ನಾಯಿ ದಾಳಿಗೆ ಏಳು ಆಡು ಮರಿಗಳ ಸಾವು

ಅರಟಾಳ: ಸಮೀಪದ ಹಾಲಳ್ಳಿ ಗ್ರಾಮದ ಮಹಾದೇವಿ ತಿಪ್ಪಣ್ಣ ಸನದಿ ಅವರು ಸಾಕಿದ ಆಡು ಮರಿಗಳ ಮೇಲೆ ಬೀದಿ ನಾಯಿಗಳು ದಾಳಿ ಮಾಡಿದ್ದರಿಂದ 7 ಮರಿಗಳು ಮೃತಪಟ್ಟಿವೆ.

ಶುಕ್ರವಾರ ಯಾರೂ ಇಲ್ಲದ ಸಮಯದಲ್ಲಿ ಬೀದಿ ನಾಯಿಗಳು ಗುಡಿಸಿಲಿಗೆ ನುಗ್ಗಿ ಅಲ್ಲಿಂದ ಆಡು ಮರಿಗಳ ಮೇಲೆ ದಾಳಿ ಮಾಡಿವೆ. ಮರಿಗಳನ್ನು ಇನ್ನೂ ಒಂದು ತಿಂಗಳು ಜೋಪಾನ ಮಾಡಿ ಮಾರಾಟ ಮಾಡಿದರೆ ಸುಮಾರು 45 ಸಾವಿರ ರೂ. ನಷ್ಟು ಆದಾಯವಾಗುತ್ತಿತ್ತು ಎನ್ನುತ್ತಿದೆ ಮರಿಗಳನ್ನು ಕಳೆದುಕೊಂಡ ಬಡ ಕುಟುಂಬ.