BSNLನಲ್ಲಿ ಇರುವವರು ದೇಶದ್ರೋಹಿಗಳಾ, ಇವರೊಂದಿಗೆ ಪ್ರಧಾನಿ ಕೆಲಸ ಮಾಡ್ತಾ ಇದ್ದಾರಾ: ತಿಮ್ಮಾಪುರ

ಬಾಗಲಕೋಟೆ: ಬಿಎಸ್‌ಎನ್‌ಎಲ್‌ನಲ್ಲಿ ದೇಶದ್ರೋಹಿಗಳಿದ್ದಾರೆ ಎಂಬ ಸಂಸದ ಅನಂತಕುಮಾರ ಹೆಗಡೆ ಹೇಳಿಕೆ ನಿಜಕ್ಕೂ ಖಂಡನೀಯ, ಬಿಎಸ್‌ಎನ್‌ಎಲ್‌ನಲ್ಲಿ ಇದ್ದವರು ದೇಶದ್ರೋಹಿಗಳೇ ಆದ್ರೆ ಪ್ರಧಾನಿಗಳು ರಾಷ್ಟ್ರ ದ್ರೋಹಿಗಳನ್ನಿಟ್ಟುಕೊಂಡು ಕೆಲಸ ಮಾಡ್ತಾರಂದ್ರೆ ಇದು ಎಂತಹ ನಾಚಿಕೇಗೇಡಿತನದ ಸಂಗತಿ ಎಂದು ಮಾಜಿ ಸಚಿವ ಆರ್‌ ಬಿ ತಿಮ್ಮಾಪುರ ತಿಳಿಸಿದ್ದಾರೆ.

ಬಾಗಲಕೋಟೆಯಲ್ಲಿ ಮಾಜಿ ಸಚಿವ ಆರ್.ಬಿ.ತಿಮ್ಮಾಪೂರ ಸುದ್ದಿಗಾರರೊಂದಿಗೆ ಮಾತನಾಡಿದರು.

ಇದನ್ನು ಪ್ರೈವೇಟ್‌ಗೆ ಕೊಡೋ ಹುನ್ನಾರವಾಗಿ ಪೀಠಿಕೆ ಹಾಕಲು ಬಿಎಸ್ಎನ್ಎಲ್ ಅಧಿಕಾರಿಗಳು ದೇಶದ್ರೋಹಿಗಳು ಆಗಬೇಕಾ‌. ಯಾರು ಯಾರು ದೇಶದ್ರೋಹಿಗಳು ಯಾರನ್ನು ಹೊರಗೆ ಹಾಕಿದ್ರಿ.. ಅವರ ಮೇಲೆ ನಿಮ್ಮ ಕ್ರಮವೇನು. ಕ್ರಮ ಇಲ್ಲ ಎಂದಾದ್ರೆ ಅವರ ಜೊತೆ ನೀವು ಶಾಮೀಲಾಗಿರಬೇಕು ಎಂದು ಕಿಡಿಕಾರಿದರು.

ದೇಶಭಕ್ತರ ಹೆಸರಿನಲ್ಲಿರೋ ದೇಶದ್ರೋಹಿಗಳು ಯಾರು, ಅವರ ಮೇಲೆ ಏನು ಕ್ರಮ ಕೈಗೊಂಡಿದ್ದೀರಿ. ಈ ಎಲ್ಲವನ್ನು ಜನತೆ ಮುಂದೆ ಸಾಬೀತು ಮಾಡಬೇಕು ಎಂದು ಆರ್‌ಬಿ ತಿಮ್ಮಾಪುರ ತಿಳಿಸಿದರು.