ಮುಧೋಳ (ಬಾಗಲಕೋಟೆ): ಕಾರ್ಖಾನೆ ಹಾಗೂ ರೈತರ ನಡುವಿನ ದರ ಸಮರ ಮುಗಿದ ಬಳಿಕ ಕಬ್ಬು ತುಂಬಿದ ಟ್ರ್ಯಾಕ್ಟರ್‌ಗಳು ರಸ್ತೆಗೆ ಲಗ್ಗೆ ಇಡುತ್ತಿದ್ದು, ಜನ ಹಾಗೂ ವಾಹನ ಸಂಚಾರಕ್ಕೆ ಅಡಚಣೆಯಾಗುತ್ತಿದೆ. ಎಲ್ಲೆಲ್ಲೂ ಟ್ರಾಫಿಕ್‌ ಜಾಮ್‌ ಸೃಷ್ಟಿಯಾಗುತ್ತಿದೆ.
13 ಸಕ್ಕರೆ ಕಾರ್ಖಾನೆ ಆರಂಭ!
ಬಾಗಲಕೋಟೆ ಜಿಲ್ಲೆಯಲ್ಲಿ 13 ಸಕ್ಕರೆ ಕಾರ್ಖಾನೆಗಳು ಕಬ್ಬು ನುರಿಸಲು ಆರಂಭಿಸಿವೆ. ಕಬ್ಬು ಕಟಾವು, ಲಾರಿ, ಟ್ರ್ಯಾಕ್ಟರ್‌, ಎತ್ತಿನ ಬಂಡಿಗಳ ಮೂಲಕ ಕಬ್ಬು ಸಾಗಣೆ ಜೋರಾಗಿ ನಡೆದಿದೆ. ಸಕ್ಕರೆ ಕಾರ್ಖಾನೆಗಳಿಂದಲೂ ನಿತ್ಯವೂ ಲಕ್ಷಾಂತರ ಟನ್‌ ಕಬ್ಬು ನುರಿಸುವ ಯತ್ನಗಳು ನಡೆದಿವೆ. ಅಂದಾಜು ನಾಲ್ಕು ತಿಂಗಳು ಕಬ್ಬಿನ ಹಂಗಾಮು ಮುಂದುವರಿಯಲಿದೆ. ಇದರಿಂದ ರಸ್ತೆಗಳಲ್ಲಿ ಜನರ ಸಂಚಾರ ಸ್ವಲ್ಪ ಕಷ್ಟವಾಗಿದೆ. ಅದರಲ್ಲೂ ಮುಧೋಳ ನಗರದಲ್ಲಿ ಕಬ್ಬು ಹಂಗಾಮು ವೇಳೆ ಸಂಚಾರ ಬಲು ಕಷ್ಟ ಎಂಬ ಮಾತುಗಳು ಕೇಳಿಬರುತ್ತಿವೆ.
ಹೆಚ್ಚಿದ ಸಂಚಾರ:
ಕಬ್ಬಿನ ಪಡದಿಂದ ರಸ್ತೆಗೆ ವಾಹನಗಳು ಇಳಿಯುತ್ತಿರುವುದರಿಂದ ವಾಹನಗಳ ದಟ್ಟಣೆಯಾಗುತ್ತಿದೆ. ಪೊಲೀಸ್‌ ಇಲಾಖೆ ಕಬ್ಬು ಪೂರೈಕೆದಾರರಿಗೆ ರಸ್ತೆ ನಿಯಮ ಜಾರಿಗೊಳಿಸಿದೆ. ಅದರಲ್ಲಿ ಕೆಲವರು ನಿಯಮ ಪಾಲನೆ ಮಾಡುತ್ತಿಲ್ಲಎಂಬ ಆರೋಪಗಳಿವೆ. ವಾಹನಗಳ ದಟ್ಟಣೆಯಿಂದ ಚಾಲಕರು ನಿಯಮ ಪಾಲನೆಯೊಂದಿಗೆ ಸಂಯಮದಿಂದ ಸಂಚರಿಸಬೇಕಾದ ಕುರಿತು ಪೊಲೀಸರು ತಿಳಿವಳಿಕೆ ಮೂಡಿಸುತ್ತಿದ್ದಾರೆ.
ಪೊಲೀಸ್‌ ಸೂಚನೆ
ಒಂದೆಡೆ ಕಬ್ಬಿನ ಟ್ರ್ಯಾಕ್ಟರ್‌ಗಳ ಸಾಲು ಇನ್ನೊಂದೆಡೆ ಬೈಕ್‌ ಸವಾರರು, ಮಿನಿ ಲಾರಿ, ಟಂಟಂ, ರಿಕ್ಷಾ, ಬಸ್‌ಗಳ ಪ್ರಯಾಣವೂ ನಡೆಯಬೇಕಿದೆ. ಹೀಗಾಗಿ ಸುರಕ್ಷಿತ ಸಂಚಾರಕ್ಕೆ ಆದ್ಯತೆ ನೀಡಬೇಕಿದೆ. ಕಬ್ಬು ತುಂಬಿದ ವಾಹನಗಳು ನಿಧಾನವಾಗಿ ಸಂಚರಿಸಬೇಕು. ಓವರ್‌ಟೇಕ್‌ ಮಾಡಬಾರದು. ಅತಿಯಾದ ಶಬ್ದ ಬಳಕೆ ಹಾಗೂ ಟೇಪ್‌ ರೆಕಾರ್ಡ್‌ಗೆ ಅವಕಾಶ ನೀಡಬಾರದು ಎಂದು ಪೊಲೀಸರು ಈಗಾಗಲೇ ಮನವಿ ಮಾಡಿದ್ದಾರೆ.
ಕಬ್ಬಿನ ಹಂಗಾಮು ಆರಂಭಗೊಂಡಿದೆ. ರಸ್ತೆಗೆ ಇಳಿದ ಬಳಿಕ ಚಾಲಕರು ಜಾಗೃತಿಯಿಂದ ವಾಹನ ಓಡಿಸಬೇಕು. ಕಬ್ಬಿನ ಟ್ರ್ಯಾಕ್ಟರ್‌ಗಳಿಗೆ ರಿಪ್ಲೆಕ್ಟರ್‌ ಅಳವಡಿಸಿ ಅನಾಹುತಗಳನ್ನು ತಪ್ಪಿಸಬೇಕು. ಇದಕ್ಕೆ ತಪ್ಪಿದಲ್ಲಿಕಾನೂನು ಕ್ರಮ ಕೈಗೊಳ್ಳಬೇಕಾಗುತ್ತದೆ. ಈಗಾಗಲೇ ಕಾರ್ಖಾನೆಗಳ ಮಾಲೀಕರ ಮೂಲಕ ಸಂದೇಶ ನೀಡಲಾಗಿದೆ ಎಂದು ಮುಧೋಳ ಸಿಪಿಐ ಅಯ್ಯನಗೌಡ ಪಾಟೀಲ್‌ ಹೇಳಿದ್ದಾರೆ.
ಸಾರ್ವಜನಿಕರ ಪ್ರಯಾಣದ ದೃಷ್ಟಿಯಿಂದ ಇತಿಮಿತಿಯಲ್ಲಿಕಬ್ಬು ತುಂಬಿದ ವಾಹನಗಳ ಚಾಲನೆ ಮಾಡಬೇಕು. ರೈತರು ಹಾಗೂ ಚಾಲಕರು ತಮ್ಮ ಜವಾಬ್ದಾರಿ ಮರೆಯಬಾರದು ಎಂದು ಮುಧೋಳದ ರೈತ ಸಂಘದ ಮುಖಂಡ ವೆಂಕಣ್ಣ ಮಳಲಿ ಹೇಳಿದ್ದಾರೆ. ಇನ್ನು, ಕಬ್ಬಿನ ದರ ಹೆಚ್ಚಳಕ್ಕಾಗಿ ರೈತರು ನಿರಂತರವಾಗಿ ಬಾಗಲಕೋಟೆ ಸೇರಿ ರಾಜ್ಯಾದ್ಯಂತ ಪ್ರತಿಭಟನೆ ನಡೆಸಿದ್ದರು.
13 ಸಕ್ಕರೆ ಕಾರ್ಖಾನೆ ಆರಂಭ!
ಬಾಗಲಕೋಟೆ ಜಿಲ್ಲೆಯಲ್ಲಿ 13 ಸಕ್ಕರೆ ಕಾರ್ಖಾನೆಗಳು ಕಬ್ಬು ನುರಿಸಲು ಆರಂಭಿಸಿವೆ. ಕಬ್ಬು ಕಟಾವು, ಲಾರಿ, ಟ್ರ್ಯಾಕ್ಟರ್‌, ಎತ್ತಿನ ಬಂಡಿಗಳ ಮೂಲಕ ಕಬ್ಬು ಸಾಗಣೆ ಜೋರಾಗಿ ನಡೆದಿದೆ. ಸಕ್ಕರೆ ಕಾರ್ಖಾನೆಗಳಿಂದಲೂ ನಿತ್ಯವೂ ಲಕ್ಷಾಂತರ ಟನ್‌ ಕಬ್ಬು ನುರಿಸುವ ಯತ್ನಗಳು ನಡೆದಿವೆ. ಅಂದಾಜು ನಾಲ್ಕು ತಿಂಗಳು ಕಬ್ಬಿನ ಹಂಗಾಮು ಮುಂದುವರಿಯಲಿದೆ. ಇದರಿಂದ ರಸ್ತೆಗಳಲ್ಲಿ ಜನರ ಸಂಚಾರ ಸ್ವಲ್ಪ ಕಷ್ಟವಾಗಿದೆ. ಅದರಲ್ಲೂ ಮುಧೋಳ ನಗರದಲ್ಲಿ ಕಬ್ಬು ಹಂಗಾಮು ವೇಳೆ ಸಂಚಾರ ಬಲು ಕಷ್ಟ ಎಂಬ ಮಾತುಗಳು ಕೇಳಿಬರುತ್ತಿವೆ.
ಹೆಚ್ಚಿದ ಸಂಚಾರ:
ಕಬ್ಬಿನ ಪಡದಿಂದ ರಸ್ತೆಗೆ ವಾಹನಗಳು ಇಳಿಯುತ್ತಿರುವುದರಿಂದ ವಾಹನಗಳ ದಟ್ಟಣೆಯಾಗುತ್ತಿದೆ. ಪೊಲೀಸ್‌ ಇಲಾಖೆ ಕಬ್ಬು ಪೂರೈಕೆದಾರರಿಗೆ ರಸ್ತೆ ನಿಯಮ ಜಾರಿಗೊಳಿಸಿದೆ. ಅದರಲ್ಲಿ ಕೆಲವರು ನಿಯಮ ಪಾಲನೆ ಮಾಡುತ್ತಿಲ್ಲಎಂಬ ಆರೋಪಗಳಿವೆ. ವಾಹನಗಳ ದಟ್ಟಣೆಯಿಂದ ಚಾಲಕರು ನಿಯಮ ಪಾಲನೆಯೊಂದಿಗೆ ಸಂಯಮದಿಂದ ಸಂಚರಿಸಬೇಕಾದ ಕುರಿತು ಪೊಲೀಸರು ತಿಳಿವಳಿಕೆ ಮೂಡಿಸುತ್ತಿದ್ದಾರೆ.
ಪೊಲೀಸ್‌ ಸೂಚನೆ
ಒಂದೆಡೆ ಕಬ್ಬಿನ ಟ್ರ್ಯಾಕ್ಟರ್‌ಗಳ ಸಾಲು ಇನ್ನೊಂದೆಡೆ ಬೈಕ್‌ ಸವಾರರು, ಮಿನಿ ಲಾರಿ, ಟಂಟಂ, ರಿಕ್ಷಾ, ಬಸ್‌ಗಳ ಪ್ರಯಾಣವೂ ನಡೆಯಬೇಕಿದೆ. ಹೀಗಾಗಿ ಸುರಕ್ಷಿತ ಸಂಚಾರಕ್ಕೆ ಆದ್ಯತೆ ನೀಡಬೇಕಿದೆ. ಕಬ್ಬು ತುಂಬಿದ ವಾಹನಗಳು ನಿಧಾನವಾಗಿ ಸಂಚರಿಸಬೇಕು. ಓವರ್‌ಟೇಕ್‌ ಮಾಡಬಾರದು. ಅತಿಯಾದ ಶಬ್ದ ಬಳಕೆ ಹಾಗೂ ಟೇಪ್‌ ರೆಕಾರ್ಡ್‌ಗೆ ಅವಕಾಶ ನೀಡಬಾರದು ಎಂದು ಪೊಲೀಸರು ಈಗಾಗಲೇ ಮನವಿ ಮಾಡಿದ್ದಾರೆ.
ಕಬ್ಬಿನ ಹಂಗಾಮು ಆರಂಭಗೊಂಡಿದೆ. ರಸ್ತೆಗೆ ಇಳಿದ ಬಳಿಕ ಚಾಲಕರು ಜಾಗೃತಿಯಿಂದ ವಾಹನ ಓಡಿಸಬೇಕು. ಕಬ್ಬಿನ ಟ್ರ್ಯಾಕ್ಟರ್‌ಗಳಿಗೆ ರಿಪ್ಲೆಕ್ಟರ್‌ ಅಳವಡಿಸಿ ಅನಾಹುತಗಳನ್ನು ತಪ್ಪಿಸಬೇಕು. ಇದಕ್ಕೆ ತಪ್ಪಿದಲ್ಲಿಕಾನೂನು ಕ್ರಮ ಕೈಗೊಳ್ಳಬೇಕಾಗುತ್ತದೆ. ಈಗಾಗಲೇ ಕಾರ್ಖಾನೆಗಳ ಮಾಲೀಕರ ಮೂಲಕ ಸಂದೇಶ ನೀಡಲಾಗಿದೆ ಎಂದು ಮುಧೋಳ ಸಿಪಿಐ ಅಯ್ಯನಗೌಡ ಪಾಟೀಲ್‌ ಹೇಳಿದ್ದಾರೆ.
ಸಾರ್ವಜನಿಕರ ಪ್ರಯಾಣದ ದೃಷ್ಟಿಯಿಂದ ಇತಿಮಿತಿಯಲ್ಲಿಕಬ್ಬು ತುಂಬಿದ ವಾಹನಗಳ ಚಾಲನೆ ಮಾಡಬೇಕು. ರೈತರು ಹಾಗೂ ಚಾಲಕರು ತಮ್ಮ ಜವಾಬ್ದಾರಿ ಮರೆಯಬಾರದು ಎಂದು ಮುಧೋಳದ ರೈತ ಸಂಘದ ಮುಖಂಡ ವೆಂಕಣ್ಣ ಮಳಲಿ ಹೇಳಿದ್ದಾರೆ. ಇನ್ನು, ಕಬ್ಬಿನ ದರ ಹೆಚ್ಚಳಕ್ಕಾಗಿ ರೈತರು ನಿರಂತರವಾಗಿ ಬಾಗಲಕೋಟೆ ಸೇರಿ ರಾಜ್ಯಾದ್ಯಂತ ಪ್ರತಿಭಟನೆ ನಡೆಸಿದ್ದರು.