ಹೋಟೆಲೋದ್ಯಮದಲ್ಲಿ ಜನಜಂಗುಳಿ

ಜಮಖಂಡಿ: ಕೊರೋನಾ ವೈರಸ್‌ ತಡೆಗಟ್ಟುವ ನಿಟ್ಟಿನಲ್ಲಿಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ಪ್ರಯತ್ನ ನಡೆಸುತ್ತಿದ್ದರೂ ತಾಲೂಕಿನಲ್ಲಿಕಾಟಾಚಾರಕ್ಕೆ ಮಾತ್ರ ಕೊರೊನಾ ಕಾರ್ಯದಲ್ಲಿತೊಡಗಿಸಿಕೊಂಡಂತೆ ಮೇಲ್ನೋಟಕ್ಕೆ ಕಂಡು ಬರುತ್ತಿದೆ.

ರಾಜ್ಯ ಸರ್ಕಾರದ ಆದೇಶಿಸಿದಂತೆ ಉಪಹಾರ ಗೃಹ, ಖಾನಾವಳಿಗಳಲ್ಲಿಯಾರನ್ನು ಕುರಿಸಿ ತಿಂಡಿ-ಊಟ ಮಾಡಿಸಬಾರದೆಂದು ಕಾನೂನು ಜಾರಿಗೊಳಿಸಿದೆ. ಆದರೆ, ಜಮಖಂಡಿ ನಗರದಲ್ಲಿಮಾತ್ರ ಸರಕಾರದ ಆದೇಶಕ್ಕೆ ಎಳ್ಳು ನೀರು ಬಿಡಲಾಗಿದೆ. ಅಧಿಕಾರಿಗಳು ಕೂಡ ಇತ್ತ ಗಮನ ಹರಿಸುತ್ತಿಲ್ಲ. ಬಹುತೇಕ ಹೋಟೇಲ್‌-ಖಾನಾವಳಿಗಳಲ್ಲಿಗ್ರಾಹಕರನ್ನು ಸ್ವಾಗತಿಸಿ, ಭರ್ಜರಿ ತಿಂಡಿ-ತಿನುಸು ಹಾಗೂ ಊಟದ ವ್ಯವಸ್ಥೆ ಮಾಡಲಾಗುತ್ತಿದೆ. ಈ ಬಗ್ಗೆ ಯಾರೂ ತಲೆ ಕೆಡಿಸಿಕೊಂಡಿಲ್ಲ.

ನಗರಸಭೆಯವರು ಕಾಟಾಚಾರಕ್ಕೆ ಮಾತ್ರ ಕೊರೊನಾ ಕಾರ್ಯದಲ್ಲಿತೊಡಗಿಸಿಕೊಂಡಿದೆ ಎಂಬ ಆರೋಪ ಕೇಳಿ ಬರುತ್ತಿದೆ.