ಮೇದಾರ ಸಮುದಾಯಕ್ಕೆ ಪರಿಹಾರ ನೀಡಿ

ತೇರದಾಳ: ಲಾಕ್‌ಡೌನ್‌ ಘೋಷಣೆ ಹಿನ್ನೆಲೆಯಲ್ಲಿಮೇದಾರ ಸಮುದಾಯದ ಜನ ಸಂಕಷ್ಟಕ್ಕೆ ಸಿಲುಕಿದ್ದು, ಸರಕಾರ ಪರಿಹಾರ ಘೋಷಿಸಬೇಕು ಎಂದು ನಗರದ ಮೇದಾರ ಕೇತೇಶ್ವರ ಗಿರಿಜನ(ಎಸ್ಟಿ) ಸಮುದಾಯ ಎಡಿಸಿ ಮಹಾದೇವ ಮುರಗಿ ಅವರಿಗೆ ಮನವಿ ಸಲ್ಲಿಸಿದರು.

ಪ್ರಕೃತಿ ವಿಕೋಪದಿಂದಾಗಿ ಪ್ರವಾಹ ಬಂದು ಕಳೆದ ವರ್ಷ ಸಾಕಷ್ಟು ಸಮಸ್ಯೆ ಎದುರಿಸಿದ್ದೇವೆ. ಈಗ ಕೊರೊನಾದಿಂದಾಗಿ ನಮ್ಮ ಬದುಕು ಬೀದಿಗೆ ಬಂದಿದೆ. ಬಿದಿರಿನ ಬುಟ್ಟಿ, ಮರ ತಯಾರಿಸಿ ನಮ್ಮ ಹೊಟ್ಟೆ ತುಂಬಿಕೊಳ್ಳುತ್ತಿದ್ದ ನಮ್ಮ ಸಮುದಾಯಕ್ಕೆ ಲಾಕ್‌ಡೌನ್‌ ದೊಡ್ಡ ಆರ್ಥಿಕ ಹೊಡೆತ ನೀಡಿದೆ. ಸರಕಾರ ಇತರ ಸಮುದಾಯವರಿಗೆ ಪರಿಹಾರ ನೀಡಿದ ಹಾಗೆ ಮೇದಾರ ಸಮುದಾಯಕ್ಕೂ ಪರಿಹಾರ ನೀಡಬೇಕು ಎಂದು ಆಗ್ರಹಿಸಿದರು.

ಎಸಿ ಡಾ.ಸಿದ್ದು ಹುಲ್ಲೊಳಿ, ಎಸ್‌.ಬಿ.ಕಾಂಬಳೆ, ಈಶ್ವರ ಬುರುಡ, ಪ್ರಭು ಬುರುಡ, ಗಣೇಶ ಬುರುಡ, ಶಾಂತವ್ವ ಬುರುಡ, ವಸ್ತಲಾ ಬುರುಡ, ಮುರಗೇಶ ಬುರುಡ, ಸುಬ್ಬರಾಯ ಬುರುಡ, ರಮೇಶ ಬುರುಡ, ಪಕ್ಕವ್ವ ಬುರುಡ ಇತರರಿದ್ದರು.