ಯೋಗ ಮ್ಯಾಟ್‌ ಮೊದಲು ಬಳಸಿದ್ದು ವಿದೇಶದಲ್ಲಿ!

5ನೇ ಅಂತಾರಾಷ್ಟ್ರೀಯ ಯೋಗ ದಿನವನ್ನು ಸ್ವಾಗತಿಸಲು ಭಾರತ ಸಡಗರದಿಂದ ಸಿದ್ಧವಾಗಿದೆ. ಇಡೀ ವಿಶ್ವಕ್ಕೆ ಯೋಗದ ಮಹತ್ವವನ್ನು ಸಾರಿದ ಭಾರತ, ಯೋಗ ಕಲೆಯ ಪ್ರಯೋಜನವನ್ನು ವಿದೇಶಿಯರಿಗೆ ಮನದಟ್ಟು ಮಾಡುವಲ್ಲಿ ಯಶಸ್ವಿಯಾಗಿದೆ. ಯೋಗ ಆರೋಗ್ಯ ಹೆಚ್ಚಿಸುತ್ತೆ ಎನ್ನುವುದು ವಿಜ್ಞಾನ ಲೋಕವು ಒಪ್ಪಿದೆ.

ಜೂನ್‌ 21ರಂದು ಹಲವಡೆ ಯೋಗ ಪ್ರದರ್ಶನ ಮಾಡಲಾಗುವುದು, ಯೋಗವನ್ನು ಯೋಗ ಮ್ಯಾಟ್‌ ಮೇಲೆ ನಿಂತು ಮಾಡಲಾಗುವುದು. ಯೋಗ ಮ್ಯಾಟ್‌ ಅನ್ನು ಇತ್ತೀಚೆಗೆ ಬಳಸಲಾಗುತ್ತಿದೆ. ನಮ್ಮ ಋಷಿ ಮುನಿಗಳ ಕಾಲದಲ್ಲಿ ಮ್ಯಾಟ್‌ ಬದಲಿಗೆ ಪ್ರಾಣಿಗಳ ಚರ್ಮದಿಂದ ಮಾಡಿದ ನೆಲಹಾಸುಗಳನ್ನು ಬಳಸುತ್ತಿದ್ದರು, ನಂತರ ಚಾಪೆ ಬಳಸಲಾರಂಭಿಸಿದರು.

ಈಗ ರಬ್ಬರ್‌ ಮ್ಯಾಟ್‌ಗಳನ್ನು ಬಳಸಲಾಗುವುದು, ಇದರ ಒಂದು ಕತೆಯಿದೆ. ಯೋಗ ಗುರು ಯೋಗಾಚಾರ್ಯ ಬಿಕೆಎಸ್‌ ಅಯ್ಯಂಗಾರ್ ಯುರೋಪ್‌ನಲ್ಲಿ ಯೋಗ ಮಾಡುವಾಗ ಅಲ್ಲಿಯ ನುಣ್ಣನೆಯ ನೆಲದ ಮೇಲೆ ಕಾಲುಜಾರಿ ಯೋಗ ಮಾಡುವುದು ಕಷ್ಟವಾಯಿತು. ಇದಕ್ಕೆ ಪರಿಹಾರ ಕಂಡು ಹಿಡಿಯಬೇಕೆಂದು ಯೋಚಿಸಿದರು. ಅವರು ಜರ್ಮನಿಯಲ್ಲಿದ್ದಾಗ ನೆಲದಲ್ಲಿ ನಡೆಯುವಾಗ ಜಾರದಿರಲಿ ಎಂದು ರಬ್ಬರ್‌ ಮ್ಯಾಟ್‌ ಬಳಸಿರುವುದು ಕಂಡು, ತಾವು ಅಂಥ ರಬ್ಬರ್ ಮ್ಯಾಟ್‌ನಲ್ಲಿ ಯೋಗ ಮಾಡಿದರು. ಅದನ್ನು ಸ್ಟಿಕ್ಕಿ ಮ್ಯಾಟ್‌ ಎಂದು ಕರೆದರು. ನಂತರ ಯುರೋಪ್‌, ಯುಎಸ್‌ಎನಲ್ಲಿ ಇಂಥ ಯೋಗ ಮ್ಯಾಟ್‌ ಬಳಸಲು ಪ್ರಾರಂಭಿಸಿದರು.

ಆದರೆ ಭಾರತದಲ್ಲಿ ಬಳಸುತ್ತಿರಲಿಲ್ಲ, ಆದರೆ ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳು ಪುಣೆಗೆ ಬಂದಾಗ ರಬ್ಬರ್‌ ಮ್ಯಾಟ್‌ ಭಾರತೀಯರಿಗೂ ಪರಿಚಯವಾಯಿತು. ಈಗ ಅನೇಕ ಬ್ರ್ಯಾಂಡೆಡ್‌ ಕಂಪನಿಗಳು ಯೋಗ ಮ್ಯಾಟ್‌ ಮಾರಾಟ ಮಾಡುತ್ತಿವೆ. ಭಾರತೀಯರು ಚಾಪೆ ಬದಲಿಗೆ ಯೋಗ ಮ್ಯಾಟ್‌ ಬಳಸುತ್ತಿದ್ದಾರೆ.
ಮೂಲ: ಆಯುಷ್‌