ಬಾಗಲಕೋಟ: ಜಿಲ್ಲೆಯ ಹುನಗುಂದ ತಾಲೂಕಿನ ವಡಗೇರಿ ಗ್ರಾಮ ಪಂಚಾಯಿತಿಯ ಒಂದು ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ 2 ಮತಗಳು ಮಾಯವಾಗಿವೆ !.
ಇದು ವಿಚಿತ್ರವಾದರೂ ಸತ್ಯ, ಮುದ್ರಿತ ಮತ ಪತ್ರಗಳಿಂದ ಚುನಾವಣೆ ನಡೆದಿರುವುದರಿಂದ ಮತ ಎಣಿಕೆ ವೇಳೆ 2 ಮತಗಳು ದೊರೆತಿಲ್ಲ. ಗ್ರಾಮ ಪಂಚಾಯಿತಿಯ ಒಂದು ಸ್ಥಾನಕ್ಕೆ ಮೇ 29 ರಂದು ಮತದಾನ ನಡೆದಿತ್ತು. ಗ್ರಾಮದ 1ನೇ ವಾರ್ಡ್ನ ಸದಸ್ಯನ ಆಯ್ಕೆಗೆ ನಡೆದ ಮತದಾನದಲ್ಲಿ 901 ಮತದಾರರ ಪೈಕಿ 599 ಮತಗಳು ಚಲಾವಣೆಯಾಗಿದ್ದವು. ಇಲ್ಲಿನ ಒಂದೇ ಬೂತ್ನಲ್ಲಿ ಶೇ.66.48 ರಷ್ಟು ಮತದಾನವಾಗಿತ್ತು. ಹುನಗುಂದದ ತಹಸೀಲ್ದಾರ್ ಕಚೇರಿಯಲ್ಲಿ ಶುಕ್ರವಾರ ನಡೆದ ಎಣಿಕೆಯಲ್ಲಿ ಮತ ಪೆಟ್ಟಿಗೆಯಲ್ಲಿ 597 ಮತಗಳು ಮಾತ್ರ ಕಂಡುಬಂದವು.
ಎಣಿಕೆ ನಡೆಸುತ್ತಿದ್ದ ಸಿಬ್ಬಂದಿ ಆಶ್ಚರ್ಯಚಕಿತರಾಗಿ ಎರಡು ಬಾರಿ ಮತಗಳನ್ನು ಎಣಿಸಿದರೂ ಎರಡು ಮತಗಳು ಕಡಿಮೆಯಿದ್ದವು. ನಿಯಮದಂತೆ ಮತ ಪೆಟ್ಟಿಗೆಯಲ್ಲಿದ್ದ 597 ಮತಗಳನ್ನು ಎಣಿಕೆ ಕೈಗೊಳ್ಳಲಾಯಿತು. ಈ ಪೈಕಿ ಅತಿ ಹೆಚ್ಚು ಮತ ಗಳಿಸಿದ ವಿಜಯಲಕ್ಷ್ಮಿ ಹಿರೇಕುರುಬರ 298 ಮತ ಪಡೆದು ಆಯ್ಕೆಯಾದರು. ಸಮೀಪದ ಪ್ರತಿಸ್ಪರ್ಧಿ ರತ್ನವ್ವ ಚಿತ್ತವಾಡಗಿ 273 ಮತ ಗಳಿಸಿ ಸೋಲನುಭವಿಸಿದರು. 26 ಮತಗಳು ತಿರಸ್ಕೃತಗೊಂಡವು. ಆದರೆ 2 ಮತಗಳು ಎಲ್ಲಿ ಮಾಯವಾದವು ಎಂಬ ಬಗ್ಗೆ ಚುನಾವಣಾಧಿಕಾರಿಗಳಿಗೂ ಅರ್ಥವಾಗಲಿಲ್ಲ. ಮೂಲಗಳ ಪ್ರಕಾರ ಇಬ್ಬರು ಮತದಾರರು ಮತದಾನ ಮಾಡುವ ಬದಲು ಮತಪತ್ರಗಳನ್ನು ಕಿಸೆಯಲ್ಲಿಟ್ಟುಕೊಂಡು ಹೋಗಿದ್ದೇ ಈ ಆವಾಂತರಕ್ಕೆ ಕಾರಣವಾಗಿದೆ !.
ಮತದಾನದ ದಿನ 599 ಮತಗಳು ಚಲಾವಣೆಯಾಗಿದ್ದವು. ಎಣಿಕೆ ಸಂದರ್ಭದಲ್ಲಿ ಮತ ಪೆಟ್ಟಿಗೆಯಲ್ಲಿ 597 ಮತಗಳಿದ್ದವು. ನಿಯಮದಂತೆ ಎಣಿಕೆ ನಡೆಸಿ ಫಲಿತಾಂಶ ಪ್ರಕಟಿಸಲಾಗಿದೆ. 2 ಮತಗಳು ಕಡಿಮೆಯಿರುವ ಬಗ್ಗೆ ಜಿಲ್ಲಾಧಿಕಾರಿಯವರಿಗೆ ವರದಿ ಸಲ್ಲಿಸುತ್ತೇವೆ. 2 ಮತಗಳು ಹೇಗೆ ಕಡಿಮೆಯಾಗಿವೆ ಎಂಬ ಬಗ್ಗೆ ನಮಗೂ ಗೊತ್ತಿಲ್ಲ.
ಕೆ.ಎಂ.ಬಾಳಪ್ಪ, ಚುನಾವಣಾಧಿಕಾರಿ.
ಇದು ವಿಚಿತ್ರವಾದರೂ ಸತ್ಯ, ಮುದ್ರಿತ ಮತ ಪತ್ರಗಳಿಂದ ಚುನಾವಣೆ ನಡೆದಿರುವುದರಿಂದ ಮತ ಎಣಿಕೆ ವೇಳೆ 2 ಮತಗಳು ದೊರೆತಿಲ್ಲ. ಗ್ರಾಮ ಪಂಚಾಯಿತಿಯ ಒಂದು ಸ್ಥಾನಕ್ಕೆ ಮೇ 29 ರಂದು ಮತದಾನ ನಡೆದಿತ್ತು. ಗ್ರಾಮದ 1ನೇ ವಾರ್ಡ್ನ ಸದಸ್ಯನ ಆಯ್ಕೆಗೆ ನಡೆದ ಮತದಾನದಲ್ಲಿ 901 ಮತದಾರರ ಪೈಕಿ 599 ಮತಗಳು ಚಲಾವಣೆಯಾಗಿದ್ದವು. ಇಲ್ಲಿನ ಒಂದೇ ಬೂತ್ನಲ್ಲಿ ಶೇ.66.48 ರಷ್ಟು ಮತದಾನವಾಗಿತ್ತು. ಹುನಗುಂದದ ತಹಸೀಲ್ದಾರ್ ಕಚೇರಿಯಲ್ಲಿ ಶುಕ್ರವಾರ ನಡೆದ ಎಣಿಕೆಯಲ್ಲಿ ಮತ ಪೆಟ್ಟಿಗೆಯಲ್ಲಿ 597 ಮತಗಳು ಮಾತ್ರ ಕಂಡುಬಂದವು.
ಎಣಿಕೆ ನಡೆಸುತ್ತಿದ್ದ ಸಿಬ್ಬಂದಿ ಆಶ್ಚರ್ಯಚಕಿತರಾಗಿ ಎರಡು ಬಾರಿ ಮತಗಳನ್ನು ಎಣಿಸಿದರೂ ಎರಡು ಮತಗಳು ಕಡಿಮೆಯಿದ್ದವು. ನಿಯಮದಂತೆ ಮತ ಪೆಟ್ಟಿಗೆಯಲ್ಲಿದ್ದ 597 ಮತಗಳನ್ನು ಎಣಿಕೆ ಕೈಗೊಳ್ಳಲಾಯಿತು. ಈ ಪೈಕಿ ಅತಿ ಹೆಚ್ಚು ಮತ ಗಳಿಸಿದ ವಿಜಯಲಕ್ಷ್ಮಿ ಹಿರೇಕುರುಬರ 298 ಮತ ಪಡೆದು ಆಯ್ಕೆಯಾದರು. ಸಮೀಪದ ಪ್ರತಿಸ್ಪರ್ಧಿ ರತ್ನವ್ವ ಚಿತ್ತವಾಡಗಿ 273 ಮತ ಗಳಿಸಿ ಸೋಲನುಭವಿಸಿದರು. 26 ಮತಗಳು ತಿರಸ್ಕೃತಗೊಂಡವು. ಆದರೆ 2 ಮತಗಳು ಎಲ್ಲಿ ಮಾಯವಾದವು ಎಂಬ ಬಗ್ಗೆ ಚುನಾವಣಾಧಿಕಾರಿಗಳಿಗೂ ಅರ್ಥವಾಗಲಿಲ್ಲ. ಮೂಲಗಳ ಪ್ರಕಾರ ಇಬ್ಬರು ಮತದಾರರು ಮತದಾನ ಮಾಡುವ ಬದಲು ಮತಪತ್ರಗಳನ್ನು ಕಿಸೆಯಲ್ಲಿಟ್ಟುಕೊಂಡು ಹೋಗಿದ್ದೇ ಈ ಆವಾಂತರಕ್ಕೆ ಕಾರಣವಾಗಿದೆ !.
ಮತದಾನದ ದಿನ 599 ಮತಗಳು ಚಲಾವಣೆಯಾಗಿದ್ದವು. ಎಣಿಕೆ ಸಂದರ್ಭದಲ್ಲಿ ಮತ ಪೆಟ್ಟಿಗೆಯಲ್ಲಿ 597 ಮತಗಳಿದ್ದವು. ನಿಯಮದಂತೆ ಎಣಿಕೆ ನಡೆಸಿ ಫಲಿತಾಂಶ ಪ್ರಕಟಿಸಲಾಗಿದೆ. 2 ಮತಗಳು ಕಡಿಮೆಯಿರುವ ಬಗ್ಗೆ ಜಿಲ್ಲಾಧಿಕಾರಿಯವರಿಗೆ ವರದಿ ಸಲ್ಲಿಸುತ್ತೇವೆ. 2 ಮತಗಳು ಹೇಗೆ ಕಡಿಮೆಯಾಗಿವೆ ಎಂಬ ಬಗ್ಗೆ ನಮಗೂ ಗೊತ್ತಿಲ್ಲ.
ಕೆ.ಎಂ.ಬಾಳಪ್ಪ, ಚುನಾವಣಾಧಿಕಾರಿ.