19 ಕೋಟಿ ರೂ.ವೆಚ್ಚದಲ್ಲಿ ಕಾಲುವೆ

ಮುಧೋಳ: ಘಟಪ್ರಭಾ ಎಡದಂಡೆ ಕಾಲುವೆಯ ದುರಸ್ತಿಗೆ 19 ಕೋಟಿ ರೂ.ವೆಚ್ಚ ಮಾಡಲಾಗುತ್ತಿದೆ ಎಂದು ಡಿಸಿಎಂ ಗೋವಿಂದ ಕಾರಜೋಳ ಹೇಳಿದ್ದಾರೆ.

ತಾಲೂಕಿನ ಬೆಳಗಲಿ ಗ್ರಾಮದಲ್ಲಿಜಿಎಲ್‌ಬಿಸಿ ಕಾಲುವೆ ಕಾಮಗಾರಿ ವೀಕ್ಷಣೆ ಮಾಡಿ ಮಾತನಾಡಿ, ಐವತ್ತು ವರ್ಷಗಳಿಂದಲೂ ರಿಪೇರಿಯಾಗದೇ ಹಾಗೆ ಉಳಿದಿದ್ದ ಕಾಲುವೆಗೆ ಹೊಸ ಸ್ಪರ್ಶ ನೀಡಲಾಗುವುದು. ಮುಗಳಖೋಡ, ಬೆಳಗಲಿ, ನಾಗರಾಳ, ಅಕ್ಕಿಮರಡಿ ಗ್ರಾಮಗಳ ರೈರು ಸಹಕರಿಸಬೇಕು.ಈ ಭಾಗದಲ್ಲಿ94 ಕ್ಯುಸೆಕ್‌ ನೀರು ಹರಿಯುತ್ತದೆ. ಲಾಕ್‌ಡೌನ್‌ ಹಿನ್ನಲೆಯಲ್ಲಿಕಾಮಗಾರಿ ಅರ್ಧಕ್ಕೆ ಉಳಿದಿತ್ತು. ಎಲ್ಲಾಕಾಮಗಾರಿಗಳು ನಿಗದಿತ ಅವಧಿಯೊಳಗೆ ಮುಗಿಸಲು ಪ್ರಯತ್ನಿಸಲಾಗುವುದು ಎಂದರು.

ಬೆಳಗಲಿಗೆ 10 ಕೋಟಿ ರೂ. ವೆಚ್ಚದಲ್ಲಿಕೆರೆ ನಿರ್ಮಾಣ ಮಾಡಲಾಗುತ್ತಿದೆ. ಪಟ್ಟಣದ ಜನರಹಿತದೃಷ್ಠಿಯಿಂದ ನೀರಾವರಿ, ಮೂಲ ಸೌಲಭ್ಯಗಳನ್ನು ಕಲ್ಪಿಸಲು ಪ್ರಯತ್ನಿಸಲಾಗುತ್ತಿದೆ ಎಂದರು.

ಮುಖಂಡ ಅರುಣ ಕಾರಜೋಳ, ತಾಪಂ ಮಾಜಿ ಅಧ್ಯಕ್ಷ ರಂಗಪ್ಪ ಒಂಟಗೋಡಿ, ಪುಟ್ಟು ಕುಲಕರ್ಣಿ, ನೀರಾವರಿ ಅಧಿಕಾರಿ ಎಚ್‌.ಜಿ.ಆಲೂರ, ಮುಖ್ಯಾಧಿಕಾರಿ ವಿದ್ಯಾದರ ಕಲಾದಗಿ, ಅಶೋಕ ಸಿದ್ದಾಪೂರ, ಪಂಡೀತ ಪೂಜಾರಿ, ಮಲ್ಲುಕ್ವಾನ್ಯಾಗೋಳ ಇತರರು ಇದ್ದರು.