ಅಕ್ರಮ ಮರಳು ವಶಕ್ಕೆ

ಅಮೀನಗಡ: ಸಮೀಪದ ಹೊನ್ನರಹಳ್ಳಿ ಗ್ರಾಮದಲ್ಲಿ ಅಕ್ರಮವಾಗಿ ಸಂಗ್ರಹಿಸಿಟ್ಟಿದ್ದ 20 ಟಿಪ್ಪರ್‌ ಮರಳನ್ನು ಹುನಗುಂದ ತಹಸೀಲ್ದಾರ್‌ ನೇತೃತ್ವದ ತಂಡ ವಶಕ್ಕೆ ಪಡೆದಿದೆ.

ಹೊನ್ನರಹಳ್ಳಿ ಗ್ರಾಮದ ರಿಸನಂ 2ರ ಸರಕಾರಿ ಜಾಗೆಯಲ್ಲಿ ಅಕ್ರಮವಾಗಿ ಮರಳು ಸಂಗ್ರಹಿಸಲಾಗಿದೆ ಎಂಬ ಖಚಿತ ಮಾಹಿತಿ ಮೇರೆಗೆ ಹುನಗುಂದ ತಹಸೀಲ್ದಾರ್‌ ಎಸ್‌.ಎಸ್‌.ಸಂಪಗಾವಿ ನೇತೃತ್ವದಲ್ಲಿ ದಾಳಿ ಮಾಡಲಾಯಿತು. ದಾಳಿ ವೇಳೆ 20 ಟಿಪ್ಪರ್‌ನಷ್ಟು ಮರಳು ಸಂಗ್ರಹವಾಗಿದ್ದು ಕಂಡುಬಂದಿತು. ಅಂದಾಜು 1 ಲಕ್ಷ 30 ಸಾವಿರ ಮೌಲ್ಯದ ಮರಳು ಎಂದು ಅಂದಾಜಿಸಲಾಗಿದೆ.

ದಾಳಿ ವೇಳೆ ಕಂದಾಯ ನಿರೀಕ್ಷಕ ಐ.ಬಿ.ಬಾಲಾಗಾವಿ, ಗ್ರಾಮಲೆಕ್ಕಿಗ ಸುನೀಲ ಗೌಡರ, ಪಿಡಬ್ಲೂಡಿ ಇಲಾಖೆಯ ಮಾಲಿಪಾಟೀಲ, ಕಲಾದಗಿ ಇದ್ದರು.