ಲಂಚ ಪಡೆಯುತ್ತಿದ್ದ ಅಧಿಕಾರಿ ಎಸಿಬಿ ಬಲೆಗೆ

ಬಾಗಲಕೋಟ : ಗುತ್ತಿಗೆದಾರನಿಂದ ಲಂಚ ಪಡೆಯುತ್ತಿದ್ದ ಎಂಜಿನಿಯರ್‌ರನ್ನು ಎಸಿಬಿ ಪೊಲೀಸರು ಬಂಧಿಸಿದ್ದಾರೆ.

ಬಾಗಲಕೋಟ ಜಿಲ್ಲೆಯ ಜಮಖಂಡಿ ತಾಲೂಕು ಪಂಚಾಯಿತಿ ತಾಂತ್ರಿಕ ಸಹಾಯಕಿ ಸವಿತಾ ಕಾಡದೇವರಮಠ ಬಂಧಿತ ಎಂಜಿನಿಯರ್. ರಸ್ತೆ ಕಾಮಗಾರಿ ಪೂರೈಸಿದ್ದ ಗುತ್ತಿಗೆದಾರ ಮಹಾಂತೇಶ ಜುಂಗನೂರ ಅವರ ಬಿಲ್ ಪಾವತಿಸಲು ಸವಿತಾ 1 ಲಕ್ಷ ರೂ‌. ಲಂಚ ಕೇಳಿದ್ದರು. ಈ ಪೈಕಿ 25 ಸಾವಿರ ರೂ. ಲಂಚ ಪಡೆಯುತ್ತಿರುವಾಗ ಸವಿತಾರನ್ನು ಬಂಧಿಸಲಾಗಿದೆ.

ಎಸಿಬಿ ಡಿಎಸ್ ಪಿ ಸಂತೋಷ ಬನ್ನಟ್ಟಿ, ಸಿಪಿಐಗಳಾದ ರಾಘವೇಂದ್ರ ಹಳ್ಳೂರ, ಚಂದ್ರಶೇಖರ ಮಠಪತಿ ದಾಳಿ ನಡೆಸಿದ್ದರು.