ಮೆದುಳನ್ನು ಚುರುಕಾಗಿಸುವ 3 ಯೋಗಾಸನಗಳು

ಮೆದುಳು ನಮ್ಮ ದೇಹದ ಅತಿ ಮುಖ್ಯವಾದ ಅಂಗ, ಅದರ ಕಾರ್ಯ ನಿಂತು ಹೋದರೆ ನಾವು ಬದುಕಿದ್ದು ಸತ್ತಂತೆ, ನಾವು ಯೋಚಿಸುವುದು, ನಮ್ಮ ಭಾವನೆ, ನಾವು ಏನು ಮಾಡಬೇಕು, ದೇಹದ ಅಂಗಾಂಗಗಳು ಏನು ಮಾಡಬೇಕೆಂಬ ಎಲ್ಲಾ ಸಿಗ್ನಲ್‌ಗಳು ಮೆದುಳಿನ ಮೂಲಕ ಪಾಸಾಗುತ್ತದೆ. ಇದನ್ನು ಆರೈಕೆ ಮಾಡಿದರೆ ನಾವು ಮತ್ತಷ್ಟು ಚುರುಕಾಗಿ ಇರಬಹುದು. ಕೆಲವೊಂದು ಯೋಗಾಸನಗಳು ಮೆದುಳನ್ನು ಚುರುಕು ಮಾಡುವಲ್ಲಿ ಸಹಕಾರಿ.

ಇಲ್ಲಿ ಮೆದುಳನ್ನು ಚುರಕು ಮಾಡುವ ಮೂರು ಯೋಗ ಭಂಗಿಗಳ ಬಗ್ಗೆ ಹೇಳಿದ್ದೇವೆ ನೋಡಿ:

ವಜ್ರಾಸನ:
ಚಾಪೆ ಅಥವಾ ಮ್ಯಾಟ್‌ ಮೇಲೆ ಮಂಡಿಯೂರಿ ಕೂತುಕೊಳ್ಳಬೇಕು, ಕೈಗಳನ್ನು ತೊಡೆಯ ಮೇಲೆ ಇಟ್ಟು ಕೂರಬೇಕು, ಬೆನ್ನು ಭಾಗಬಾರದು, ನೇರ ದೃಷ್ಟಿ ನೆಟ್ಟಿರಬೇಕು.

ತಾಡಾಸನ
ಎರಡು ಪಾದಗಳ ಮೇಲೆ ನಿಮ್ಮ ಭಾರವನ್ನು ಸಮವಾಗಿ ಹಾಕಿ ನೇರವಾಗಿ ನಿಂತುಕೊಳ್ಳಬೇಕು. ನಂತರ ನಿಧಾನಕ್ಕೆ ಉಸಿರನ್ನು ತೆಗೆದುಕೊಳ್ಳುತ್ತಾ ಕೈಗಳನ್ನು ಮೇಲಕ್ಕೆ ಎತ್ತಿ ಕೈಗಳನ್ನು ಇಂಟರ್‌ಲಾಕ್‌ ಮಾಡಿ.
* ನಂತರ ಭುಜವನ್ನು ಕಿವಿಯ ಸಮೀಪಕ್ಕೆ ತಂದು ಕೈಗಳನ್ನುಹಿಂದಕ್ಕೆ ಬಾಗಿ, ಮುಂದಕ್ಕೆ ದೃಷ್ಟಿಯನ್ನು ಇಡಿ.
ಈ ಆಸನದಿಂದ ಕೂಡ ಮೆದುಳು ಚುರುಕಾಗುವುದು.


ಭ್ರಮರಿ
ಮಾಡುವ ವಿಧಾನ: ಈ ಪ್ರಾಣಾಯಾಮವನ್ನು ನಿಶ್ಯಬ್ದವಾದ ಸ್ಥಳದಲ್ಲಿ ಬೆಳಗ್ಗೆ ಅಥವಾ ರಾತ್ರಿ ಏಕಾಂತದಲ್ಲಿ ಅಭ್ಯಾಸ ಮಾಡಬಹುದು. ದೀರ್ಘವಾಗಿ ಉಸಿರನ್ನು ತೆಗೆದುಕೊಳ್ಳಿ ಹಾಗೆಯೆ ದೀರ್ಘವಾಗಿ ಉಸಿರನ್ನು ಬಿಡುವಾಗ ಹಂ ಎಂಬ ಝೇಂಕಾರ ಶಬ್ದ ಬರಬೇಕು. ಪುನಾರವರ್ತಿಸಿ ಈ ಕ್ರಿಯೆಯನ್ನು ಅಭ್ಯಾಸ ಮಾಡಬೇಕು. ಇದನ್ನು ಷಣ್ಮುಖಿ ಮುದ್ರೆಯಲ್ಲಿಯೇ ಮಾಡಬೇಕು.