ಬೆಳಗಾವಿಗೆ ಹೈಟೆಕ್‌ ಆಟೋಗೆ ದ್ವಿತೀಯ ಸ್ಥಾನ

ಸಂಜಯ ಕೌಲಗಿ ಬೆಳಗಾವಿ
ಮಹಾರಾಷ್ಟ್ರ ಆಟೋ ಚಾಲಕರ ಸಂಘ ಇತ್ತೀಚೆಗೆ ಕೊಲ್ಲಾಪುರದಲ್ಲಿ ಆಯೋಜಿಸಿದ್ದ ಅಲಂಕಾರಿಕ ಆಟೋ ಸ್ಪರ್ಧೆಯಲ್ಲಿ ಬೆಳಗಾವಿಯ ಅನಗೋಳ ನಿವಾಸಿ ಮಹಮ್ಮದಅಕ್ಬರ್‌ ಮಹಮ್ಮದರಸುಲ ಶೇಖ್‌ ಅವರ ಆಟೋ ದ್ವಿತೀಯ ಸ್ಥಾನ ಗಳಿಸಿದೆ. ಅಲಂಕಾರಿಕ ಆಟೋ ಸ್ಪರ್ಧೆಯಲ್ಲಿ ಬೆಳಗಾವಿಯ 5 ಆಟೋಗಳು ಭಾಗವಹಿಸಿದ್ದವು. ಅವುಗಳಲ್ಲಿ ಮಹಮ್ಮದಅಕ್ಬರ್‌ ಅವರ ಆಟೋ ದ್ವಿತೀಯ ಸ್ಥಾನ ಪಡೆದಿದೆ.

ಮಹಮ್ಮದಅಕ್ಬರ್‌ ಕೆಎಸ್‌ಆರ್‌ಟಿಸಿಯಲ್ಲಿ ಡ್ರೈವರ್‌ ಆಗಿ ಕಾರ್ಯ ನಿರ್ವಹಿಸಿ, ನಿವೃತ್ತಿಯಾಗಿದ್ದಾರೆ. ಸೇವಾ ಅವಧಿಯಲ್ಲಿ ಇವರಗೆ ಉತ್ತಮ ಚಾಲಕ ಪ್ರಶಸ್ತಿ ದೊರೆತಿದೆ. ಜುಲೈ 2018ರಲ್ಲಿ ನಿವೃತ್ತಿಯಾದ ಬಳಿಕ ಹೊಸ ಆಟೋ ಖರೀದಿಸಿದರು.

ಹೀಗಿದೆ ಆಟೋ: ಆಟೋದಲ್ಲಿ ಟಿವಿ, ಎಸಿ, ಫ್ಯಾನ್‌, ಡಿಜೆ ಸಿಸ್ಟಂ, ರಿವರ್ಸ್‌ ಕ್ಯಾಮೆರಾ ಹಾಗೂ ಸುತ್ತಲೂ ಬಗೆಬಗೆಯ ಲೈಟಿಂಗ್‌ ಅಳವಡಿಸಿದ್ದಾರೆ. ಒಳಗೆ ದೇಶದ ಮಹಾನ್‌ ನಾಯಕರು, ಪ್ರಮುಖ ಮಹಿಳೆಯರು, ದೇಶದ ಪ್ರಧಾನಿಗಳ ಭಾವಚಿತ್ರಗಳನ್ನು ಅಂಟಿಸಿದ್ದಾರೆ. ಇನ್ನು ಆಟೋದಲ್ಲಿ ಮೀಟರ್‌ ಅಳವಡಿಸಿದ್ದು, ಆ ಪ್ರಕಾರವೇ ಪ್ರಯಾಣಿಕರಿಂದ ಹಣ ಪಡೆಯುತ್ತಾರೆ.

ಎಸಿ, ಟಿವಿ ಸೌಲಭ್ಯವುಳ್ಳ ಆಟೋದಲ್ಲಿ ಬೆಳಗಾವಿಯ ಜನತೆ ಪ್ರಯಾಣಿಸಿ ಆನಂದಿಸಲಿ ಎಂಬ ಆಶಯ ನನ್ನದು ಎನ್ನುತ್ತಾರೆ ಮಹಮ್ಮದಅಕ್ಬರ್‌ ಶೇಖ್‌.