ಶಾಸಕರ ಮನೆ ಎದುರು ಮಹಿಳೆ ವಿಷ ಸೇವಿಸಿದ್ದೇಕೆ

ಬಾಗಲಕೋಟ: ಬಾದಾಮಿ ಶಾಸಕ ಬಿ.ಬಿ.ಚಿಮ್ಮನಕಟ್ಟಿ ಅವರ ಮನೆ ಎದುರು ಮಹಿಳೆಯೊಬ್ಬರು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಯರಗೊಪ್ಪ ಎಸ್ ಸಿ ಗ್ರಾಮದ ಶಾಂತವ್ವ ವಾಲಿಕಾರ ಉರ್ಪ ತಳವಾರ(55) ಆತ್ಮಹತ್ಯೆ ಮಾಡಿಕೊಂಡಿರುವ ಮಹಿಳೆ.

ಯರಗೊಪ್ಪ ಗ್ರಾಮದ ಗ್ರಾಮ ಸಹಾಯಕ ಕೆಲಸಕ್ಕೆ ತನ್ನ ಪುತ್ರ ಶಂಕ್ರಪ್ಪ ಅವರನ್ನು ನೇಮಕ ಮಾಡುವಂತೆ ಮಹಿಳೆ ಮನವಿ ಮಾಡಿದ್ದರು.

ಈ ಮೊದಲು ಅವರ ಪತಿ ಗ್ರಾಮ ಸಹಾಯಕರಾಗಿದ್ದರು. ಅವರು ಸತ್ತ ಮೇಲೆ ಮಗ ಆ ಕೆಲಸ ಮುಂದುವರಿಸಿದ್ದ. ಹೀಗಾಗಿ ಆತನನ್ನು ನೇಮಕ
ಮಾಡುವಂತೆ ಕೋರಿದ್ದರು.

ಶಾಸಕ ಚಿಮ್ಮನಕಟ್ಟಿ ಅವರು ಸ್ವಜಾತಿಯ ಗೋವಿಂದಪ್ಪ ಅವರನ್ನು ನೇಮಕ ಮಾಡಿಸಿದ್ದರು ಎನ್ನುವ ಆರೋಪ ಕೇಳಿ ಬಂದಿದೆ. ಈ ವಿಷಯ ತಿಳಿದು ಮನನೊಂದ ಮಹಿಳೆ ಶಾಸಕರ ಮನೆ ಎದುರು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಇದೀಗ ಶಾಸಕರ ವಿರುದ್ದ ಗ್ರಾಮಸ್ಥರು ಆಸ್ಪತ್ರೆ ಎದುರು ರಸ್ತೆಯಲ್ಲಿ ಪ್ರತಿಭಟನೆ ಆರಂಭಿಸಿದ್ದಾರೆ.