ಬೆಳಗಾವಿ ಜಿಲ್ಲೆಯಲ್ಲಿ2,523 ಕೊರೊನಾ ಸಕ್ರಿಯ ಪ್ರಕರಣ; 60 ಪಾಸಿಟಿವ್‌, 10 ಸಾವು, 29 ಗುಣಮುಖ

ಬೆಳಗಾವಿ: ಜಿಲ್ಲೆಯಲ್ಲಿಭಾನುವಾರ ಸಂಜೆಯಿಂದ ಸೋಮವಾರದವರೆಗೆ 10 ಕೊರೊನಾ ಸೋಂಕಿತರು ಮೃತಪಟ್ಟಿದ್ದಾರೆ.

ಬೆಳಗಾವಿ ತಾಲೂಕಿನ ನಾಲ್ವರು, ಅಥಣಿ ಮತ್ತು ರಾಮದುರ್ಗದ ತಲಾ ಇಬ್ಬರು, ಬೈಲಹೊಂಗಲ ಮತ್ತು ಚಿಕ್ಕೋಡಿಯ ತಲಾ ಒಬ್ಬರು ಮೃತಪಟ್ಟಿದ್ದಾರೆ. ಇದರೊಂದಿಗೆ ಜಿಲ್ಲೆಯಲ್ಲಿಮೃತಪಟ್ಟ ಕೊರೊನಾ ಸೋಂಕಿತರ ಸಂಖ್ಯೆ 85ಕ್ಕೆ ಏರಿದೆ.

ಉಳಿದಂತೆ ಭಾನುವಾರ ಸಂಜೆ 5 ಗಂಟೆಯಿಂದ ಸೋಮವಾರ ಸಂಜೆ 5 ಗಂಟೆ ವರೆಗೆ ತಪಾಸಣೆ ಮಾಡಲಾದ ವರದಿಗಳಲ್ಲಿ60 ಕೊರೊನಾ ಪಾಸಿಟಿವ್‌ ಹೊಸ ಪ್ರಕರಣಗಳು ಪತ್ತೆಯಾಗಿವೆ. 29 ಜನ ಕೊರೊನಾ ಸೋಂಕಿನಿಂದ ಗುಣಮುಖರಾಗಿದ್ದಾರೆ. ಸದ್ಯ ಜಿಲ್ಲೆಯಲ್ಲಿ2,523 ಕೊರೊನಾ ಸಕ್ರಿಯ ಪ್ರಕರಣಗಳು ಉಳಿದಿವೆ.