ಗ್ರಹಣ ಶಕ್ತಿಯನ್ನು ಹೆಚ್ಚಿಸುತ್ತದೆ.
* ಋುಣಾತ್ಮಕ ಭಾವನೆಗಳನ್ನು ಮನಸ್ಸಿನಿಂದ ಹೊರಹಾಕುತ್ತದೆ.
* ಧನಾತ್ಮಕ ಭಾವನೆಗಳ ಬೆಳವಣಿಗೆಗೆ ಸಹಾಯಕಾರಿ.
* ಮಾನಸಿಕ ಉದ್ವೇಗ ನಿಯಂತ್ರಣಕ್ಕೆ
* ಸಕಾರಾತ್ಮಕ ಆಲೋಚನೆಗಳನ್ನು ಬೆಳೆಸಿಕೊಳ್ಳಬೇಕು.
* ದಿನದಲ್ಲಿ ಆಗಾಗ ವಿಶ್ರಾಂತಿ ತೆಗೆದುಕೊಳ್ಳುವುದು ಮಾನಸಿಕವಾಗಿ ಮತ್ತು ದೈಹಿಕವಾಗಿ ಬಹಳ ಮುಖ್ಯ. ಆದ್ದರಿಂದ ಇದಕ್ಕೂ ಕೂಡ ಕಾಲ ನಿಗದಿ ಮಾಡಿಕೊಳ್ಳಬೇಕು. ಆಹಾರ ಸೇವಿಸುವಂತೆ ವಿಶ್ರಾಂತಿಯು ಅತ್ಯವಶ್ಯಕ.
* ಬಿಡುವಿನ ವೇಳೆಯಲ್ಲಿ ಯಾವುದಾದರೂ ಸೃಜನಶೀಲ ಮತ್ತು ಮನಸ್ಸಿಗೆ ಮುದ ಮತ್ತು ತೃಪ್ತಿಯನ್ನು ನೀಡುವ ಕೆಲಸಗಳಲ್ಲಿ ತೊಡಗಿಕೊಳ್ಳುವುದು.
* ಕನಿಷ್ಠ 5 ನಿಮಿಷಗಳವರೆಗಾದರೂ ದೀರ್ಘವಾಗಿ ಉಸಿರಾಡಿ.
* ಉದ್ವೇಗದ ಸಮಯದಲ್ಲಿ ಕ್ಷಿಪ್ರವಾಗಿ ಸ್ಪಂದಿಸದೇ ಆ ಸಂದರ್ಭದಲ್ಲಿ ಪೂರ್ಣವಾಗಿ ಭಾಗಿಯಾಗಿ.
* ಈಗಾಗಲೇ ನಾವು ಹೊಂದಿರುವುದಕ್ಕೆ ಧನ್ಯತಾ ಭಾವನೆಯನ್ನು ಅನುಭವಿಸುವುದು.
* ನಮ್ಮ ಮನಸ್ಸಿಗೆ ಒತ್ತಡ ತರುವ ಮೋಹಗಳನ್ನು ತ್ಯಜಿಸುವುದು.