ನಿಸ್ವಾರ್ಥದ ಸೇವೆ ರಾಷ್ಟ್ರ ಬಲಿಷ್ಠ

ರಬಕವಿ./ಬನಹಟ್ಟಿ : ನಿಸ್ವಾರ್ಥದ ಸೇವೆ ರಾಷ್ಟ್ರವನ್ನು ಗಟ್ಟಿಗೊಳಿಸುತ್ತದೆ. ಇಂದು ನೀವು ಮಾಡುತ್ತಿರುವ ಕಾರ್ಯ ಶ್ಲಾಘನೀಯ. ಇದನ್ನು ಹೆಚ್ಚು ಜನರು ಅನುಕರಣೆ ಮಾಡಿ ನೀವು ಕೂಡಾ ಸ್ವಚ್ಛತೆ ಕಾರ್ಯದಲ್ಲಿ ತೊಡಗಿಕೊಳ್ಳಿ ಎಂದು ಮೈಗೂರಿನ ಶಿವಾನಂದಮಠದ ಶ್ರೀ ಗುರುಪ್ರಸಾದ ಸ್ವಾಮೀಜಿ ಹೇಳಿದರು.

ಅವರು ಸ್ವದೇಶಿ ಜಾಗರಣ ಮಂಚ್‌ ವತಿಯಿಂದ ನಡೆದ ಹೊಸೂರಿನ ಹಿಂದೂ ರುದ್ರಭೂಮಿ ಸ್ವಚ್ಛತಾ ಕಾರ‍್ಯಕ್ರಮ ವೀಕ್ಷಿಸಿ ಮಾತನಾಡಿದರು. ಸಮಾಜ ಸುದಾರಣೆಯಾಗಬೇಕಾದರೆ ನಮ್ಮ ಸುತ್ತ ಮುತ್ತಲಿನ ಪರಿಸರದ ಸ್ವಚ್ಛತೆ ಅಗತ್ಯ ಎಂದರು.

ಶಿವಾನಂದ ಗಾಯಕವಾಡ, ಡಾ. ಅನಂತಮತಿ ಯಂಡೋಳಿ, ಡಾ. ರವಿ ಜಮಖಂಡಿ ದಂಪತಿಗಳು, ಬಸವರಾಜ ಮನ್ಮಿ, ಮಹಾಲಿಂಗ ಯಳಸಂಗ, ಮಲ್ಲು ನಾವಿ, ಮಾನಿಂಗ ಬುದ್ನಿ, ಸೋಳಂಕಿ ದಂಪತಿಗಳು, ಅನೇಕ ಕಾರ್ಯಕರ್ತರು ಹಾಗೂ ನಗರಸಭೆ ಸಿಬ್ಬಂದಿ ಇದ್ದರು.