ಒಂದೇ ದಿನ 13 ಜನರಿಗೆ ಸೋಂಕು

ಬೆಳಗಾವಿ: ಜಿಲ್ಲೆಯಲ್ಲಿಮತ್ತೆ ಮಹಾರಾಷ್ಟ್ರದ ಕೊರೊನಾ ನಂಜು ಸ್ಫೋಟಗೊಂಡಿದ್ದು, ಭಾನುವಾರ ಒಂದೇ ದಿನ 13 ಕೊರೊನಾ ಪಾಸಿಟಿವ್‌ ಹೊಸ ಪ್ರಕರಣಗಳು ದೃಢಪಟ್ಟಿವೆ.

ಇದರೊಂದಿಗೆ ಜಿಲ್ಲೆಯಲ್ಲಿಕೊರೊನಾ ಸೋಂಕಿಗೆ ಒಳಗಾದವರ ಸಂಖ್ಯೆ161ಕ್ಕೆ ಏರಿದೆ. ಇದರಲ್ಲಿವರದಿ ಬರುವುದಕ್ಕೂ ಮುನ್ನವೇ ಬಿಡುಗಡೆ ಆಗಿರುವ ಯಮಕನಮರಡಿ ವಿಧಾನಸಭಾ ಕ್ಷೇತ್ರದ ಮೂವರು ಸಹ ಇದೇ ಪಟ್ಟಿಯಲ್ಲಿಸೇರಿದ್ದಾರೆ. ಒಟ್ಟಾರೆ ಬೆಳಗಾವಿ ಗ್ರಾಮೀಣ ಮತ್ತು ಚಿಕ್ಕೋಡಿಯಲ್ಲಿತಲಾ ಐದು, ಹುಕ್ಕೇರಿಯಲ್ಲಿಮೂವರಲ್ಲಿಕೊರೊನಾ ಸೋಂಕು ಕಂಡು ಬಂದಿದೆ.

ಒಟ್ಟು 13 ಸೋಂಕಿತರ ಪೈಕಿ ಇಬ್ಬರು ದೆಹಲಿ ಪ್ರವಾಸದ ಹಿನ್ನೆಲೆ ಹೊಂದಿದ್ದರೆ, ಉಳಿದ 11 ಜನರ ಮಹಾರಾಷ್ಟ್ರ ಪ್ರವಾಸದ ಹಿನ್ನೆಲೆ ಹೊಂದಿದ್ದಾರೆ. ಅವರೆಲ್ಲರೂ ಸಾಂಸ್ಥಿಕ ಕ್ವಾರಂಟೈನ್‌ ನಲ್ಲಿಇದ್ದರು. ಸೋಂಕು ಖಚಿತವಾದ್ದರಿಂದ ಅವರನ್ನು ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಆರೋಗ್ಯ ಅಧಿಕಾರಿಗಳು ತಿಳಿಸಿದ್ದಾರೆ.