ಮತದಾನ ಕೊಠಡಿ ಖಾಲಿ, ಇದ್ದದ್ದು ಏಜಂಟರು ಮಾತ್ರ

ಸಾವಳಗಿ: ಗ್ರಾಮದ ಬೂತ ಸಂಖ್ಯೆ 18 ರಲ್ಲಿನ ಚುನಾವಣೆ ಕಾರ್ಯದಲ್ಲಿ ತೊಡಗಿದ್ದ ಸಿಬ್ಬಂದಿ ಶನಿವಾರ ನಾಪತ್ತೆ.

ಉರಿ ಬಿಸಿಲಲ್ಲಿ ಮತಗಟ್ಟೆಗೆ ಆಗಮಿಸಿದ್ದ ಮತದಾರ ಚುನಾವಣೆ ಸಿಬ್ಬಂದಿ ಕೊಠಡಿಯಲ್ಲಿ ಯಾರೂ ಇರಲಿಲಲ್ಲೆಂಬುದನ್ನು ತೀವ್ರವಾಗಿ ಖಂಡಿಸಿ, ಜಿಲ್ಲಾಧಿಕಾರಿಗೆ ದೂರು ಸಲ್ಲಿಸಿದ್ದಾರೆ. ಇಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಎಲ್ಲ ಐವರು ಸಿಬ್ಬಂದಿಗೆ ಊಟಕ್ಕೆಂದು ಬೇರೊಂದು ಕೊಠಡಿಗೆ ಹೋಗಿದ್ದರು. ಮತದಾನ ಕೊಠಡಿಯಲ್ಲಿ ಪೋಲಿಂಗ್‌ ಏಜೆಂಟರು ಮಾತ್ರ ಇದ್ದುದು ಸಂಶಯಕ್ಕೆಡೆಮಾಡಿಕೊಟ್ಟಿದೆ.

ಅಲ್ಲೇ ಇದ್ದ ಮತದಾರನೊಬ್ಬ ಚುನಾವಣಾಧಿಕಾರಿಗೆ ಮೊಬೈಲ್‌ ಮೂಲಕ ಈ ವಿಷಯ ತಿಳಿಸಿದ ನಂತರ ಸೆಕ್ಟರ್‌ ಆಫೀಸರ್‌ ಸ್ಥಳಕ್ಕೆ ಆಗಮಿಸಿ, ಎಲ್ಲವನ್ನು ವಿಡಿಯೋ ಮಾಡಿಕೊಂಡು, ಊಟಕ್ಕೆ ಹೋಗಿದ್ದ ಸಿಬ್ಬಂದಿ ಕರೆಯಿಸಿ ಮತದಾನಕ್ಕೆ ಅನುಕೂಲ ಮಾಡಿ ಕೊಟ್ಟರು. ತಪ್ಪಿತಸ್ಥರಿಗೆ ಕಾನೂನಿನ ಕ್ರಮ ಕೈಕೊಳ್ಳಬೇಕೆಂದು ಸ್ಥಳೀಯರು ಆಗ್ರಹಿಸಿದ್ದಾರೆ.

ಬೂತನಲ್ಲಿ ಯಾರು ಇಲ್ಲದ್ದನ್ನು ಪೋಟೊ ತೆಗೆಯುವುದನ್ನು ಗಮನಿಸಿದ ಪೋಲಿಂಗ್‌ ಏಜೆಂಟರು ನಾವು ಇದ್ದಿವಲ್ಲಾ. ಹೊರಗಡೆ ಮತದಾರರು ಯಾರು ಇಲ್ಲ. ಅದಕ್ಕೆ ಊಟಕ್ಕೆ ಹೋಗಿದ್ದಾರೆ ಎಂದು ಪೋಲಿಂಗ್‌ ಏಜಂಟರು ಸಬೂಬು ಹೇಳಿದರು.