ನೀಗಿತು ಒಂದೂವರೆ ದಶಕ ನೀರಡಿಕೆ

ಇಳಕಲ್‌: ನಗರದ ಹೊರವಲಯದ ನೀಲಕಂಠೇಶ್ವರ ಬಡಾವಣೆಗೆ ದಶಕದ ಹೋರಾಟದ ಬಳಿಕವಾದರೂ ಅಂತೂ ಬಂತು 24/7 ಕುಡಿವ ನೀರು ಬಡಾವಣೆ ಜನತೆಯ ಕಣ್ಣಂಚಿನಲ್ಲಿಹರಿಯಿತು ಆನಂದ ಭಾಷ್ಪ.

ಬಡಾವಣೆಯಲ್ಲಿನಿವೇಶನ ಹುಟ್ಟಿ ಒಂದೂವರೆ ದಶಕ ಕಳೆದರೂ, ನಿವೇಶನ ಖರೀದಿಸಿದ ಜನತೆ ಹೋರಾಟ ದಶಕ ಮೀರುವ ಮುನ್ನವೇ ಮನೆ ಬಾಗಿಲಿಗೆ ಬಂದ, ಅವರ ಹೋರಾಟಕ್ಕೆ ಸಂದ, ಹಾಗೂ ನಾಗರಿಕರ ಮನವಿಗೆ ಸ್ಪಂದಿಸಿದ ನಗರಸಭೆ ಅಂತೂ ತಂತು ತಡವಾಗಿಯಾದರೂ ನೀರು ತಂದಿತು.

ಶಾಸಕ ದೊಡ್ಡನಗೌಡ ಪಾಟೀಲ ಬಡಾವಣೆಯಲ್ಲಿಯೋಜನೆಗೆ ನಲ್ಲಿಗಳಿಂದ ನೀರು ಬಿಟ್ಟು ಚಾಲನೆ ನೀಡಿ, ಮಹಿಳೆ ತಲೆ ಮೇಲೆ ಕೊಡ ಹೊರಿಸಿ, ಇನ್ಮುಂದೆ ಇಂತಹ ಕೊಡ ಹೊತ್ತು ನೀರು ತರುವುದು ಬೇಡ, ಮನೆಬಾಗಿಲಿಗೇ ಬರುವ ನೀರನ್ನು ಮನೊಯೊಳಗೇ ಪೈಪ್‌ ಹಚ್ಚಿ ಬಳಸಿಕೊಳ್ಳಿ ಹೊತ್ತು ತರುವ ಭಾರ ಕಡಿಮೆ ಮಾಡಿಕೊಳ್ಳಿ ಎಂದು ಕಿವಿಮಾತು ಹೇಳಿ, ಮನದ ಭಾರ ಇಳಿಸಿದರು. ನಾನಾ ಬೇಡಿಕೆಗಳ ಮನವಿ ಸ್ವೀಕರಿಸಿ ಆದಷ್ಟು ಬೇಗ ಸರಿಪಡಿಸುವುದಾಗಿ ಭರವಸೆ ನೀಡಿದರು.

ನಗರಸಭೆ ಹಿರಿಯ ಸದಸ್ಯ ಲಕ್ಷತ್ರ್ಮಣ ಗುರಂ, ಸದಸ್ಯರಾದ ಚೋಳಪ್ಪ ಇಂಡಿ, ದತ್ತಾತ್ರೇಯ ಗುಳೇದ, ಸುಗುರೇಶ ನಾಗಲೋಟಿ, ಮಂಜುನಾಥ ಶೆಟ್ಟರ ಹಾಗೂ ಚಂದ್ರಶೇಖರ ಏಕಬೋಟೆ ಮತ್ತಿತರರು ಇದ್ದರು.