ಜವಾರಿ ಅಡುಗೆ ಮಾಡಿ ಮಕ್ಕಳ ಆರೋಗ್ಯ ಕಾಪಾಡಿ

ಇಳಕಲ್‌ : ಇಂದಿನ ಸ್ಪರ್ಧಾತ್ಮಕ ಜಗತ್ತಿನಲ್ಲಿ, ಕಲಬೆರಕೆ ಆಹಾರ, ಕಲುಷಿತ ವಾತಾವರಣದಲ್ಲಿ ಆರೋಗ್ಯ ರಕ್ಷ ಣೆಗಾಗಿ ಕಸ ತಿನ್ನುವುದಕ್ಕಿಂತ ತುಸು ತಿನ್ನುವುದು ಲೇಸು. ಆದರೆ ಶುಚಿಯಾದ, ರುಚಿಯಾದ ಆಹಾರ ಸೇವಿಸಬೇಕಾದ ಅಗತ್ಯವಿದೆ ಎಂದು ಗುರುಮಹಾಂತ ಶ್ರೀಗಳು ಹೇಳಿದರು.

ಅವರು ಇಲ್ಲಿನ ಎಸ್‌.ವಿ.ಎಂ. ಕಾಲೇಜ್‌ ಕ್ಯಾಂಟೀನ್‌ ಉದ್ಘಾಟನೆ ನೆರವೇರಿಸಿ, ಉತ್ತರ ಕರ್ನಾಟಕದ ಜವಾರಿ ಊಟ, ಉಪಹಾರದ ವ್ಯವಸ್ಥೆಯನ್ನು ಕ್ಯಾಂಟೀನ್‌ದಲ್ಲಿ ಮಾಡಬೇಕಿದೆ. ಇಡ್ಲಿ, ವಡಾ, ದೋಸೆಯಂತಹ ಕರಿದ ಪದಾರ್ಥಗಳನ್ನು ವಿದ್ಯಾರ್ಥಿಗಳಿಗೆ ಕೊಡುವುದರಿಂದ ಉತ್ತಮ ಆರೋಗ್ಯ ಲಭಿಸದು. ಜೋಳದ ನುಚ್ಚು, ಹುರುಳಿ ಕಟ್ಟಿ ಸಾರು, ಗಂಜಿ, ಕಷಾಯ, ಅಂಬ್ಲಿ, ಅನ್ನ ಸಾಂಬಾರು ಮುಂತಾದ ಜವಾರಿ ಅಡಿಗೆಗಳನ್ನು ವಿದ್ಯಾರ್ಥಿಗಳಿಗೆ ವೇಳೆಗನುಸಾರ ನೀಡಿ ವಿದ್ಯಾರ್ಥಿಗಳ ಆರೋಗ್ಯ ಕಾಪಾಡಬೇಕೆಂದು ಹೊಟೇಲ್‌ ಮಾಲೀಕರಿಗೆ ಕಿವಿಮಾತು ಹೇಳಿದರು.

ಸಂಘದ ಚೇರಮನ್‌ ಎಂ.ಜಿ. ಪಟ್ಟಣಶೆಟ್ಟರ, ಆಯುರ್ವೇದ ಕಾಲೇಜ್‌ ಕೆ.ಎಸ್‌. ಕಂದಿಕೊಂಡ ಮಾತನಾಡಿಬಹುದಿನಗಳ ಬೇಡಿಕೆ ಈಡೇರಿದಂತಾಗಿದೆ. ಆಹಾರ ತಯಾರಿಕೆಗೆ ಕರಿದ ಎಣ್ಣೆಯನ್ನು ಪುನ: ಬಳಸಬಾರದು, ಸ್ವಚ್ಛತೆ ಕಾಪಾಡಬೇಕು, ಸ್ವಚ್ಛತೆಗೆ, ಗುಣಮಟ್ಟದ ಆಹರಕ್ಕೆ ಪ್ರಥಮ ಆದ್ಯತೆ ನೀಡಿರಿ ಎಂದರು.

ಎಂ.ವಿ. ಪಾಟೀಲ, ಡಾ.ಕೆ.ವಿ. ಅಕ್ಕಿ, ದಿಲೀಪ ದೇವಗಿರಿಕರ, ಆರ್‌.ಆರ್‌. ಸೂಡಿ, ಸಿ.ಪಿ. ಸಾಲಿಮಠ, ಪ್ರಾಚಾರ್ಯೆ ಡಾ.ಭಾರತಿ ನಾಯಕ, ಪ್ರಾಚಾರ್ಯ ಡಾ.ಕೆ.ಸಿ. ದಾಸ, ಪ್ರೊ. ಜಿ. ಮಲ್ಲಯ್ಯ ಮತ್ತಿತರರು ಉಪಸ್ಥಿತರಿದ್ದರು.