ಸೈನಿಕರ ಕಲ್ಯಾಣಕ್ಕೆ ಕಿಸಾನ್‌ ಸಮ್ಮಾನ್‌ ನಿಧಿ ಬಳಸಿ

ಮುಧೋಳ: ದೇಶ ಕಾಯುವ ಗಡಿಭಾಗದ ಸೈನಿಕರ ಕಲ್ಯಾಣಕ್ಕಾಗಿ ರೈತರಿಗೆ ನೀಡುತ್ತಿರುವ ಕಿಸಾನ್‌ ಸಮ್ಮಾನ ನಿಧಿಯನ್ನು ಬಳಕೆ ಮಾಡಿಕೊಳ್ಳಬೇಕು ಎಂದು ರೈತ ವೆಂಕಣ್ಣಾ ಹುನಸಿಕಟ್ಟಿ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರಿಗೆ ಪತ್ರ ಬರೆದು ಮನವಿ ಕೊಂಡಿದ್ದಾರೆ.

ತಾಲೂಕಿನ ಮೆಟಗುಡ್ಡ ಗ್ರಾಮದ ಯುವ ರೈತ ವೆಂಕಣ್ಣ ಹುನಸಿಕಟ್ಟಿ ತಮಗೆ ನೀಡುವ 6 ಸಾವಿರ ಪ್ರಧಾನಮಂತ್ರಿ ಕಿಸಾನ ಸಮ್ಮಾನ್‌ ನಿಧಿಯನ್ನು ಸೈನಿಕರ ಕಲ್ಯಾಣ ನಿಧಿಗೆ ಬಳಕೆ ಮಾಡಿಕೊಳ್ಳಬೇಕು ಎಂದು ಪತ್ರ ಬರೆದು ಮನವಿ ಮಾಡಿದ್ದಾರೆ.

ಬಿಸಿಲು, ಮಳೆ ಗಾಳಿ ಎನ್ನದೇ ದಿನದ 24 ಗಂಟೆಗಳ ಕಾಲ ವೈರಿಗಳೊಂದಿಗೆ ಸೆಣಸಾಡಿ ದೇಶದ ಜನರ ಜೀವ ರಕ್ಷಿಸುತ್ತಿರುವ ಸೈನಿಕರಿಗೆ ನನ್ನದೊಂದು ಅಲ್ಪ ಸೇವೆ ಸಲ್ಲಿಸುವ ಅವಕಾಶ ಎಂದು ಪತ್ರದಲ್ಲಿ ತಿಳಿಸಿದ್ದಾರೆ.