ನೆರೆ ಸಂತ್ರಸ್ತರ ಪರ ಮಠಾಧೀಶರ ಹೋರಾಟಕ್ಕೆ ಬೆಂಬಲ

ಮುಧೋಳ: ನೆರೆ ಸಂತ್ರಸ್ತರ ಪರ ಹೋರಾಟ ಮಾಡುತ್ತಿರುವ ಮಠಾಧೀಶರಿಗೆ ಬೆಂಬಲ ನೀಡುವ ಉದ್ದೇಶದಿಂದ ಅ.2ರಿಂದ ಜಿಲ್ಲೆಯ ಎಲ್ಲಾತಾಲೂಕು ಕೇಂದ್ರಗಳಲ್ಲಿಅನಿರ್ದಿಷ್ಟಕಾಲ ಉಪವಾಸ ಸತ್ಯಾಗ್ರಹ ಮಾಡಲು ನಾನಾ ಸಂಘಟನೆಗಳು, ಮುಖಂಡರು ನಿರ್ಧರಿಸಿರುವುದಾಗಿ ಸಾಮಾಜಿಕ ಹೋರಾಟಗಾರ ನಾಗರಾಜ್‌ ಹೊಂಗಲ್‌ ಹಾಗೂ ಜಿಪಂ ಉಪಾಧ್ಯಕ್ಷ ಮುತ್ತಪ್ಪ ಕೋಮಾರ ತಿಳಿಸಿದ್ದಾರೆ.

ನಗರದಲ್ಲಿನಾನಾ ಸಂಘಟನೆಗಳ ಮುಖಂಡರು ಸಭೆ ನಡೆಸಿದ ನಂತರ ಮಾತನಾಡಿದ ಅವರು ನೆರೆ ಸಂತ್ರಸ್ತರಿಗೆ ನ್ಯಾಯ ಸಮ್ಮತ ಪರಿಹಾರಕ್ಕೆ ಆಗ್ರಹಿಸಿ ಬಾಗಲಕೋಟೆಯಲ್ಲಿನಾನಾ ಮಠಾಧೀಶರು ಆರಂಭಗೊಂಡಿರುವ ಹೋರಾಟಕ್ಕೆ ಬೆಂಬಲ ನೀಡುವುದು, ಸಕ್ರಿಯವಾಗಿ ಪಾಲ್ಗೊಳ್ಳುವುದು. ನೆರೆ ಸಂತ್ರಸ್ತರನ್ನು ನಿರ್ಲಕ್ಷಿಸಿರುವ ಕೇಂದ್ರ ಹಾಗೂ ರಾಜ್ಯ ಸರಕಾರದ ಧೋರಣೆ ಖಂಡಿಸಿ ನಾನಾ ರೂಪದ ಸರಣಿ ಪ್ರತಿಭಟನೆಗೆ ನಿರ್ಧಾರ, ನೆರೆ ಸಂತ್ರಸ್ತರಿಗೆ ಯಾವುದೇ ತಾರತಮ್ಯವಿಲ್ಲದೇ ನ್ಯಾಯ ಸಮ್ಮತ ಪರಿಹಾರ ಸಿಗುವರೆಗೂ ನಿರಂತರ ಹೋರಾಟ ಮಾಡಲಾಗುವುದು ಎಂದು ತಿಳಿಸಿದ್ದಾರೆ.

ಕರ್ನಾಟಕ ರಕ್ಷಣಾ ವೇದಿಕೆ, ಜನಜಾಗೃತಿ, ಭಾರತೀಯ ಕಿಸಾನ್‌ ಘಟಕ, ಟಿಪ್ಪುಸುಲ್ತಾನ ಸಂಘಟನೆ ಹಾಗೂ ರೈತ ಸಂಘಟನೆ ನಾನಾ ಸಂಘಟನೆಗಳು ಪ್ರತಿಭಟನೆಗೆ ಬೆಂಬಲ ವ್ಯಕ್ತಪಡಿಸಿವೆ ಎಂದು ಪ್ರಕಟಣೆಯಲ್ಲಿತಿಳಿಸಿದ್ದಾರೆ.

ಜಿಲ್ಲಾಕರವೇ ಅಧ್ಯಕ್ಷ ರಮೇಶ ಬದ್ನೂರ್‌, ರೈತ ಸಂಘದ ಪ್ರಮುಖ ಶ್ರೀಶೈಲ್‌ ನಾಯಕ, ಕರವೇ ಪ್ರಕಾರ್ಯದರ್ಶಿ ಡಿ.ಎಂ.ನದಾಫ್‌, ಮಲ್ಲಪ್ಪ ಗಾಣಿಗೇರ, ಎಸ್‌.ಎಸ್‌.ಅಕ್ಕಿಮರಡಿ, ಕರವೇ ತಾಲೂಕು ಅಧ್ಯಕ್ಷ ಗಣಪತಿ ಭೋವಿ, ವಿಠ್ಠಲ ಜಕರಡ್ಡಿ, ಸಿದ್ದನಗೌಡಪಾಟೀಲ, ಶಫೀಕ್‌ ಬೇಪಾರಿ, ತಿಮ್ಮಣ್ಣ ಹಿಪ್ಪಲಿ, ಬಸವರಾಜ ಧರ್ಮತಿ, ಶ್ರೀಮಂತ ಹೊಸಕೋಟಿ, ಮಲ್ಲುಕಟ್ಟಿಮನಿ, ಅಲ್ಲಾಭಕ್ಷ ಪಠಾಣ ಇತರರು ಇದ್ದರು.