ಬಾಗಲಕೋಟೆ: ಹೆಣ್ಣು ಮಕ್ಕಳ ತಲೆ ಮೇಲೆ ಬೀಳ್ತಿದೆ ಕಲ್ಲು! ಭಾನಾಮತಿ ಭಯದಲ್ಲಿ ಪೋಷಕರು

ಬಾಗಲಕೋಟೆ : ಜಿಲ್ಲೆಯ ಗುಳೇದಗುಡ್ಡ ತಾಲೂಕಿನ ಇಂಜಿನವಾರಿ ಗ್ರಾಮದಲ್ಲಿ ಭಾನಾಮತಿ ಭೀತಿ ಆವರಿಸಿದೆ. ಶಾಲಾ ಮಕ್ಕಳ ಮೇಲೆ ಕಲ್ಲು ಬೀಳುತ್ತಿದ್ದು, ಭಾನಾಮತಿ ಶಂಕೆ ವ್ಯಕ್ತವಾಗಿದೆ.

ಗ್ರಾಮದ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆ ವಿದ್ಯಾರ್ಥಿಗಳಿಗೆ ಅದರಲ್ಲೂ ಹೆಣ್ಣು ಮಕ್ಕಳ ಮೇಲೆ ಕಳೆದೊಂದು ತಿಂಗಳಿಂದ ಕಲ್ಲು ಬೀಳುತ್ತಿದೆ. ಹೀಗಾಗಿ ಹೆಣ್ಣು ಮಕ್ಕಳು, ಪಾಲಕರು, ಗ್ರಾಮಸ್ಥರು ಹಾಗೂ ಶಿಕ್ಷಕರು ಆತಂಕಕ್ಕೀಡಾಗಿದ್ದಾರೆ. ಘಟನೆ ಕುರಿತಂತೆ ಗುಳೇದಗುಡ್ಡ ಪೊಲೀಸ್ ಠಾಣೆ ಹಾಗೂ ತಾಲೂಕು ಕ್ಷೇತ್ರ ಶಿಕ್ಷಣಾಧಿಕಾರಿ ಕಚೇರಿಗೆ ಮಾಹಿತಿ ನೀಡಲಾಗಿದೆ ಎನ್ನುತ್ತಾರೆ ಶಾಲೆ ಶಿಕ್ಷಕರು.


ದಿನನಿತ್ಯ ಪಾಠ ಮಾಡುವ ವೇಳೆ ಕಲ್ಲು ಬೀಳುತ್ತಿದ್ದು, ಕೆಲ ಶಿಕ್ಷಕರಿಗೂ ತೊಂದರೆ ಆಗಿದೆ. ಈ ವಿಷಯವಾಗಿ ಗ್ರಾಮಸ್ಥರಿಗೆ ತಿಳಿಸಿದಾಗ ಗ್ರಾಮಸ್ಥರೇ ಸೇರಿ ತನಿಖೆಯನ್ನೂ ಮಾಡಿದ್ದಾರೆ. ಶಾಲೆಯ ಕೊಠಡಿಯಲ್ಲಿ ಮಕ್ಕಳು ಹಾಗೂ ಶಿಕ್ಷಕರನ್ನು ಇರಲು ತಿಳಿಸಿ ಬಾಗಿಲು, ಕಿಟಕಿ ಹಾಕಿ ಹೊರಗಡೆ ಯಾರಾದರೂ ಕಲ್ಲು ಎಸೆಯುತ್ತಿದ್ದಾರಾ ಎಂದು ಪರಿಶೀಲನೆ ನಡೆಸಿದ್ದಾರೆ. ಹೀಗಿದ್ದರೂ ಕೋಣೆಯೊಳಗೆ ಕಲ್ಲು ಕಾಣಿಸಿಕೊಂಡಿವೆ. ಮಕ್ಕಳು ಶೌಚಕ್ಕೆ ತೆರಳಿದಾಗಲೂ ಕಲ್ಲು ಬಿದ್ದಿವೆ.

ಒಂದೇ ಪ್ರೌಢ ಶಾಲೆಗೆ ಮೂವರು ಮುಖ್ಯಶಿಕ್ಷಕರು

ಭಾನಾಮತಿ ಕಾಟದಿಂದಾಗಿ ಗ್ರಾಮಸ್ಥರು ಮಕ್ಕಳನ್ನು ಶಾಲೆಗೆ ಕಳಿಸಲು ಹಿಂದೆ ಮುಂದೆ ನೋಡುತ್ತಿದ್ದಾರೆ. ಶಾಲೆಯಲ್ಲಿ 24 ಮಕ್ಕಳಿದ್ದು, ಕಲ್ಲುಗಳು ಹೆಚ್ಚಾಗಿ ಹೆಣ್ಣುಮಕ್ಕಳಿಗೇ ಬೀಳುತ್ತಿವೆ. ಈ ಘಟನೆಯಿಂದ ಇಂಜಿನವಾರಿ ಗ್ರಾಮ ಆತಂಕದಲ್ಲಿ ಮುಳುಗಿದೆ.

ಪ್ರವಾಹ ವಿಚಾರದಲ್ಲಿ ರಾಜಕಾರಣ ಬೇಡ: ಕಾಂಗ್ರೆಸ್‌ಗೆ ಚಾಟಿ ಬೀಸಿದ ಸಚಿವ ಸಿ ಸಿ ಪಾಟೀಲ್