ರೈಲಿನಲ್ಲಿ ಬಾಂಬ್: ಹುಸಿ ಬೆದರಿಕೆ

ಬಾಗಲಕೋಟ: ರೈಲಿನಲ್ಲಿ ಬಾಂಬ್ ಇಡಲಾಗಿದೆ ಎಂಬ ಕರೆ ಆಧರಿಸಿ ಪೊಲೀಸರು ಶುಕ್ರವಾರ ರೈಲ್ವೆ ‌ನಿಲ್ದಾಣದಲ್ಲಿ ತೀವ್ರ ತಪಾಸಣೆ ನಡೆಸಿದ್ದಾರೆ.

ಬಾಗಲಕೋಟದ ರೈಲ್ವೆ ನಿಲ್ದಾಣಕ್ಕೆ ಕರೆ ಮಾಡಿದ್ದ ಅಪರಿಚಿತನೊಬ್ಬ ರೈಲಿನಲ್ಲಿ ಬಾಂಬ್ ಇಡಲಾಗಿದೆ ಎಂದು ಬೆದರಿಸಿದ್ದ. ಈ ಹಿನ್ನೆಲೆಯಲ್ಲಿ ರೈಲ್ವೆ ಹಾಗೂ ನಗರ ಠಾಣೆಯ ಪೊಲೀಸರು ಶುಕ್ರವಾರ ಬೆಳಗಿನ ಜಾವ ಸಂಚರಿಸುವ ಎಲ್ಲ ರೈಲುಗಳ ತಪಾಸಣೆ ನಡೆಸಿದರು.


ಶ್ವಾನ ದಳದೊಂದಿಗೆ ಆಗಮಿಸಿದ ಪೊಲೀಸರು ರೈಲಿನ ಎಲ್ಲ ಬೋಗಿಗಳಲ್ಲಿ ತಪಾಸಣೆ ಕೈಗೊಂಡರು. ಆದರೆ ಯಾವುದೇ ಸ್ಪೋಟಕ ವಸ್ತು ದೊರೆಯಲಿಲ್ಲ. ನಂತರ ಬಾಂಬ್ ಬಗ್ಗೆ ಹುಸಿ ಕರೆ ಮಾಡಲಾಗಿತ್ತು ಎನ್ನುವುದು ಖಚಿತವಾಯಿತು.