ತಿಂಗಳಾದರೂ ತಪ್ಪದ ನೀರಿನ ತಾಪತ್ರೆ

ಗುಳೇದಗುಡ್ಡ : ಪಟ್ಟಣ ಸಮೀಪದ ಗುಳೇದಗುಡ್ಡ ರೈಲ್ವೆ ಗ್ರಾಮದಲ್ಲಿ 200 ಮನೆಗಳಿರುವ ಪ್ರದೇಶದಲ್ಲಿ ಒಂದೂವರೆ ತಿಂಗಳಿಂದ ನೀರಿನ ತಾಪತ್ರೆ ಹೆಚ್ಚಿದೆ.ಇದಕ್ಕೆ ತಹಸೀಲ್ದಾರ್‌ ಭೇಟ್ಟಿ ನೀಡಿ ವಾರ ಕಳೆದರೂ ಈವರಿಗೆ ಕುಡಿಯುವ ನೀರು ಮಾತ್ರ ಬಂದಿಲ್ಲ.

ಟ್ಯಾಂಕರ್‌ ನೀರು: ಈ ಗ್ರಾಮದಲ್ಲಿ ತಮ್ಮ ತಮ್ಮ ಮನೆಗೆ ಕುಡಿಯುವ ನೀರಿಗಾಗಿ ಒಂದು ಟ್ಯಾಂಕರ್‌ಗೆ ಸುಮಾರು 500ರೂ.ಹಣ ಕೊಟ್ಟು ಹಾಕಿಸಿಕೊಳ್ಳುತ್ತಿದ್ದಾರೆ. ಇದು ಬಡ ಜನರಿಗೆ ಸಾಧ್ಯವಾಗುತ್ತಿಲ್ಲ ಅಧಿಕಾರಿಗಳು ಕೇವಲ ಎರಡು ಟ್ಯಾಂಕರ್‌ ನೀರು ಹಾಕಿಸುವುದಾಗಿ ಹೇಳುತ್ತಾರೆ. ಇದು ಸಾಕಾಗದ ಕಾರಣ ಈ ಊರಲ್ಲಿ ನಿತ್ಯ ಜಗಳಕ್ಕೆ ಕಾರಣವಾಗುತ್ತಿದೆ. ಆದ್ದರಿಂದ ನೀರಿನ ಸಹವಾಸ ಬೇಡವೇ ಬೇಡ ಎಂದು ಜನ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

ತಹಸೀಲ್ದಾರ್‌ ಭೇಟ್ಟಿ:

ಗ್ರಾಮದಲ್ಲಿ ನೀರಿನ ಸಮಸ್ಯೆಯಿಂದಾಗಿ ಬಾದಾಮಿ ತಾಲೂಕು ತಹಸೀಲ್ದಾರ್‌ ಎಸ್‌.ಎಸ್‌.ಇಂಗಳೆ ಅವರು ಭೇಟ್ಟಿ ನೀಡಿ ಅಧಿಕಾರಿಗಳಿಗೆ ಸೂಚಿಸಿದ್ದರೂ ಈವರೆಗೆ ಸಮಸ್ಯೆ ಮಾತ್ರ ಬಗೆ ಹರಿದಿಲ್ಲ ಎನ್ನುವುದು ನಾಗರಿಕರ ದೂರು.

ಖಾಜಿ ಬೂದಿಹಾಳ ಹತ್ತಿರ ನೀರಿನ ಪಾಯಿಂಟ ಇದ್ದರೂ ಅಲ್ಲಿ 5-6 ಲಕ್ಷ ರೂ ಖರ್ಚಾಗುತ್ತದೆ ಎಂದು ಬೋರ್‌ವೆಲ್‌ ಹಾಕಿಸಿಲ್ಲ ಇದರಿಂದ ಮತ್ತಷ್ಟು ತೊಂದರೆಯಾಗಿದೆ. ಪ್ರತಿವರ್ಷ ಇಲ್ಲಿ ಗೋಳು ಕೇಳುವವರು ಯಾರು ಎಂದು ಜನ ತಮ್ಮ ಅಳಲು ತೋಡಿಕೊಂಡಿದ್ದಾರೆ.