ಘಟಪ್ರಭಾ ನದಿಗೆ 1.5 ಟಿಎಂಸಿ ನೀರು

ಮುಧೋಳ: ಘಟಪ್ರಭಾ ನದಿಗೆ ಕುಡಿಯುವ ನೀರು ಉದ್ದೇಶಕ್ಕಾಗಿ ಹಿಡಕಲ್‌ ಜಲಾಶಯದಿಂದ 1.5 ಟಿಎಂಸಿ ನೀರು ಬಿಡುಗಡೆ ಮಾಡಲಾಗಿದ್ದು, ಸೋಮವಾರದೊಳಗೆ ಕಸಬಾಜಂಬಗಿಗೆ ತಲುಪಲಿದೆ ಎಂದು ತಹಸೀಲ್ದಾರ್‌ ಸಂಗಮೇಶ ಬಾಡಗಿ ತಿಳಿಸಿದ್ದಾರೆ.

ಇಂದಿಲ್ಲಿಸುದ್ದಿಗಾರರ ಜೊತೆ ಮಾತನಾಡಿದ ಅವರು, ಡಿಸಿಎಂ ಗೋವಿಂದ ಕಾರಜೋಳ ಅವರ ಆದೇಶ ಮೆರೆಗೆ ನೀರು ಬಿಡಲಾಗಿದೆ. ತಾಲೂಕಿನ ನದಿ ತೀರದಲ್ಲಿಕುಡಿಯುವ ನೀರು, ಬಹುಹಳ್ಳಿ ಕುಡಿಯುವ ನೀರು ಯೋಜನೆಗೆ ಬಳಕೆಯಾಗುವಂತೆ ಹಾಗೂ ನಗರದ ಮಹಾರಾಣಿ ಕೆರೆ, ದತ್ತ ಕೆರೆ ತುಂಬುವಂತೆ ಪೌರಾಯುಕ್ತರಿಗೆ ನಿದೇರ್ಶನ ನೀಡಲಾಗುವುದು ಎಂದು ತಿಳಿಸಿದ್ದಾರೆ.

ನದಿ ತೀರದ ಜನರು ಜಾನುವಾರುಗಳಿಗಾಗಿ ನೀರನ್ನು ಸದ್ಭಳಿಕೆ ಮಾಡಿಕೊಂಡು ಜಾಗೃತಿಯಾಗಿರಬೇಕೆಂದು ಅವರು ಮನವಿ ಮಾಡಿಕೊಂಡಿದ್ದಾರೆ. ಸಣ್ಣ ನೀರಾವರಿ ಎಇಇ ಎಚ್‌.ಜಿ.ಆಲೂರ, ಉಪತಹಸೀಲ್ದಾರ್‌ ಮಹೇಶ ಪಾಂಡವ ಇದ್ದರು.