ನಮಗೆ ಸರಕಾರಿ ಬಾರ್ ಬೇಕೆ ಬೇಕು !

ಬಾಗಲಕೋಟ: ಜಿಲ್ಲೆಯ ಕಮತಗಿಯಲ್ಲಿ ಸರಕಾರಿ ಮದ್ಯ ಮಾರಾಟ ಮಳಿಗೆ ಬೇಡ ಎಂದು ಮಹಿಳೆಯರು ವಿರೋಸಿದ್ದರು, ಇದೀಗ ಮದ್ಯ ಪ್ರಿಯರು ಮದ್ಯ ಮಾರಾಟ ಕೇಂದ್ರ ಆರಂಭಿಸಲೇಬೇಕು ಎಂದು ಹಕ್ಕೊತ್ತಾಯ ಮಂಡಿಸಿದ್ದಾರೆ !.

ಹೌದು, ಇದು ವಿಚಿತ್ರವಾದರೂ ಸತ್ಯ. ಕಮತಗಿ ಪಟ್ಟಣದಲ್ಲಿ ಎಂಎಸ್ ಐಎಲ್ ಮದ್ಯ ಮಾರಾಟ ಮಳಿಗೆ ಸ್ಥಾಪನೆಗೆ ಪರ, ವಿರೋಧ ಹೋರಾಟ ನಡೆದಿದೆ. ಬಾಗಲಕೋಟದ ಅಬಕಾರಿ ಉಪ ಆಯುಕ್ತರ ಕಚೇರಿಗೆ ಬುಧವಾರ ಬಂದಿದ್ದ ಮದ್ಯ ಪ್ರಿಯರು ಮಳಿಗೆ ಬೇಕೆ ಬೇಕು ಎಂದು ಘೋಷಣೆ ಕೂಗಿದರು. ಅಂದ ಹಾಗೆ ಮಳಿಗೆ ಯಾಕೆ ಆರಂಭವಾಗಬೇಕು ಎಂಬ ಬಗ್ಗೆ ಕೂಡ ಮನವಿ ನೀಡಿದವರು ಕಾರಣ ವಿವರಿಸಿದ್ದಾರೆ.

ಪಟ್ಟಣದ ವ್ಯಾಪ್ತಿಯಲ್ಲಿ ಬಡ ಕೂಲಿಕಾರರು, ನೇಕಾರರು ಹಾಗೂ ಇತರರು ದುಬಾರಿ ಮೌಲ್ಯದ ಮದ್ಯ ಕೊಂಡುಕೊಳ್ಳಬೇಕಾಗಿದೆ. ಪಟ್ಟಣದಲ್ಲಿ ಮಳಿಗೆ ಆರಂಭವಾದರೆ ಎಲ್ಲರಿಗೂ ಅನುಕೂಲವಾಗುತ್ತದೆ ಎಂದು ಸಮರ್ಥಿಸಿಕೊಂಡಿದ್ದಾರೆ. ಈ ಕುರಿತು ಜಿಲ್ಲಾಕಾರಿ ಕಚೇರಿಗೂ ಮನವಿ ನೀಡಿ ಗಮನ ಸೆಳೆದಿದ್ದಾರೆ. ಮದ್ಯ ಮಾರಾಟ ಕೇಂದ್ರ ಆರಂಭಿಸಬಾರದು ಎಂದು ಸೋಮವಾರವಷ್ಟೆ ಕಮತಗಿ ಪಟ್ಟಣದ ಮಹಿಳೆಯರು ಸದ್ಯ ಕಮತಗಿ ಪಟ್ಟಣದಲ್ಲಿ ಅನುಮತಿ ನೀಡಿರುವ ಮದ್ಯ ಮಾರಾಟ ಕೇಂದ್ರದ ಸ್ಥಳ ಜನ ನಿಬಿಡ ಪ್ರದೇಶವಾಗಿದೆ.

ಶಾಲೆ, ಕಾಲೇಜು, ದೇವಸ್ಥಾನ, ಹೆಸ್ಕಾಂ ವಸತಿ ಗೃಹ, ಬಸ್‍ನಿಲ್ದಾಣ ಹೀಗೆ ಜನನಿಬಿಡ ಪ್ರದೇಶವಾಗಿದ್ದು ಮದ್ಯ ಮಾರಾಟ ಕೇಂದ್ರ ಆರಂಭಿಸಿದರೆ ಎಲ್ಲರಿಗೂ ತೊಂದರೆ ಆಗುತ್ತದೆ. ಎಲ್ಲೆಂದರಲ್ಲೇ ಕುಡುಕರ ಹಾವಳಿ ಹೆಚ್ಚಾಗಿ ಪರಿಸರ ಹಾಳಾಗುವುದಲ್ಲದೆ ಸಾರ್ವಜನಿಕರ, ಮಹಿಳೆಯರ ನೆಮ್ಮದಿಯೂ ಕೆಡುತ್ತದೆ ಎಂದು ಜಿಲ್ಲಾಕಾರಿ ಕಚೇರಿಗೆ ಮನವಿ ಸಲ್ಲಿಸಿದ್ದರು. ಕಮತಗಿಯಲ್ಲಿ ಅಂದಾಜು 20 ಸಾವಿರ ಜನಸಂಖ್ಯೆಯಿದ್ದು ಸರಕಾರಿ ಸ್ವಾಮ್ಯದ ಮದ್ಯ ಮಾರಾಟ ಕೇಂದ್ರ ಇರುವುದಿಲ್ಲ. ಕಮತಗಿ ಸೇರಿದಂತೆ ಸುತ್ತಲಿನ ಗ್ರಾಮಸ್ಥರು ಖಾಸಗಿ ಮದ್ಯ ಮಾರಾಟವನ್ನು ಅವಲಂಬಿಸಬೇಕಾಗಿದೆ.

ಖಾಸಗಿಯಾಗಿ ದೊರೆಯುವ ಮದ್ಯವೂ ಸಹ ದುಬಾರಿ ದರ ಹೊಂದಿದೆ. ಪಟ್ಟಣದಲ್ಲಿನ ಖಾಸಗಿ ಮದ್ಯ ಮಾರಾಟಗಾರರ ಕುಮ್ಮಕ್ಕಿನಿಂದ ಜಾರಿಯಾಗಿರುವ ಸರಕಾರದ ಮದ್ಯ ಮಾರಾಟ ಕೇಂದ್ರ ಆರಂಭವಾಗದಂತೆ ಕೆಲವರು ಒತ್ತಾಯಿಸುತ್ತಿದ್ದಾರೆ. ಆದರೆ ಇಲ್ಲಿನ ಮದ್ಯ ಪ್ರಿಯರಿಗೆ ಇದರಿಂದ ಅನುಕೂಲವಾಗುವುದಲ್ಲದೆ ಸರಕಾರಕ್ಕೆ ಹಾಗೂ ಅಬಕಾರಿ ಇಲಾಖೆಗೆ ಆದಾಯ ತರುತ್ತದೆ ಎಂದು ಮನವಿಯಲ್ಲಿ ತಿಳಿಸಲಾಗಿದೆ.