ಕೆ.ಎಸ್.ಈಶ್ವರಪ್ಪನ ತಲೆ, ಬಾಯಿ ಕನೆಕ್ಷನ್ ತಪ್ಪಿದೆ: ಎಂ.ಬಿ.ಪಾಟೀಲ್ ಟೀಕೆ

ಬಾಗಲಕೋಟ: ವಿಧಾನ ಪರಿಷತ್ ಪ್ರತಿಪಕ್ಷ ನಾಯಕ ಕೆ.ಎಸ್.ಈಶ್ವರಪ್ಪನವರಿಗೆ ತಲೆ ಹಾಗೂ ಬಾಯಿಯ ಕನೆಕ್ಷನ್ ತಪ್ಪಿದೆ ಎಂದು ಬೃಹತ್ ನೀರಾವರಿ ಸಚಿವ ಎಂ.ಬಿ.ಪಾಟೀಲ್ ಟೀಕಿಸಿದರು.

ಕೂಡಲಸಂಗಮದಲ್ಲಿ ಭಾನುವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಮುಖ್ಯಮಂತ್ರಿ ಸಿದ್ದರಾಮಯ್ಯ ದೇಹದಲ್ಲಿ ಟಿಪ್ಪು ಸುಲ್ತಾನ್ ರಕ್ತ ಹರಿಯುತ್ತಿದೆ ಎಂಬ ಈಶ್ವರಪ್ಪ ಆರೋಪಕ್ಕೆ ಪ್ರತಿಕ್ರಿಯೆ ನೀಡಿದರು.

'ಈಶ್ವರಪ್ಪ ಏನು ಹೇಳುತ್ತಾರೆ ಎಂಬುದು ಅವರಿಗೇ ಗೊತ್ತಿರುವುದಿಲ್ಲ, ಹೀಗೆ ಮಾತನಾಡುವುದು ಅವರು ಜನಿಸಿದಾಗಿನಿಂದ ಬಂದ ಸಮಸ್ಯೆ ಯಿದೆ, ಅವರು ಟ್ರೀಟ್ ಮೆಂಟ್ ತೆಗೆದುಕೊಳ್ಳುವು ಒಳ್ಳೆಯದು' ಎಂದು ಛೇಡಿಸಿದರು.

ಲಿಂಗಾಯತ ಪ್ರತ್ಯೇಕ ಧರ್ಮ ಹೋರಾಟಕ್ಕೆ ತಾತ್ತ್ವಿಕ ಅಂತ್ಯ ದೊರೆಯಲಿದೆ, ಹೋರಾಟ ಯಶಸ್ವಿಯಾದ ನಂತರ ರಂಭಾಪುರಿ ಶ್ರೀಗಳು, ಶ್ಯಾಮನೂರು ಶಿವಶಂಕರಪ್ಪ ನಮ್ಮೊಂದಿಗೆ ಬರಲಿದ್ದಾರೆ ಎಂದು ಸಚಿವ ಎಂ.ಬಿ.ಪಾಟೀಲ್ ಹೇಳಿದರು.