ಗಂಡು ಮಗು ಸಾವು: ವಿವಾಹಿತೆ ಆತ್ಮಹತ್ಯೆ

ಜಮಖಂಡಿ: ಗಂಡು ಮಗು ಮೃತಪಟ್ಟಿದ್ದರಿಂದ ಮನನೊಂದ ಗೃಹಿಣಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಜಮಖಂಡಿಯಲ್ಲಿ ನಡೆದಿದೆ.

ಕಮಲವ್ವ ವಿಭೂತಿ(23)ಆತ್ಮಹತ್ಯೆ ಮಾಡಿಕೊಂಡ ಮಹಿಳೆ. ಜಮಖಂಡಿ ನಗರದ ಹೊರವಲಯದ ಲಕ್ಕನಕೆರೆಗೆ ಬಿದ್ದು ಕಮಲವ್ವ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಒಂದು ತಿಂಗಳ ಹಿಂದೆ ಕಮಲವ್ವಳಿಗೆ ಹೆರಿಗೆಯಾಗಿತ್ತು, ಹೆರಿಗೆ ವೇಳೆ ಗಂಡು ಮಗು ಮೃತಪಟ್ಟಿತು. ಇದಕ್ಕೂ ಮೊದಲು ಕೂಡ ಕಮಲವ್ವಳಿಗೆ ಗರ್ಭಪಾತವಾಗಿತ್ತು. ತನ್ನ ಮಕ್ಕಳು ಬದುಕುವುದಿಲ್ಲ ಎಂದು ನೊಂದ ಗೃಹಿಣಿ ಆತ್ಮಹತ್ಯೆಗೆ ಮುಂದಾಗಿದ್ದಾಳೆ ಎಂದು ಹೇಳಲಾಗಿದ್ದು , ಜಮಖಂಡಿ ನಗರ ಠಾಣೆ ಪೊಲೀಸರು ತನಿಖೆ ಕೈಗೊಂಡಿದ್ದು, ಪ್ರಕರಣ ದಾಖಲಾಗಿದೆ.