ಜೈಲಿಗೆ ಹೋದವರ ಜತೆ ಕೂರುವ ಮೋದಿಗೆ ಮರ್ಯಾದೆ ಇದೆಯೇ: ಸಿದ್ದು

ಬಾಗಲಕೋಟ: ಜೈಲಿಗೆ ಹೋದವರನ್ನು ಪಕ್ಕದಲ್ಲಿ ಕೂರಿಸಿಕೊಳ್ಳುವ ನರೇಂದ್ರ ಮೋದಿಗೆ ಮಾನ ಮರ್ಯಾದೆ ಇದೆಯಾ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಪ್ರಶ್ನಿಸಿದ್ದಾರೆ.

ಚಿಕ್ಕಪಡಸಲಗಿಯಲ್ಲಿ ಮಾತನಾಡಿದ ಸಿಎಂ, ನಮ್ಮದು ಹಗರಣ ಇಲ್ಲದ ಸ್ವಚ್ಛ ಸರಕಾರ. ಲೂಟಿ ಹೊಡೆದವರನ್ನು ನಂಬಬೇಡಿ. ಜನರ ಆಶೀರ್ವಾದ ಬಯಸಿ ಮತ್ತೆ ಜನರ ಮುಂದೆ ಬಂದಿದ್ದೇವೆ. ಬಸವಣ್ಣನವರ ತತ್ತ್ವ ನುಡಿದಂತೆ ನಡೆಯಬೇಕು ಎಂಬುದು, ಆದರೆ ಸಿಎಂ ಮೋದಿ ಎಂದೂ ನುಡಿದಂತೆ ನಡೆದಿಲ್ಲ ಎಂದರು.

ಸಬ್ ಕಾ ಸಾಥ್, ಸಬ್ ವಿಕಾಸ್ ಎಂದವರಿಗೆ ಜನರು ಕಾಣುತ್ತಿಲ್ಲ. ಮೋದಿ ಅಂತ ಸುಳ್ಳುಗಾರ ಮತ್ತೊಬ್ಬರಿಲ್ಲ. ಬಿಜೆಪಿಯವರಿಗೆ ಸುಳ್ಳೇ ಸತ್ಯವಾಗಿದೆ. ಯಡಿಯೂರಪ್ಪ ಅವರಿಗೆ ಸಾಲಮನ್ನಾ ಬಗ್ಗೆ ಕೇಳಿದ್ರೆ ಸ್ಪಂದಿಸಿರಲಿಲ್ಲ. ಯಡಿಯೂರಪ್ಪ, ಜಗದೀಶ ಶೆಟ್ಟರ್, ಈಶ್ವರಪ್ಪನವರಿಗೆ ರೈತರ ಬಗ್ಗೆ ಮಾತನಾಡುವ ಹಕ್ಕಿಲ್ಲ ಎಂದು ಹೇಳಿದರು.