ರಿಯಾಯಿತಿ ದರದಲ್ಲಿ ಮಾಸ್ಕ್‌ ವಿತರಣೆ

ಮಹಾಲಿಂಗಪುರ: ಲಾಕ್‌ಡೌನ್‌ನಿಂದ ಮನೆಯಲ್ಲಿಕುಳಿತುಕೊಳ್ಳುವುದು ತುಂಬಾ ಬೇಸರ ಎಂದು ಹಲುಬುವವರಿಗೆ ಉತ್ತರವೆಂಬಂತೆ ಮಹಾಲಿಂಗಪುರದ ಮಹಿಳೆಯರು ಮನೆಯಲ್ಲೇ ಕುಳಿತು ನಿತ್ಯ ಸಾವಿರಾರು ಮಾಸ್ಕ್‌ ತಯಾರಿಸಿ ರಿಯಾಯಿತಿ ದರದಲ್ಲಿಸಾರ್ವಜನಿಕರಿಗೆ ಸಿಗುವಂತೆ ಮಾಡುವ ಮೂಲಕ ಸಮಯದ ಸದುಪಯೋಗ ಮತ್ತು ಜೀವನಕ್ಕೂ ಉಪಯೋಗ ಮಾಡಿಕೊಳ್ಳುತ್ತಿದ್ದಾರೆ.

ಸ್ಥಳೀಯ ಕೈಮಗ್ಗ ನೇಕಾರ ಶಂಕರ ಗೊಂಬಿ ಅವರ ಸ್ವದೇಶಿ ಗಾರ್ಮೆಂಟ್ಸ್‌ನಲ್ಲಿದುಡಿಯುತ್ತಿದ್ದ ನೂರಾರು ಜನರಿಗೆ ಲಾಕ್‌ಡೌನ್‌ನಿಂದ ನಿರುದ್ಯೋಗ ಉಂಟಾಗಿತ್ತು. ಮಾರಾಟವೂ ಇಲ್ಲದೇ ಉತ್ಪಾದನೆಯೂ ನಿಂತು ಹೋಗಿತ್ತು. ಬೇರೆ ಉದ್ಯೋಗಕ್ಕೆ ಹೊರ ಹೋಗಲೂ ಸಾಧ್ಯವಿಲ್ಲದಂತಾಗಿತ್ತು. ಇದನ್ನು ಮನಗಂಡ ಸ್ವದೇಶಿ ಗಾರ್ಮೆಂಟ್‌ ಮಾಲೀಕರು ಇದೇ ಬಿಡುವಿನ ಸಮಯದಲ್ಲಿಕೊರೊನಾ ಸೋಂಕು ತಡೆಗೆ ಸಹಾಯವಾಗುವ ಮಾಸ್ಕ್‌ ತಯಾರಿಸುವ ಐಡಿಯಾ ಮಾಡಿದ್ದಾರೆ.

ಇದರಿಂದ ಗಾರ್ಮೆಂಟ್‌ನಲ್ಲಿ11 ಜನ ಮಹಿಳೆಯರು ಮತ್ತು ನಾಲ್ವರು ಪುರುಷರು ಸೇರಿ 16 ಜನರಿಗೆ ಉದ್ಯೋಗ ದೊರೆತಿದೆ. ಈಗಾಗಲೇ 5 ಸಾವಿರಕ್ಕೂ ಹೆಚ್ಚು ಮಾಸ್ಕ್‌ ತಯಾರಿಸಿದ್ದಾರೆ. ನಿತ್ಯ ಸರಾಸರಿ 700 ಮಾಸ್ಕ್‌ ತಯಾರಿಸುತ್ತಿದ್ದಾರೆ. ಹಾಗಂತ ಲಾಕ್‌ಡೌನ್‌ ನಿಯಮ ಮತ್ತು ಸೋಶಿಯಲ್‌ ಡಿಸ್ಟನ್ಸ್‌ ನಿಯಮ ಉಲ್ಲಂಘನೆ ಮಾಡದೇ ಎಲ್ಲರೂ ಮಾಸ್ಕ್‌ ಧರಿಸಿ, ಕನಿಷ್ಠ 1 ಮೀಟರ್‌ ಅಂತರ ಕಾಯ್ದುಕೊಂಡು ಉದ್ಯೋಗ ಮಾಡುತ್ತಿದ್ದಾರೆ.

ಕೈಮಗ್ಗದಿಂದ ನೇಯ್ದ ಅಪ್ಪಟ ಕಾಟನ್‌ ಬಟ್ಟೆಯ ತುಣುಕುಗಳನ್ನು ಕತ್ತರಿಸಿ ಗುಣಮಟ್ಟದ ಮಾಸ್ಕ್‌ ತಯಾರಿಸಲು ಶುರು ಮಾಡಿದೆವು. ಎರಡು ಲೇಯರ್‌ ಇರುವ ಗುಣಮಟ್ಟದ ಮಾಸ್ಕ್‌ ತಯಾರಿಸಿ ಆರಂಭದಲ್ಲಿಸ್ಥಳೀಯ ಔಷಧ ಅಂಗಡಿಗಳಿಗೆ ಕಡಿಮೆ ಬೆಲೆಗೆ ಪೂರೈಸಿದೆವು. ಆದರೆ ಮೆಡಿಕಲ್‌ ಶಾಪ್‌ನವರು 40 ರಿಂದ 60 ರೂ.ಗೆ ಮಾರಿದ್ದರಿಂದ ಸಾರ್ವಜನಿಕರಿಗೆ ದುಬಾರಿಯಾಗತೊಡಗಿತು. ಈ ಸಮಸ್ಯೆ ಅರಿತು ಸ್ವದೇಶಿ ಗಾರ್ಮೆಂಟ್‌ನಿಂದ ನೇರವಾಗಿ ಗ್ರಾಹಕರಿಗೆ 20 ರೂ. ರಿಯಾಯಿತಿ ದರದಲ್ಲಿತಲುಪಿಸುತ್ತಿದ್ದೇವೆ.
- ಶಂಕರ ಗೊಂಬಿ, ಸ್ವದೇಶಿ ಗಾರ್ಮೆಂಟ್‌, ಮಹಾಲಿಂಗಪುರ