ಗುಡ್‌ ನ್ಯೂಸ್‌: ಬಾಗಲಕೋಟೆಯಲ್ಲಿ ಮೂವರು ಗುಣಮುಖ, ಕೊರೊನಾ ಗೆದ್ದ 80ರ ವೃದ್ಧೆ

ಬಾಗಲಕೋಟೆ: ಕಳೆದ ಕೆಲವು ದಿನಗಳಿಂದ ಕೊರೊನಾದಿಂದ ಆತಂಕ ಮನೆಮಾಡಿದ್ದ ಬಾಗಲಕೋಟೆಯಲ್ಲಿ ಶನಿವಾರ ಶುಭ ಸುದ್ದಿ ಸಿಕ್ಕಿದೆ.

ಕೋವಿಡ್‌ನಿಂದ ಮೂವರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಇದರೊಂದಿಗೆ ಗುಣಮುಖರಾದವರ ಸಂಖ್ಯೆ 66ಕ್ಕೆ ಏರಿಕೆಯಾಗಿದೆ ಎಂದು ಜಿಲ್ಲಾಧಿಕಾರಿ ಕ್ಯಾಪ್ಟನ್ ರಾಜೇಂದ್ರ ಮಾಹಿತಿ ನೀಡಿದ್ದಾರೆ.

ಡಾಣಕಶಿರೂರ ಗ್ರಾಮದ 80 ವರ್ಷದ ವೃದ್ದೆ ಪಿ-703, ಮುಧೋಳನ 19 ವರ್ಷದ ಯುವಕ ಪಿ-898, ಕುಳಗೇರಿ ಕ್ರಾಸನ 33 ವರ್ಷದ ಪುರುಷ ಪಿ-1063 ಕೋವಿಡ್‌ನಿಂದ ಗುಣಮುಖರಾಗಿದ್ದಾರೆ.

ಗುಣಮುಖರಾದವರಿಗೆ ಜಿಲ್ಲಾ ಶಸ್ತ್ರಚಿಕಿತ್ಸಕ ಡಾ.ಪ್ರಕಾಶ ಬಿರಾದಾರ ಪ್ರಮಾಣ ಪತ್ರ ವಿತರಿಸಿದರು. ಚಪ್ಪಾಳೆ ತಟ್ಟುವ ಮೂಲಕ ಇವರಿಗೆ ಬೀಳ್ಕೊಡುಗೆ ಮಾಡಲಾಯಿತು.