20 ಸೆ. ವಕ್ರಾಸನಕ್ಕೆ ಮೀಸಲಿಟ್ಟರೆ ಮಧುಮೇಹ ತಡೆಗಟ್ಟಬಹುದು

ಪ್ರಧಾನಿ ಮೋದಿಯವರು ಈ ವೀಡಿಯೋದ ಮೂಲಕ ವಕ್ರಾಸನ ಹಾಗೂ ಅದರ ಪ್ರಯೋಜನಗಳ ಬಗ್ಗೆ ವಿವರಿಸಿದ್ದಾರೆ. ಈ ಆಸನ ಕೂಡ ಮಾಡಲು ಸರಳವಾಗಿದ್ದು ದಿನದಲ್ಲಿ 20 ಸೆಕೆಂಡ್‌ ಈ ಆಸನಕ್ಕಾಗಿ ಮೀಸಲಿಟ್ಟರೆ ಅನೇಕ ಆರೋಗ್ಯಕರ ಗುಣಗಳನ್ನು ಪಡೆಯಬಹುದು.

ವಕ್ರಾಸನ ಮಾಡುವ ವಿಧಾನ:
ಕುಳಿತುಕೊಂಡ ಭಂಗಿಯಲ್ಲಿಯೇ ಈ ಆಸನ ಮಾಡಬಹುದು. ಈ ಆಸನ ಮಾಡಲು ಮೊದಲು ದಂಡಾಸನದಲ್ಲಿ ಕುಳಿತುಕೊಳ್ಳಿ, ನಂತರ ಬಲ ಕಾಲಿನ ಮಂಡಿ ಮಡಚಿ. ಈಗ ಎಡಗೈಯಿಂದ ಬಲಗಾಲಿನ ಹೆಬ್ಬರಳು ಹಿಡಿಯಿರಿ, ಬಲಗೈಯನ್ನು ಬೆನ್ನ ಹಿಂದಕ್ಕೆ ಹಿಡಿಯಿರಿ, ಕುತ್ತಿಗೆಯನ್ನು ಎಡಭಾಗಕ್ಕೆ ತಿರುಗಿಸಿ. ಈ ಭಂಗಿಯಲ್ಲಿ 10 ಸೆಕೆಂಡ್‌ ಇದ್ದು ನಂತರ ದಂಡಾಸನಕ್ಕೆ ಬನ್ನಿ. ಈಗ ಎಡಗಾಲನ್ನು ಮಡಚಿ ಬಲಗೈಯಿಂದ ಕಾಲಿನ ಹೆಬ್ಬರಳನ್ನು ಹಿಡಿಯಿರಿ, ಎಡಗೈ ಬೆನ್ನ ಹಿಂದೆ ಇರಲಿ, ಕುತ್ತಿಗೆ ಬಲಭಾಗದಲ್ಲಿ ಇರಲಿ. ಈ ಭಂಗಿಯಲ್ಲಿ 10 ಸೆಕೆಂಡ್‌ ಇರಿ. ಈ ಭಂಗಿಯಲ್ಲಿ ಉಸಿರಾಟ ಸಹಜವಾಗಿರಲಿ.

ವಕ್ರಾಸನದ ಪ್ರಯೋಜನಗಳು
* ಬೆನ್ನು ಮೂಳೆಯ ಆರೋಗ್ಯ ಹೆಚ್ಚುವುದು
* ಬೆನ್ನು ನೋವು ಇದ್ದರೆ ಕಡಿಮೆಯಾಗುವುದು.
* ಪ್ಯಾಂಕ್ರಿಯಾಸ್‌ಗೆ ಒಳ್ಳೆಯದು.
*ಡಯಾಬಿಟಿಸ್‌ ನಿಯಂತ್ರಣದಲ್ಲಿಡುವುದು
* ಭುಜಗಳು ಶಕ್ತಿಶಾಲಿಯಾಗುವುದು
* ಕತ್ತಿನ ಮಾಂಸಖಂಡಗಳಿಗೆ ಉತ್ತಮ ವ್ಯಾಯಾಮ
ಸೂಚನೆ
ಕತ್ತು ಅಥವಾ ಬೆನ್ನು ನೋವು ಇದ್ದಾಗ ಈ ವ್ಯಾಯಾಮ ಮಾಡಬಾರದು.