ವೀರ ಯೋಧ ಅಭಿನಂದನ್‌: ಮಗುವಿಗೆ ಅಭಿನಂದನಾ ಎಂದು ಹೆಸರಿಟ್ಟ ಇಳಕಲ್‌ ದಂಪತಿ

ಬಾಗಲಕೋಟ: ಶತ್ರುಗಳ ಬೆನ್ನಟ್ಟಿ ಪಾಕಿಸ್ತಾನ ಪಾಲಾಗಿ ಭಾರತಕ್ಕೆ ಮರಳಿ ಬಂದ ದೇಶದ ಹೆಮ್ಮೆಯ ಯೋಧ ಅಭಿನಂದನ್ ಅವರ ಹೆಸರನ್ನೇ ದಂಪತಿಗಳಿಬ್ಬರು ಅಭಿಮಾನದ ಮೂಲಕ ತಮ್ಮ ಮಗಳಿಗೆ ಅಭಿನಂದನಾ ಎಂಬ ಹೆಸರು ನಾಮಕರಣ ಮಾಡಿದ್ದಾರೆ.

ಜಿಲ್ಲೆಯ ಇಳಕಲ್ ಪಟ್ಟಣದಲ್ಲಿರುವ ಅರವಿಂದ ಜಮಖಂಡಿ ಮತ್ತು ಪೂರ್ಣಿಮಾ ತಮ್ಮ ಪುತ್ರಿಗೆ ದೇಶದ ಹೆಮ್ಮೆಯ ಪುತ್ರ ಅಭಿನಂದನ್‌ ಹೆಸರು ಇಟ್ಟಿದ್ದಾರೆ.

ಪೌರಾಡಳಿತ ಇಲಾಖೆಯ ಅಧಿಕಾರಿಯಾಗಿರುವ ಅರವಿಂದ ಜಮಖಂಡಿ ಮತ್ತು ಪೂಣಿ೯ಮಾ ಜಮಖಂಡಿ ದಂಪತಿಗಳೇ ಇದೀಗ ತಮ್ಮ ಮಗಳಿಗೆ ಅಭಿನಂದನಾ ಎಂಬ ಹೆಸರಿಟ್ಟಿದ್ದಾರೆ. ಫೆಬ್ರವರಿ 11ಕ್ಕೆ ಮಗಳು ಜನಿಸಿದ್ರೂ ಆ ಮಗುವಿಗೆ ನಾಮಕರಣ ಮಾಡಿರಲಿಲ್ಲ, ಆದ್ರೆ ಇದೀಗ ಇಡೀ ದೇಶವೇ ಹೆಮ್ಮೆಪಡುವಂತಹ ಯೋಧನಾಗಿ ಅಭಿನಂದನ್ ಹೊರಹೊಮ್ಮಿದ್ದು, ಇಡೀ ದೇಶವೇ ಅವರನ್ನ ಕಂಡು ಹೆಮ್ಮೆಪಡುತ್ತಿದೆ.

ಈ ಹಿನ್ನೆಲೆಯಲ್ಲಿ ಜಮಖಂಡಿ ದಂಪತಿಗಳು ತಮ್ಮ ಮಗಳಿಗೆ ಅಭಿನಂದನಾ ಎಂದು ಹೆಸರಿಟ್ಟಿದ್ದು, ಇದು ನಮ್ಮ ಹೆಮ್ಮೆಯಾಗಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.