ವಿಜಯ ದಶಮಿಯಂದು ಬೆಳಗ್ಗೆ ಹನುಮಂತದೇವರ ಗರ್ಭಗುಡಿ ಎದುರಿಗೆ ನಡೆದಿರುವ ಈ ಕಳ್ಳತನ ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದ್ದು, ವ್ಯಕ್ತಿಯೊಬ್ಬರ ಕಿಸೆಯಿಂದ ಮೂವರು ಕಳ್ಳರು ಸೇರಿ ಹಣ ಎಗರಿಸುವ ದೃಶ್ಯ ಅಲ್ಲಿನ ಸಿಸಿ ಕ್ಯಾಮೆರಾದಲ್ಲಿಸೆರೆಯಾಗಿರುವ ವಿಡಿಯೋವೊಂದು ಎಲ್ಲೆಡೆ ಹರಿದಾಡುತ್ತಿದೆ.
ಬಾಗಲಕೋಟೆ ವ್ಯಾಪಾರಿಯೊಬ್ಬರು ಕಳೆದ ಸೆ. 5 ರಂದು ತಮ್ಮ ಪತ್ನಿಯೊಂದಿಗೆ ದೇವಸ್ಥಾನಕ್ಕೆ ಬಂದಿದ್ದು.ಅವರು ಗರ್ಭ ಗುಡಿಯಮುಂದೆ ದೇವರ ದರುಶನ ಪಡೆಯುವಾಗ ನೂಕುನುಗ್ಗಲನ್ನುಂಟು ಮಾಡಿ ಸದ್ದಿಲ್ಲದೆ ಅವರ ಜೇಬಿನಲ್ಲಿದ್ದ 25 ಸಾವಿರ ರೂ.ಗಳನ್ನು ಎಗರಿಸಿದ್ದಾರೆ.
ತಳ್ಳಾಟ, ಕಳ್ಳನೊಬ್ಬನ ಕೈ ಹಣ ಕಳೆದುಕೊಂಡವರ ಕಿಸೆಯತ್ತ ಹೋಗುವುದು, ಆತ ಕದ್ದ ಹಣವನ್ನು ತನ್ನ ಪಕ್ಕದಲ್ಲಿರುವ ಮತ್ತೊಬ್ಬ ವ್ಯಕ್ತಿಗೆ ಹಸ್ತಾಂತರಿಸುವುದು ಎಲ್ಲವೂ ಅಲ್ಲಿನ ಸಿಸಿ ಕ್ಯಾಮೆರಾದಲ್ಲಿಸೆರೆಯಾಗಿದೆ. ಈ ಬಗ್ಗೆ ಹಣಕಳೆದುಕೊಂಡವರು ಇಲ್ಲಿನ ಪೋಲಿಸರಿಗೆ ಮಾಹಿತಿ ನೀಡಿದ್ದಾರೆನ್ನಲಾಗಿದ್ದು, ಆದರೆ ಈ ವರೆಗೂ ದೂರು ದಾಖಲಾಗಿಲ್ಲ. ಸಿಸಿ ಕ್ಯಾಮೆರಾದಲ್ಲಿಕಳ್ಳರ ಮುಖ ಸ್ಪಷ್ಟವಾಗಿದ್ದರೂ ಯಾರೊಬ್ಬರನ್ನು ಪೊಲೀಸರು ಬಂಧಿದಿಲ್ಲ. ಈ ವರೆಗೆ ಪ್ರಕರಣ ದಾಖಲಾಗದಿರುವುದು ಅನುಮಾನ ಹುಟ್ಟುಹಾಕಿದೆ. ಹೆಚ್ಚಿನ ಭಕ್ತರು ಆಗಮಿಸುವ ಪ್ರತಿ ಶನಿವಾರ, ವಿಶೇಷ ದಿನಗಳಂದು ಇಲ್ಲಿಗೆ ಪೊಲೀಸ್‌ ಕಾವಲು ನಿಯೋಜಿಸಬೇಕೆಂದು ಸಾರ್ವಜನಿಕರು ಜಿಲ್ಲಾಪೋಲಿಸ್‌ ವರಿಷ್ಠಾಧಿಕಾರಿಗಳನ್ನು ಕೋರಿದ್ದಾರೆ.