ಮೂವರಿಗೆ ರಾಜ್ಯಮಟ್ಟದ ಪ್ರಶಸ್ತಿ

ಜಮಖಂಡಿ: ಇಲ್ಲಿನ ಬಸವಜ್ಞಾನ ಗುರುಕುಲದ ವಾರ್ಷಿಕ ಶರಣ ಸಂಸ್ಕ್ರತಿ ಉತ್ಸವ ಹಾಗೂ ಜಾನಪದ ಕಲಾ ಮಹೋತ್ಸವಕ್ಕೆ ರಾಜ್ಯ ಮಟ್ಟದ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆಂದು ಗುರುಕುಲ ಅಧ್ಯಕ್ಷ ಡಾ.ಈಶ್ವರ ಮಂಟೂರ ತಿಳಿಸಿದರು.

ಡಿ.25, 26 ಹಾಗೂ 27 ರಂದು ನಡೆಯುವ ಸಮಾರಂಭದಲ್ಲಿಯುಎಸ್‌ಎ ಅಮೇರಿಕದ ಬಸವ ಸಂಘ ಟನೆಗಳ ಒಕ್ಕೂಟದ ಅಧ್ಯಕ್ಷ ಡಾ.ಶ್ರೀಶೈಲ್‌ ಹಾದಿಮನಿ ಅವರಿಗೆ ಬಸವಚೇತನ ಪ್ರಶಸ್ತಿ,ಧಾರವಾಡದ ರತಿಕಾ ನೃತ್ಯ ನಿಕೇತನದ ನಾಗರತ್ನಾ ಹಡಗಲಿ ಅವರಿಗೆ ಕಲಾಚೇತನ ಹಾಗೂ ಕುಷ್ಟಗಿಯ ಕೃಷಿ ಪಂಡಿತ ದೇವೇಂದ್ರಪ್ಪ ಬಳೂಟಗಿ ಅವರಿಗೆ ಕೃಷಿಚೇತನ ಪ್ರಶಸ್ತಿ ನೀಡಿ ಗೌರವಿಸಲಾಗುವುದು. ಈ ಮೂರು ದಿನಗಳ ಕಾರ್ಯಕ್ರಮಕ್ಕೆ ನಾಡಿನ ಗಣ್ಯರು ಆಗಮಿಸುವರೆಂದು ಅವರು ತಿಳಿಸಿದರು.