ಬೆಂಗಳೂರು ಬಸ್‌ಗೆ ಭಾರಿ ಬೇಡಿಕೆ

ಬಾಗಲಕೋಟೆ : ಜಿಲ್ಲೆಯಿಂದ ಬೆಂಗಳೂರಿಗೆ ಬಸ್‌ ಸಂಚಾರ ಆರಂಭಗೊಂಡಿದ್ದು, ಪ್ರಯಾಣಿಕರಿಂದ ಭಾರಿ ಬೇಡಿಕೆ ಕಂಡುಬಂದಿದೆ.

ದೂರದ ಊರುಗಳಿಗೆ ಸಂಜೆಯೂ ಬಸ್‌ ಸಂಚರಿಸಬಹುದು ಎಂದು ರಾಜ್ಯ ಸರಕಾರ ಆದೇಶ ಹೊರಡಿಸಿದ ಹಿನ್ನೆಲೆಯಲ್ಲಿಜಿಲ್ಲೆಯಿಂದ ಬೆಂಗಳೂರಿಗೆ ಬಸ್‌ ಸಂಚರಿಸುತ್ತಿವೆ. ಬುಧವಾರ ಬಾಗಲಕೋಟೆ, ಜಮಖಂಡಿ ಹಾಗೂ ಮುಧೋಳಗಳಿಂದ ಬೆಂಗಳೂರಿಗೆ 6 ಬಸ್‌ ತೆರಳಿದವು. ಎಲ್ಲಬಸ್‌ಗಳೂ ಭರ್ತಿಯಾಗಿದ್ದು, ರಾಜಹಂಸ ಬಸ್‌ನಲ್ಲಿ20 ಪ್ರಯಾಣಿಕರಿಗೆ ಅವಕಾಶವಿತ್ತು.

ಜಿಲ್ಲೆಯ ಪ್ರಮುಖ ಸ್ಥಳಗಳಿಂದ ಸಂಜೆ 6.45ಕ್ಕೆ ಕೊನೆಯ ಬಸ್‌ ಬೆಂಗಳೂರಿಗೆ ತೆರಳಲಿವೆ. ಆನ್‌ಲೈನ್‌ ಹಾಗೂ ಬಸ್‌ ನಿಲ್ದಾಣದಲ್ಲಿಟಿಕೆಟ್‌ ಬುಕ್‌ ಮಾಡಬಹುದಾಗಿದೆ. ಈಗಾಗಲೇ ಗುರುವಾರದ ಪ್ರಯಾಣಕ್ಕಾಗಿ ಜಮಖಂಡಿಯಿಂದ ಬಸ್‌ ಪೂರ್ತಿಯಾಗಿ ಬುಕ್‌ ಆಗಿದೆ. ಬಸ್‌ ಸಂಚಾರ ಆರಂಭದ ಮೊದಲ ದಿನ ಮಂಗಳವಾರ ಪ್ರಯಾಣಿಕರಿಂದ ನೀರಸ ಪ್ರತಿಕ್ರಿಯೆ ಎದುರಾಗಿತ್ತು. ಬುಧವಾರ ಸ್ಥಿತಿ ಸುಧಾರಿಸಿದ್ದು, ನಿಲ್ದಾಣಗಳಲ್ಲಿಹೆಚ್ಚಿನ ಸಂಖ್ಯೆಯಲ್ಲಿಪ್ರಯಾಣಿಕರು ಕಂಡುಬಂದರು. 200 ಬಸ್‌ಗಳ ಪೈಕಿ ಬುಧವಾರ 80 ಬಸ್‌ಗಳು ಸಂಚರಿಸಿವೆ.

ಮಂಗಳವಾರದ ಬಸ್‌ ಸಂಚಾರದಿಂದ ವಾಕರಸಾ ಸಂಸ್ಥೆಗೆ 1 ಲಕ್ಷ 20 ಸಾವಿರ ರೂ. ಆದಾಯ ದೊರೆತಿದೆ. 'ಬೆಂಗಳೂರಿಗೆ ತೆರಳಲು ಬಸ್‌ಗಾಗಿ ಬೇಡಿಕೆ ಬಂದಿದೆ, ಬುಕ್ಕಿಂಗ್‌ ಆಧರಿಸಿ ಹೆಚ್ಚುವರಿ ಬಸ್‌ ಓಡಿಸಲಾಗುತ್ತದೆ. ಆನ್‌ಲೈನ್‌ನಲ್ಲಿಬುಕ್‌ ಮಾಡಲು ಅವಕಾಶವಿದೆ' ಎಂದು ಸಂಸ್ಥೆಯ ವಿಭಾಗೀಯ ನಿಯಂತ್ರಣಾಧಿಕಾರಿ ಬಸವರಾಜ ಅಮ್ಮಣ್ಣವರ ತಿಳಿಸಿದ್ದಾರೆ.