ರೋಹಿಣಿ ಮಳೆ, ರೈತರಲ್ಲಿ ಮಂದಹಾಸ

ಶಿರೂರ: ಭಾನುವಾರ ಹಾಗೂ ಸೋಮವಾರ ಸಂಜೆ ಶಿರೂರ, ನೀಲಾನಗರ, ಬೆನಕಟ್ಟಿ, ಬೇವಿನಮಟ್ಟಿ, ಗುಂಡನಪಲ್ಲೆ, ಗ್ರಾಮಗಳ ಸುತ್ತಮುತ್ತ ಗುಡುಗು, ಸಿಡಿಲು ಮಿಶ್ರಿತ ಸುರಿದ ರೋಹಿಣಿ ಮಳೆಯಿಂದ ರೈತಾಪಿ ಜನಾಂಗಕ್ಕೆ ಹರುಷವಾಗುವುದರೊಂದಿಗೆ ಕೃಷಿ ಚಟುವಟಿಕೆಗಳಿಗೆ ಸಿದ್ದತೆ ಮಾಡಿಕೊಳ್ಳುತ್ತಿದ್ದಾರೆ.

ಕಳೆದ 3 ತಿಂಗಳಿಂದ ನಿತ್ಯವೂ ಬಿಸಿಲ ತಾಪಕ್ಕೆ ಬೆಂದುಹೋಗಿದ್ದ ಜನತೆಗೆ ಆಗಾಗ ಸುರಿದ ಮಳೆಯಿಂದ ರೈತರಲ್ಲಿ ಮಂದಹಾಸ ಮೂಡಿದೆ. ಸಿಡಿಲು, ಗುಡುಗಿನಿಂದ ಸುರಿದ ಮಳೆಯಿಂದಾಗಿ ಗ್ರಾಮದಲ್ಲಿ ಹಾಗೂ ಕೃಷಿ ಭೂಮಿಗಳಲ್ಲಿ ತಂಪಿನ ವಾತಾವರಣ ಮೂಡಿದೆ, ಈ ಮಳೆ ಕೃಷಿ ಭೂಮಿಗಳಲ್ಲಿ ನೀರು ನಿಂತು ಕೆರೆಗಳಂತೆ ನಿರ್ಮಾಣವಾಗಿದ್ದು, ಮಳೆಯಿಂದ ರಾತ್ರಿ ವಿದ್ಯುತ್‌ ಕಡಿತಗೊಂಡಿದ್ದರಿಂದ ಕುಡಿಯುವ ನೀರು ಗಿರಣಿಗಳಿಗೆ ಗ್ರಾಮಸ್ಥರು ಅಲೆಯುವಂತಾಯಿತು. ಕಳೆದ 3 ವರ್ಷಗಳಿಂದ ಈ ಭಾಗದ ರೈತ ಸಮುದಾಯಕ್ಕೆ ಮುಂಗಾರು ಹಾಗೂ ಹಿಂಗಾರು ಕೈಕೊಟ್ಟಿದ್ದರಿಂದ ರೈತರು ಬರದ ಚಾಯೆಗೆ ಸಿಲುಕಿದ್ದಾರೆ. ಈ ಬಾರಿ ಮುಂಬರುವ ಮುಂಗಾರು ಮಳೆ ರೈತರ ಪಾಲಿಗೆ ಹರ್ಷದ ಸೂಚನೆ ನೀಡುವ ಸಂಭವ ಕಾಣುತ್ತಿದ್ದು ದಿನವೂ ಆಗಾಗ ಆಕಾಶದಲ್ಲಿ ಮೋಡಕವಿದ ವಾತಾವರಣ ಕಾಣುತ್ತಿದ್ದು ಮುಂದಿನ ದಿನದಲ್ಲಿ ಇನ್ನಷ್ಟು ಉತ್ತಮವಾಗಿ ಸುರಿದರೆ ಸಜ್ಜೆ, ಸೂರ್ಯಕಾಂತಿ, ಹೆಸರು, ಕುಸುಬೆಗಳನ್ನು ಬಿತ್ತನೆಗೆ ಸಜ್ಜಾಗುವದು ಎಂಬುದು ಈ ಬಾಗದ ರೈತರ ಮಾತುಗಳು ಏನೆಯಾಗಲಿ ಬಿಸಲಿನ ತಾಪಕ್ಕೆ ಬ್ರೇಕ್‌ ಬಿಳುವ ಸೂಚನೆ ಕಾಣುತ್ತಿದೆ. ಮುಂದಿನ ದಿನಗಳಲ್ಲಿ ಇನ್ನಷ್ಟು ಸಂಪೂರ್ಣವಾಗಿ ಕೃಷಿ ಭೂಮಿಗಳು ತೇವಾಮಶವಾಗುವ ಹಾಗೆ ಮಳೆ ಆದರೆ ಬಿತ್ತನೆಯನ್ನು ಚುರುಕುಗೊಳಿಸುವವಾಗುವುದು ಎಂದು ಈ ಭಾಗದ ರೈತರ ಮಾತುಗಳಾಗಿದೆ.