ಬಾಗಲಕೋಟೆ: ಗಣೇಶನಿಗೆ ಮುಸ್ಲಿಮರು ಮಾಡಿದ ಅನ್ನದ ನೈವೇದ್ಯ, ಮಂಗಳಾರತಿ

ಬಾಗಲಕೋಟೆ: ಬಾಗಲಕೋಟೆಯಲ್ಲಿ ನಡೆಯುವ ಗಣೇಶನ ಪೂಜೆ ಸಂದರ್ಭದಲ್ಲಿ ಮುಸ್ಲಿಮರು ತಯಾರಿಸಿದ ಅನ್ನವೇ ನೈವೇದ್ಯ ಮಾಡಲಾಗುತ್ತದೆ. ಕೇಸರಿ ಶಾಲು ಹೊದ್ದ ಮುಸ್ಲಿಮರೇ ಮಂಗಳಾರತಿ ಮಾಡುತ್ತಾರೆ.

ಇದು ಬಾಗಲಕೋಟೆ ಜಮಖಂಡಿಯಲ್ಲಿನ ಹಿಂದೂ ಮುಸ್ಲಿಮ್‌ ಭಾವೈಕ್ಯದ ಸಂಗಮ. ಗಣಪತಿ ಬಪ್ಪ ಮೋರಾಯ ಎಂದು ಘೋಷಣೆಗಳು ಕೂಗಿ ಪೂಜಾ ಕೈಂಕರ್ಯದಲ್ಲಿ ಪಾಲ್ಗೊಂಡಿದ್ದರು ಮುಸ್ಲಿಮರು.

ಜಮಖಂಡಿ ನಗರದ ಪೋಲೋ ಮೈದಾನದಲ್ಲಿ ಪ್ರತಿಷ್ಠಾಸಿದ ಮಹಾಗಣಪತಿ ಉತ್ಸವದಲ್ಲಿ ಮುಸ್ಲಿಮ್ ಬಾಂಧವರು ಭಾವೈಕ್ಯತೆ ಮೆರೆದರು.

ಮಹಾ ಗಣೇಶೋತ್ಸವ ಸಂದರ್ಭದಲ್ಲಿ ಮುಸ್ಲಿಮರು ಅನ್ನ ಪ್ರಸಾದ ನೇವೈದ್ಯ ಮಾಡಿದ್ದಾರೆ. 11 ಸಾವಿರ ಹಿಂದೂಗಳಿಗೆ 4 ಕ್ವಿಂಟಾಲ್‌ ಅಕ್ಕಿಯಿಂದ ಕೇಸರಿ ಬಾತ್‌ ತಯಾರಿಸಿ ಪ್ರಸಾದ ವಿನಿಮಯ ಮಾಡಿದ್ದಾರೆ.

ಗಣೇಶನ ಪೂಜೆ ಸಂದರ್ಭ ಬಂದ ದೇಣಿಗೆಯನ್ನು ನೆರೆಪೀಡಿತ ಸಂತ್ರಸ್ತರಿಗೆ ನೀಡಲಾಗಿದೆ.