ಬಾಗಲಕೋಟೆಯಲ್ಲೂ ಬ್ರಿಟನ್‌ ಭೀತಿ..! ಕೊರೊನಾ ರಿಪೋರ್ಟ್‌ ಬರದೆ ಜನರಿಗೆ ಆತಂಕ..!

ಬಾಗಲಕೋಟೆ: ರಾಜ್ಯದಲ್ಲಿ ಕೊರೊನಾ ರೂಪಾಂತರ ವಿಚಾರ ಸಾಕಷ್ಟು ಚರ್ಚೆಯಲ್ಲಿರುವಾಗಲೇ ಬಾಗಲಕೋಟೆ ಜಿಲ್ಲೆಯಲ್ಲಿ ಕೂಡ ಬ್ರಿಟನ್ ಭೀತಿ ಮುಂದುವರೆದಿದೆ.

ಶಿರಾ: ರಸ್ತೆ ದಾಟುತ್ತಿದ್ದಾಗ ಲಾರಿ ಡಿಕ್ಕಿ ಹೊಡೆದು ಚಿರತೆ ಸ್ಥಳದಲ್ಲೇ ಸಾವು..!

ಡಿಸೆಂಬರ್ 06ರದು ಇಳಕಲ್ ನಗರಕ್ಕೆ ಓರ್ವ ವ್ಯಕ್ತಿ ಮತ್ತು ಓರ್ವ ಮಹಿಳೆ ಬ್ರಿಟನ್‌ನಿಂದ ಆಗಮಿಸಿದ್ದರು. ಡಿಸೆಂಬರ್ 10ರಂದು ಮತ್ತೋರ್ವ ವ್ಯಕ್ತಿ ಬಾಗಲಕೋಟೆಗೆ ಆಗಮಿಸಿದ್ದರು. ಹೀಗಾಗಿ ಜನರಲ್ಲಿ ಕೊರೊನಾ ಭೀತಿ ಮತ್ತೆ ಆವರಿಸಿದ್ದು, ಬ್ರಿಟನ್‌ನಿಂದ ಮೂವರು ಬಾಗಲಕೋಟೆ ಜಿಲ್ಲೆಗೆ ಆಗಮಿಸಿರೋ ಹಿನ್ನೆಲೆ ಎಚ್ಚೆತ್ತುಕೊಂಡಿರೋ ಆರೋಗ್ಯ ಇಲಾಖೆ ಆ ಮೂವರನ್ನು ಪತ್ತೆ ಹಚ್ಚಿ ಕ್ವಾರೆಂಟೈನ್‌ ಮಾಡಿದೆ.

ಈ ಸಂಬಂಧ ಪ್ರತಿಕ್ರಿಯೆ ನೀಡಿರೋ ಬಾಗಲಕೋಟೆ ಡಿಎಚ್ ಓ ಅನಂತ್ ದೇಸಾಯಿ, ಇವತ್ತು ಮೂವರ ಗಂಟಲು ದ್ರವ ಪರೀಕ್ಷೆಗೆ ಕಳುಹಿಸ್ತೀವಿ. ಮೂವರದು ಪರೀಕ್ಷಾ ವರದಿ ಬಂದ ಬಳಿಕ ಅವ್ರ ಕುಟುಂಬಸ್ಥರ ಗಂಟಲು ದ್ರವ ಪರೀಕ್ಷೆಗೆ ಕ್ರಮ ಕೈಗೊಳ್ಳುತ್ತೇವೆ ಎಂದು ತಿಳಿಸಿದ್ದಾರೆ.

ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕೋವಿಡ್‌-19 ಪರೀಕ್ಷಾ ಸೌಲಭ್ಯ ಆರಂಭ

ಈ ಮಧ್ಯೆ ಬ್ರಿಟನ್‌ನಿಂದ ಜಮಖಂಡಿಗೆ ಬಂದಿದ್ದ ಮಹಿಳೆಯೊಬ್ಬರಿಗೆ ಕೊರೊನಾ ರಿಪೋರ್ಟ್‌ನಲ್ಲಿ ನೆಗಟಿವ್ ಕಾಣಿಸಿಕೊಂಡಿದ್ದು, ಹೀಗಾಗಿ ಜಮಖಂಡಿ ಸೇರಿದಂತೆ ಬಾಗಲಕೋಟೆ ಜಿಲ್ಲೆಯ ಜನತೆ ನಿರಾಳರಾಗಿದ್ದಾರೆ. ಜಮಖಂಡಿ ತಾಲೂಕಿನ ತೊದಲಬಾಗಿ ಗ್ರಾಮಕ್ಕೆ ಡಿಸೆಂಬರ್ 15ಕ್ಕೆ ಬಂದಿದ್ದ ಮಹಿಳೆ, ಡಿಸೆಂಬರ್ 15ರಿಂದ 21ವರೆಗೆ ಅತ್ತೆ, ಮಾವರೊಂದಿಗೆ ವಾಸ ಮಾಡಿದ್ದರು. ಬಳಿಕ ಡಿಸೆಂಬರ್ 21ರಂದು ಕಾರಿನ ಮೂಲಕ ಬೆಳಗಾವಿಗೆ ಹೋಗಿದ್ದರು. ಹೀಗಾಗಿ ಬೆಳಗಾವಿಯಲ್ಲಿ ಮಹಿಳೆಗೆ ಕ್ವಾರಂಟೈನ್ ಮಾಡಿ ಗಂಟಲು ದ್ರವ ಪರೀಕ್ಷೆಮಾಡಲಾಗಿದ್ದು,ಇದರ ರಿಪೋರ್ಟ್‌ನಲ್ಲಿ ನೆಗೆಟಿವ್‌ ಕಾಣಿಸಿಕೊಂಡ ಪರಿಣಾಮ ನಿಟ್ಟುಸಿರು ಬಿಡುವಂತಾಗಿದೆ.