ವಂಚಕರ ವಿರುದ್ಧ ಮತ್ತೊಂದು ದೂರು

ಬಾಗಲಕೋಟ : ಹಣ ದ್ವಿಗುಣಗೊಳಿಸುವುದಾಗಿ ವಂಚನೆ ಮಾಡಿದ ವಂಚಕರ ತಂಡದ ವಿರುದ್ಧ ಮತ್ತೊಂದು ದೂರು ದಾಖಲಾಗಿದೆ.

ನಗರದಲ್ಲಿ ಭಾನುವಾರ ಲಾಡ್ಜ್‌ವೊಂದರ ಮೇಲೆ ದಾಳಿ ಮಾಡಿದ್ದ ಪೊಲೀಸರು ಹಣ ದ್ವಿಗುಣ ಹಾಗೂ ಹಳೆಯ ನೋಟು ಬದಲಾಯಿಸುವ ವಂಚಕರನ್ನು ಬಂಧಿಸಿದ್ದರು. 12 ವಂಚಕರ ವಿರುದ್ಧ ದೂರು ದಾಖಲಿಸಿ ವಿಚಾರಣೆ ನಡೆಸಲಾಗಿತ್ತು. ಇದೀಗ ಮಂಗಳವಾರ ನೀಲಾನಗರ ತಾಂಡಾದ ಸೋಮಲಪ್ಪ ಗಚ್ಚಿನಮನಿ ವಂಚಕರ ವಿರುದ್ಧ ದೂರು ದಾಖಲಿಸಿದ್ದಾರೆ. ಹಣ ದ್ವಿಗುಣಗೊಳಿಸಿ ಕೊಡುವುದಾಗಿ 25 ಸಾವಿರ ರೂ. ಪಡೆದು ವಂಚಿಸಿದ್ದಾರೆ ಎಂದು ಗ್ರಾಮೀಣ ಪೊಲೀಸ್‌ ಠಾಣೆಯಲ್ಲಿ ದೂರು ನೀಡಲಾಗಿದೆ. ಪೊಲೀಸರು 420 ಸೆಕ್ಷನ್‌ ಅಡಿ ವಂಚನೆ ಪ್ರಕರಣ ದಾಖಲಿಸಿಕೊಂಡಿದ್ದಾರೆ, ಪಿಎಸ್‌ಐ ಪಿ.ಎಸ್‌.ಮನಗೂಳಿ ತನಿಖೆ ನಡೆಸಿದ್ದಾರೆ.