ಸಮರ್ಪಕ ಚರಂಡಿ ವ್ಯವಸ್ಥೆಗೆ ಆಗ್ರಹ

ಹಣ್ಣಿಕೇರಿ: ಬೈಲಹೊಂಗಲ ತಾಲೂಕು ಸಂಪಗಾಂವ ಗ್ರಾಮದ ಮಲ್ಲಗೌಡ ಪ್ಲಾಟ್‌ ಓಣಿಯಲ್ಲಿ ಸಮರ್ಪಕ ಚರಂಡಿ ವ್ಯವಸ್ಥೆಗೆ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿ ಸ್ಥಳೀಯ ನಿವಾಸಿಗಳು ಗ್ರಾಪಂ ಅಧ್ಯಕ್ಷ ಬಸವರಾಜ ನೇಸರಗಿ ಅವರಿಗೆ ಮನವಿ ಸಲ್ಲಿಸಿದರು.

ಓಣಿಯ ಎರಡೂ ಕಡೆ ಸಮರ್ಪಕ ಚರಂಡಿ ವ್ಯವಸ್ಥೆ ಇಲ್ಲ. ಇದರಿಂದ ಓಣಿಯ ನಿವಾಸಿಗಳ ದಿನಬಳಕೆಯ ನೀರು ರಸ್ತೆಗೆ ಹರಿದು ದುರ್ನಾತ ಬೀರುತ್ತಿದೆ. ಇಲ್ಲಿ ನಿರ್ಮಿಸಲಾದ ಮನೆಗಳ ಹಿಂಬದಿ ಚರಂಡಿ ಇದೆಯಾದರೂ ಅದೂ ಮುಚ್ಚಿ ಹೋಗಿರುವುದರಿಂದ ಶೌಚಾಲಯಗಳಿಂದ ಹರಿಯುವ ಮಲಮೂತ್ರ, ಹೊಸಲು ನೀರು ಅಲ್ಲಲ್ಲಿ ನಿಂತು ವಾತಾವರಣ ಹದಗೆಟ್ಟು ಹೋಗುತ್ತಿದೆ. ಕೆಲವು ಮನೆಗಳ ಒಳಗೂ ಹೊಲಸು ನೀರು ಹರಿಯುತ್ತಿದ್ದು ಜನರ ವಾಸಕ್ಕೂ ತೊಂದರೆಯಾಗಿದೆ. ಹೀಗಾಗಿ ಶೀಘ್ರ ಸಮಸ್ಯೆಗೆ ಪರಿಹಾರ ಒದಗಿಸಿಕೊಡಬೇಕು ಎಂದು ಮನವಿಯಲ್ಲಿ ಸಾರ್ವಜನಿಕರು ಆಗ್ರಹಿಸಿದ್ದಾರೆ.

ಮನವಿ ಸ್ವೀಕರಿಸಿದ ಗ್ರಾಪಂ ಅಧ್ಯಕ್ಷ ರು ಸೂಕ್ತ ಕ್ರಮ ಕೈಕೊಳ್ಳುವ ಭರವಸೆ ನೀಡಿದ್ದಾರೆ.

ಈ ಸಂದರ್ಭದಲ್ಲಿ ಮಂಜು ಉಳವಿ, ಬಾಬುಸಾಬ ನಗಾರಸಿ, ಕಮಲ ಅದೋನಿ, ಯಲ್ಲಪ್ಪ ನಾಅಯಕ, ಬಾಳಪ್ಪ ಭಜಂತ್ರಿ, ಮಲಿಕ ಇರಾಣಿ, ಹಸನ್‌ ಮುಲ್ಲಾ, ಅನಿಸಾ ಇರಾಣಿ, ಮಂಜುಳಾ ಹುಬ್ಬಳ್ಳಿ ಮತ್ತಿತರರು ಇದ್ದರು.