ಭೀಕರ ಅಪಘಾತ: ವೈಕುಂಠ ಏಕಾದಶಿಗೆ ತೆರಳಿದ ನಾಲ್ವರು ಮಸಣ ಪಾಲು

ಬಾಗಲಕೋಟ: ಟೊಯೋಟಾ ಹಾಗೂ ಲಾರಿ ಮಧ್ಯೆ ಭೀಕರ ಅಪಘಾತ ಸಂಭವಿಸಿದ್ದು, ಒಂದೇ ಕುಟುಂಬದ ನಾಲ್ವರು ಮೃತಪಟ್ಟ ಘಟನೆ ಜಿಲ್ಲೆಯ ಹುನಗುಂದ ಬಳಿ ನಡೆದಿದೆ.

ಬಾಗಲಕೋಟ ಮೂಲದ ಬಬ್ಲು ಸಿಂಘೆ (45), ಉಮಾ ಸಿಂಘಿ (44), ಶ್ರೀಕಾಂತ ಧರಕ (63) ಹಾಗೂ ಗುಳೇದಗುಡ್ಡದ ಪುಷ್ಪಾಬಾಯಿ ಧರಕ (65) ಮೃತ ದುರ್ದೈವಿಗಳು. ಘಟನೆಯಲ್ಲಿ ಮೂವರು ಗಂಭೀರ ಗಾಯಗೊಂಡಿದ್ದಾರೆ.

ವೈಕುಂಠ ಏಕಾದಶಿ ಹಿನ್ನೆಲೆಯಲ್ಲಿ ಬಳ್ಳಾರಿ ಬಳಿಯ ವೆಂಕಟೇಶ್ವರ ತೆರಳಿ ಪಾವಸ್ ಬರುವ ವೇಳೆ ಈ ದುರ್ಘಟನೆ ಸಂಭವಿಸಿದೆ. ಘಟನೆ ಸಂಬಂಧ ಹುನಗುಂದ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.