ಮೈಗ್ರೇನ್ ಪ್ರಾಬ್ಲಮ್ ಇದೆಯೇ? ಹಾಗಾದ್ರೆ ಈ ಯೋಗಾಸನಗಳನ್ನು ಮಾಡಿ

ಮೈಗ್ರೇನ್ ಎಂದರೆ ಅದು ಪ್ರತಿನಿತ್ಯವೂ ಜೀವವನ್ನು ಕೊಲ್ಲುವ ಆರೋಗ್ಯ ಸಮಸ್ಯೆ. ಮೈಗ್ರೇನ್ ಬಂದರೆ ದೈನಂದಿನ ಕಾರ್ಯಗಳನ್ನು ಮಾಡಲು ಆಗದು ಮತ್ತು ಅದು ಸಂಪೂರ್ಣ ಮನಸ್ಥಿತಿಯನ್ನು ಅಲ್ಲೋಲಕಲ್ಲೋಲ ಮಾಡಿಬಿಡುವುದು.

ಮೈಗ್ರೇನ್ ಎನ್ನುವುದು ಬಂದರೆ ಅದಕ್ಕೆ ಯಾವುದೇ ರೀತಿಯ ನಿಖರ ಚಿಕಿತ್ಸೆಯೂ ಇರುವುದಿಲ್ಲ. ಕೆಲವು ಜನರಿಗೆ ಇದು ಅನುವಂಶೀಯವಾಗಿ ಬರುವುದು ಇದೆ. ಮೈಗ್ರೇನ್ ಬಂದ ವ್ಯಕ್ತಿಯ ಜೀವನ ಹಾಗೂ ಅವರ ಉತ್ಪಾದಕತೆಯ ಮೇಲೆ ದೊಡ್ಡ ಪರಿಣಾಮ ಬೀರುವುದು.

ಮೈಗ್ರೇನ್ ಬಂದ ಕೂಡಲೇ ಕೆಲವು ಜನರು ಅತಿಯಾಗಿ ನೋವು ನಿವಾರಕ ಮಾತ್ರೆಗಳ ಸೇವನೆ ಮಾಡುವರು. ಆದರೆ ಇದು ತುಂಬಾ ಹಾನಿಕರ ಹಾಗೂ ಆರೋಗ್ಯದ ಮೇಲೆ ಇದರಿಂದ ವ್ಯತಿರಿಕ್ತ ಪರಿಣಾಮವು ಬೀರುವುದು.

ಇನ್ನು ಕೆಲವರು ಟೀ ಅಥವಾ ಕಾಫಿ ಸೇವನೆ ಮಾಡಿ ಮೈಗ್ರೇನ್ ನಿವಾರಣೆ ಮಾಡಲು ಪ್ರಯತ್ನಿಸುವರು. ಆದರೆ ಇದು ಮೈಗ್ರೇನ್ ನಿಂದ ತಾತ್ಕಾಲಿಕ ಶಮನ ಮಾತ್ರ ನೀಡುವುದು. ಆದರೆ ಜೀವನಶೈಲಿಯಲ್ಲಿ ಕೆಲವು ಬದಲಾವಣೆ ಹಾಗೂ ಕೆಲವು ಯೋಗಾಭ್ಯಾಸಗಳನ್ನು ಮಾಡಿದರೆ ಆಗ ಖಂಡಿತವಾಗಿಯೂ ಮೈಗ್ರೇನ್ ನಿವಾರಣೆ ಮಾಡಬಹುದು.

ಮೈಗ್ರೇನ್ ಇದ್ರೆ, ಈ ಆಹಾರಗಳನ್ನು ಸೇವಿಸಿ, ಕೂಡಲೇ ಕಮ್ಮಿ ಆಗುವುದು


ಯೋಗಾಭ್ಯಾಸದಲ್ಲಿ ಉಸಿರಾಟವು ಹೆಚ್ಚು ಪ್ರಾಮುಖ್ಯತೆ ಪಡೆದಿರುವುದರಿಂದ ಮೈಗ್ರೇನ್ ನಿವಾರಣೆ ಮಾಡಲು ಇದು ತುಂಬಾ ಸಹಕಾರಿ ಆಗಿರುವುದು. ತಲೆನೋವು ಉಂಟಾದರೆ ಆಗ ಮೆದುಳಿನ ಹೆಚ್ಚಿನ ಪ್ರಮಾಣದಲ್ಲಿ ಆಮ್ಲಜನಕವು ಸಿಕ್ಕಿದರೆ, ಸ್ವಲ್ಪ ಮಟ್ಟಿಗೆ ಶಮನ ಸಿಗುವುದು. ಹೀಗಾಗಿ ಪ್ರಾಣಾಯಾಮವು ಮೈಗ್ರೇನ್ ನಿವಾರಣೆಗೆ ಒಳ್ಳೆಯ ಯೋಗ.

ಯಾವುದೇ ರೀತಿಯ ತಲೆನೋವಾದರೂ ಅಲ್ಲಿ ಮೆದುಳಿನ ನರಗಳಿಗೆ ಸರಿಯಾದ ಪ್ರಮಾಣದಲ್ಲಿ ಗಾಳಿಯು ಸಿಗುವುದಿಲ್ಲ. ಹೀಗಾಗಿ ಪ್ರಾಣಾಯಾಮ ಮಾಡಿದರೆ, ಅದರಿಂದ ಮೈಗ್ರೇನ್ ನಿವಾರಿಸಬಹುದು. ಮೈಗ್ರೇನ್ ಬಂದರೆ ಆಗ ದೇಹವು ಜಾಗ್ರತವಾಗಿರುದಿಲ್ಲ.

ಹೀಗಾಗಿ ಅದು ದೇಹದ ಬೇರೆ ಕ್ರಿಯೆಗಳಾಗಿರುವಂತಹ ಹೊಟ್ಟೆ ಮತ್ತು ಕರುಳಿನ ಕ್ರಿಯೆ ಮೇಲೆ ಪರಿಣಾಮ ಬೀರುವುದು. ಮೈಗ್ರೇನ್ ಮತ್ತು ತಲೆನೋವು ನಿವಾರಣೆ ಮಾಡಲು ಹಿಂದಕ್ಕೆ ಬಾಗುವ ಯೋಗಾಭ್ಯಾಸಗಳನ್ನು ಮಾಡಬೇಕು ಎಂದು ಯೋಗ ಗುರುಗಳು ಸಲಹೆ ನೀಡುವರು.

ಹಿಂದಕ್ಕೆ ಬಾಗುವ ಯೋಗಾಭ್ಯಾಸ ಮಾಡಿದರೆ, ಅದರಿಂದ ಶ್ವಾಸಕೋಶವು ಉಬ್ಬುವುದು ಮತ್ತು ಹೆಚ್ಚಿನ ಗಾಳಿಯನ್ನು ನೀವು ಒಳಗೆ ತೆಗೆದುಕೊಳ್ಳುವಿರಿ ಮತ್ತು ಇದು ಮೆದುಳಿಗೆ ಅಧಿಕ ಪ್ರಮಾಣದ ಆಮ್ಲಜನಕವನ್ನು ಒದಗಿಸುವುದು ಹಾಗೂ ನೋವು ಕಡಿಮೆ ಆಗುವುದು. ಹೊಟ್ಟೆಯ ಭಾಗಕ್ಕೆ ಕೂಡ ಯಾವುದೇ ಒತ್ತಡವು ಬೀಳುವುದಿಲ್ಲ. ಮೈಗ್ರೇನ್ ಗೆ ಪರಿಹಾರ ಒದಗಿಸುವ ಕೆಲವು ಯೋಗಾಭ್ಯಾಸಗಳು

ಭುಜಂಗಾಸನ

ಈ ಆಸನವು ಕೇವಲ ತಲೆನೋವು ನಿವಾರಣೆ ಮಾಡುವುದು ಮಾತ್ರವಲ್ಲದೆ, ಬೆನ್ನಿನ ಆರೋಗ್ಯಕ್ಕೂ ತುಂಬಾ ಒಳ್ಳೆಯದು. ಇದು ಸೂರ್ಯನಮಸ್ಕಾರ ಮೊದಲ ಭಂಗಿಯಾಗಿದೆ.

ಭುಜಂಗಾಸನದ ಮಾಡಿದರೆ ದೊರೆಯುವ ಪ್ರಯೋಜನಗಳು

ಉಸ್ತ್ರಾಸನ

ಇದು ಹಿಂದಕ್ಕೆ ಬಾಗುವಂತಹ ಮತ್ತೊಂದು ಒಳ್ಳೆಯ ಯೋಗಾಭ್ಯಾಸವಾಗಿದ್ದು, ಇಲ್ಲಿ ನಿಮ್ಮ ಹೊಟ್ಟೆ ಮತ್ತು ತೊಡೆಗಳಿಗೆ ಹಿಂದಕ್ಕೆ ಬಾಗಿದ ವೇಳೆ ಬಲ ಬರುವುದು ಮತ್ತು ತಲೆನೋವು ನಿವಾರಣೆ ಕೂಡ ಆಗುವುದು. ನೀವು ಭುಜಂಗಾಸನದ ಬಳಿಕ ಇದನ್ನು ಮಾಡಬಹುದು.

ಸೇತುಬಂಧಾಸನ
ಸೇತುಬಂಧಾಸನವು ಹೊಟ್ಟೆಯ ಕೊಬ್ಬನ್ನು ಕರಗಿಸಲು ತುಂಬಾ ಪರಿಣಾಮಕಾರಿ. ಯಾಕೆಂದರೆ ಈ ಯೋಗಾಭ್ಯಾಸದ ವೇಳೆ ಹೊಟ್ಟೆಯ ಸ್ನಾಯುಗಳು ಎಳೆಯಲ್ಪಡುವುದು. ಇದನ್ನು ನಿತ್ಯವೂ ಅಭ್ಯಾಸ ಮಾಡಿದರೆ ಮೈಗ್ರೇನ್ ನಿವಾರಣೆ ಮಾಡಬಹುದು.

ಸರ್ವಾಂಗಾಸನ

ಈ ಭಂಗಿಯು ರಕ್ತಸಂಚಾರವನ್ನು ತಡೆಯುವುದು. ಈ ವೇಳೆ ಕುತ್ತಿಗೆಯು ಹಿಡಿಯಲ್ಪಡುವುದು ಮತ್ತು ತಲೆಯ ಭಾಗಕ್ಕೆ ರಕ್ತಸಂಚಾರವು ಕಡಿಮೆ ಆಗುವುದು. ಸರ್ವಾಂಗಾಸನವು ತಲೆನೋವು ಕಡಿಮೆ ಮಾಡುವುದು. ಮೈಗ್ರೇನ್ ತಲೆನೋವು ಅತಿಯಾಗಿದ್ದರೆ ಆಗ ನೀವು ಈ ಭಂಗಿಯನ್ನು ಪ್ರಯತ್ನಿಸಬಾರದು. ಅತಿಯಾಗಿ ತಲೆನೋವು ಇದ್ದರೆ ಆಗ ನೀವು ಕೆಳಮುಖವಾಗಿ ಮಾಡುವಂತಹ ಆಸನಗಳನ್ನು ಮಾಡಬಾರದು.

ನೀವು ಒಂದು ತುಂಡು ಬೆಲ್ಲವನ್ನು ಬಾಯಿಯಲ್ಲಿ ಹಾಕಿಕೊಂಡು ಉಸಿರಾಟದ ಯೋಗಾಭ್ಯಾಸಗಳನ್ನು ಮಾಡಿ. ಯಾಕೆಂದರೆ ಬೆಲ್ಲದಲ್ಲಿ ಇರುವಂತಹ ಕಬ್ಬಿನಾಂಶ ಹಾಗೂ ಸಕ್ಕರೆ ಅಂಶವು ಆಮ್ಲಜನಕದ ಜತೆಗೆ ಸೇರಿಕೊಂಡು ಮೆದುಳಿಗೆ ಶಕ್ತಿ ನೀಡುವುದು. ಹೀಗಾಗಿ ನೋವು ತುಂಬಾ ಕಡಿಮೆ ಆಗುವುದು.

ಸಂಪೂರ್ಣ ತಲೆಯ ಭಾಗದಲ್ಲಿ ನೋವಿದ್ದರೆ ಆಗ ನೀವು ಅನುಲೋಮಾ-ವಿಲೋಮಾ ಮಾಡಿ. ಒಂದು ಬದಿಯಲ್ಲಿ ಮೈಗ್ರೇನ್ ಇದ್ದರೆ ಆಗ ಒಂದು ಮೂಗಿನ ಹೊಳ್ಳೆಯಿಂದ ಉಸಿರಾಡುವ ವ್ಯಾಯಾಮ ಮಾಡಿ. ಬಲದ ಬದಿಯಲ್ಲಿ ನೋವಿದ್ದರೆ ಎಡದ ಮೂಗು ಮತ್ತು ಎಡದ ಭಾಗದಲ್ಲಿ ನೋವಿದ್ದರೆ ಆಗ ನೀವು ಬಲದ ಮೂಗಿನಲ್ಲಿ ಉಸಿರಾಡಿ.

ನೀವು ಯೋಗ ತಜ್ಞರ ನೆರವು ಪಡೆದುಕೊಂಡು ಮೇಲೆ ಹೇಳಿರುವಂತಹ ಯೋಗಗಳನ್ನು ಮಾಡಬೇಕು. ಯಾವುದೇ ಸಮಸ್ಯೆಗಳು ಇದ್ದರೆ ಆಗ ನೀವು ವೈದ್ಯರ ಸಲಹೆ ಪಡೆಯಿರಿ.

ಕುರ್ಚಿ ಸಹಾಯದಿಂದ ಸರ್ವಾಂಗಾಸನ