ಬಾಗಲಕೋಟೆಯಲ್ಲಿ ತಲೆಕೆಳಗು ಹಾರಿದ ರಾಷ್ಟ್ರಧ್ವಜ

ಬಾಗಲಕೋಟೆ: ಬಾಗಲಕೋಟೆಯ ಇಳಕಲ್‌ ಪಟ್ಟಣದಲ್ಲಿ ಸ್ವಾತಂತ್ರ ದಿನದಂದು ರಾಷ್ಟ್ರಧ್ವಜಕ್ಕೆ ಅವಮಾನ ಮಾಡಲಾಗಿದೆ.

ಇಳಕಲ್‌ನಲ್ಲಿ ರಾಷ್ಟ್ರಧ್ವಜವನ್ನು ತಲೆಕೆಳಗೆ ಹಾರಿಸುವ ಮೂಲಕ ಎಡವಟ್ಟು ಮಾಡಲಾಗಿದೆ.

ಹುನಗುಂದ ಕ್ಷೇತ್ರದ ಕಾಂಗ್ರೆಸ್ ಮಾಜಿ ಶಾಸಕ ವಿಜಯಾನಂದ ಕಾಶಪ್ಪನವರ್ ರಾಷ್ಟ್ರ ಧ್ವಜಾರೋಹಣ ಮಾಡುವ ವೇಳೆ ಈ ಎಡವಟ್ಟು ಮಾಡಲಾಗಿದೆ.

ಇಳಕಲ್ ಕಂಠಿ ಸರ್ಕಲ್‌ನಲ್ಲಿ ವಿವಿಧ ಸಂಘಟನೆಗಳು ಧ್ವಜಾರೋಹಣ ಕಾರ್ಯಕ್ರಮ ಆಯೋಜಿಸಿತ್ತು. ಮಾಜಿ ಶಾಸಕ ವಿಜಯಾನಂದ ಕಾಶಪ್ಪನವರ್‌ ಧ್ವಜಾರೋಹಣ ಮಾಡಬೇಕಾಗಿತ್ತು.

ಈ ಸಂದರ್ಭದಲ್ಲಿ ಧ್ವಜಾರೋಹಣ ಮಾಡುವಾಗ ಎಡವಟ್ಟು ಮಾಡಲಾಗಿದೆ. ಆಗ ತ್ರಿವರ್ಣ ಧ್ವಜವನ್ನು ತಲೆಕೆಳಗು ಮಾಡಿ ಹಾರಾಟ ಮಾಡಲಾಗಿದೆ. ನಂತರ ಅದನ್ನು ಕೆಳಗಿಳಿಸಿ ಸರಿಪಡಿಸಲಾಯಿತು.