ಘಟಪ್ರಭೆಯಲ್ಲಿ ಹೆಚ್ಚಿದ ನೀರು

ಮುಧೋಳ: ಬೆಳಗಾವಿ ಹಾಗೂ ಮಹಾರಾಷ್ಟ್ರ ಭಾಗದಲ್ಲಿ ಮಳೆ ಪ್ರಮಾಣ ಹೆಚ್ಚಾಗಿದ್ದರಿಂದ ಘಟಪ್ರಭಾ ನದಿಯಲ್ಲಿ ನೀರಿನ ಪ್ರಮಾಣ ಹೆಚ್ಚಾಗಿದೆ.
ತಾಲೂಕಿನ ಮಾಚಕನೂರ ಹೊಳೆಬಸವೇಶ್ವರ ದೇವಸ್ಥಾನ ನೀರಿನಲ್ಲಿ ಮುಳಗುತ್ತಿದೆ. ದೇವರ ದರ್ಶನ ಪಡೆಯಲು ದೂರಿಂದಲೇ ದರ್ಶನ ಪಡೆಯುತ್ತಿರುವ ದೃಷ್ಯಕಂಡು ಬರುತ್ತಿದೆ. ಈಗಾಗಲೇ ಢವಳೇಶ್ವರ ಬ್ರೀಜ್‌ ಕಂ ಬ್ಯಾರೇಜ್‌ ಐದು ಅಡಿಯಷ್ಟೇ ಬಾಕಿ ಉಳದಿದೆ. ನಂದಗಾಂವ, ಮಿರ್ಜಿ ಬ್ರೀಜ್‌ ಮೇಲೆ ನೀರು ಅಪಾರ ಪ್ರಮಾಣದಲ್ಲಿ ಹರಿದು ಬರುತ್ತಿದೆ. ಜಾಲಿಬೇರಿ, ಆಲಗುಂಡಿ ಬಿ.ಕೆ. ಬ್ರೀಜ್‌ ಕಂ ಬ್ಯಾರೇಜ್‌ ಮುಳಗಲು ಕೆಲವು ಅಡಿ ಬಾಕಿಯಿದೆ. ನದಿ ತೀರದ ಜನರು ಜಾಗೃತಿಯಾಗಿರಬೇಕೆಂದು ತಹಸೀಲ್ದಾರ್‌ ಡಿ.ಜಿ.ಮಹಾತ್‌ ತಿಳಿಸಿದ್ದಾರೆ.